حبيباتي عضوات و مسؤولات رابطه (عارضات الأزياء) الرشيقات و الزائرات :87457:
بما أن الموضوع بجزئيه الأول و الثاني كان عليهم إقبال كبير بحمد الله و بفضلكم وصلت الردود إلى أكثر من 1000 و المشاهدات بالآلاف في ثلاث اسابيع !!! و تم إغلاقهم حسب شروط منتدانا الغالي، و هذا كله بفضل تواصل بنات الرابطة و هذا هو الرابط للجزء الأول
:8884:
اللي تحلم بوزن عارضات الأزياء تنضم لي و ما أبي الكسولات،، (الجزء الأول)
و الرابط للجزء الثاني:
اللي تحلم بوزن عارضات الأزياء تنضم لي و ما أبي الكسولات،، (الجزء الثاني)
الجزء الثالث جاء تكمله للدورة الأولى و الثانية (كل دورة أسبوعين) اللي بديناها أنا والرشيقات و أحب أول شي أهني كل بنات الرابطة من الجزء الأول و الثاني المشتركات من الدورة الأولى و الثانية على المجهود و على نزول الوزن و على التواصل و نجاح الرابطه :clap:
، و بما إني عانيت في الأجزاء السابقه أنا وخواتي المسؤولات في الرابطة و خصوصا في الاجابه على أسئلة بعض الخوات الفاضلات اللي يسألن أسئلة موجودة إجابتها أصلا في الشروط!! :eeksign:
قررت لها السبب الالتزام بنفس الموضوع مع اضافه بعض الشروط و تعديلها للتوضيح و الأخذ باقتراحات الكل و ياريت الالتزام خواتي، و هالشي فعلا لمصلحتكم و الدليل على هالشي افتتاح الجزء الثالث بحمد الله :21_195:
الموضوع
بنااااااااااااات :shy:
كلنا نحلم بالوزن المثالي و بوزن عارضات الأزياء و نشوف الممثلات و العارضات و نتحسر، و نقول ليش و ياريت، و الحقيقة انه هاي أجسامكم انتوا و إذا ظليتوا تقولون ياريت ما راح تستفيدون و بتمون تقولونها طول العمر، نحنا رشيقات و لازم نهتم بأنفسنا أكثر عشان الكل يأشر علينا و يقول ياريت مثل ما انتوا تأشرون على عارضات الأزياء و تشوفون الملابس الحلوة و تقولون ياريت.:21_186:
عشرين ألف موضوع دخلته هني و كله فيه مجموعات بنات يحلمون بالوزن المثالي و يشجعون بعض ، بس فرق بين موضوع و موضوع، في مواضيع يكون الحماس فيها واصل حده أول يومين و بعدين البنات تموت الاراده عندهن و ترجع حليمة لعادتها القديمة، عشان هالسبب بالذات أنا قررت أبدا و أفيد البنات اللي فعلا عندهم اراده لها الشي و حطيت شروطي عشان ما يتكرر اللي صار في معظم المواضيع لأني ما أرضى بهالشي ، و الدليل على نجاح هالسياسة هالجزء.
أحب أول شي أعرفكم بنفسي و على المسئولات في الرابطة
أنا rooo7_el7ob
و طولي 165
و وزني حاليا 54
و حلمي مبدئيا أوصل 48
و ابتديت ب58 كيلو
و المسؤولات هن casrolaaa، alshegraa، أريش العين و فلسطين حبيبتي
هالبنات انشالله بيكونن معاي أيد وحدة و لهن راي في شروط الجزء الأول و الثاني و تعديلاتها ، و احييهن على المجهود و المشاركة و الإشراف
وأيضا العضوات حبيباتي كلهن كانت لهن مشاركاتهن المتميزة في الجزء الأول و الثاني و أتمنى أشوف نشاطكم في الجزء الثالث بعد :8875:
طبعا أنا أبا انقص الحين ع الأقل 6 كيلو
و في بنات يبون ينقصون أكثر ، و ما تفرق
أهم شي كلنا هدفنا واحد و نبي ننقص وزننا و نلبس اللي نبيه
طبعا بتقولون شو هالغبية وزنها مناسب على طولها بتصير يابسه بتختفي !!!
