اللي عندها مثل غسالتي الاوتوماتك توشيبا .. تدخل تساعدني

هلا اختي ما اعرف شلون اشرح لج بس المفروض انتي تحددين اول مده الغسل و التشطيف و التنشيف
حاولي تقراين المنيوال مالتها
و بعدين على حسب الثياب تحددين كميه الماي من الزر الي مكتوب عليه مستوى الماء \و بتشوفين نفس المجر صغير مقسم قسمين داخل الغساله افتحيه وحطي فيه الصابون في القسمالعود والكمفورت في القسم الصغير او انتي حطي دايركت على الماي بروحج كيفج و بس عقب ما تنترس حطي الثياب و صكي الباب
مسامحه ما اعرف اشرح بس انتي حاولي فيها

مشكورة اختي كتكوتة راح اجرب


ياريت باقي البنات يساعدوني الله يخليكم محتارة ومتفشله جدام زوجي

عادي لاتتفشلين الغسالات مو كلهم سوا وكل نوع وماركه تختلف.....

مافيها شي اذا خليتيه يسأل المحل اللي اخذتوه منها :)

حبابة (f)


صوري شكل الغسالة من جهة الأزرار ..

ونزليها في المنتدى ..

وبخبرج شلون تشغلينها ..


ولا تستحين ولا تتفشلين ولا تحطين ببالج :)



(f)

خلينا نشووف انا راح اعلمش
أول شي شغليها من زر مكتوب عليه تشغيل وإيقاف
بعدين اضغطي على زر الدورة كذا مرة بتشوفين الليت يمشي ووقفي الضغط
على الزر عند الغسيل إليي تبينه مثلاً غسيل سريع او اعتيادي
بعدين بتشوفين مكتوب في زر بيضاوي تشغيل اضغطي عليه
وخلاص بتشتغل الغسالة بصير فيها ماي ووقت إلي تشوفين كمية الماي
صارت معقولة ضيفي مسحوق الغسيل وبعدين حطي الملابس
بعد تصنيفها وبس :)