بس لاااااااااا
أنا جسمي رياضي بس اللي مخرب عليه الأرداف و أنا ما أحب الأرداف وأبي أتخلص منها،:angry:
في الجزء الأول وايد بنات قالولي ما يحتاج و كل صديقاتي و اللي حولي يقولون ما يحتاج بس بنات جسم عن جسم يفرق، يعني في بنات عندهم العظام ثقيلة فتفرق في الوزن، و أنا عن نفسي ما اصدق انه في شي اسمه وزن مثالي ، أنا امشي على قاعدة الشكل المثالي (تناسق كامل الجسم)، و مليت من كثر ما أقول باجر، أنا فعلا بديت واللي حابه تكون معاي حياها الله، بس أنا ما أتساهل و ما أبا أي كسل :sm229:
و بالنسبة للرياضة ، أمارسها من 5 سنين ع الأقل 4 أيام في الأسبوع لو مو يوميا، ايروبكس و جري و أثقال (حديد) و تعودت عليها بس ما كنت امشي على نظام معين بس كنت أحافظ على وزني و هالشي الحين مساعدني
و هذا اللي تحتاجونه بالنسبه للرياضه
اول شي الاوربت تراك و هو الجهاز اللي راح نعتمد عليه اكثر شي و خصوصا للبنات اللي مشكلتهم في الأرداف
ثاني شي ثقلين ، للمبتدئات 2.5 K , للمتمرسات 5 K
ثالث شي خبرة في رياضه رفع الاثقال و رياضات الشد و اللي ما عندها خبرة لازم يكون عندها DVD و انصحكم بواحد اسمه boot camp DVD فيه اشخاص ما حطيت صورته
أو ممكن تشتركون في جم
و عن الخبرة أنا من كليه الأغذية و أي شي أقوله واثقة فيه و ان شاء الله بالتعاون و التشجيع اضمن لكم انه الوزن بينزل بشكل صحي و بدون أعراض جانبية و اوثقوا بأنفسكم قبل لا توثقون فيني و الحمد لله كل اللي بدوا معاي من الدورة الأولى نزل وزنهم (r)
و هني اللي بتحتاجونه نظام غذائي راح اعطيكم اياه
و شاي اخضر (اختياري) انا اشرب هذا
و مفيد للجسم ويعطي طاقه
و أنبه انه الوزن اللي ينزل بسرعة يرجع بسرعة و نزول الوزن أكثر من 2 كيلو في الأسبوع يسبب ترهلات في الجسم و ما أظن في وحدة فيكم تبي تدخل غرفه العمليات و تشوف المشرط بسبب ترهل الجسم،:pain:
في وقت لا تستعجلون و أهم شي توصلون للنتيجة المطلوبة في آخر المشوار
أنا اقدر اطمنكم واقولكم الوزن بينزل و بسرعة، بس أنا ما أقول إلا الصدق، لأني أبا اللي يكونن وياي هن النخبة من البنات, واللي معاي الحين الحمد لله من النخبة، :Z_cool_c:
و اللي تخاف في مواضيع وايد ما تخوف، أنا أحب الالتزام و هالشي ما راح يتغير، واللي تبي تصير جميله لازم تصبر و تلتزم، الدلع هني ما يمشي، :UP202: لا لا للكسل
وصلنا للشروط، اللي مرتاحة و حابه تنضم تكمل الشروط و تقراها، اللي موحابه تشكر على المرور، و بنات حبيباتي أنا تعبت وايد في الموضوع ، ما احلل أي وحدة تنقل أي شي منه دون ذكر المصدر (rooo7_el7ob منتديات عروس) و اللي تغلط و تسويها بدعي عليها بشحوم ودهون في كل مكان في جسمها :sa36:
الشروط و ياريت الالتزام عشان كلنا نكون أيد وحدة
(أول شرط) :
أنا حاطة نظام غذائي سهل و خفيف و محدد و كل دورة أحاول ارتب نظام و باخذ رايكم حبيباتي في نظام الدورات الياية، هالنظام برسله للي تبي تشاركني و اللي ما تبي تمشي عليه في مواضيع ثانية ممكن تختار منها اللي تبيه، ما أتي وحدة تقولي والله أنا عندي رجيم مال أسامه حمدي و لا أبا أجرب الكيميائي و لا غيره، أنا حابه كلنا نتشارك بنفس النظام الصحي ، كلنا خوات حبيباتي و في موضوع واحد و حابه يسري علينا نفس الشي و بعد ما أبي وحدة أتي و تقول روح الحب طيحت شعري و لا غيره، اللي ما تبي تمشي بنظام محدد براحتها بس مو عندي
(ثاني شرط):
تبعدين عن الميزان لين يوم الوزن اللي أنا احدده ويحددونه المسؤولات و عضوات الرابطة حبيباتي و اللي المفروض كل دورة مرة يعني (كل أسبوعين مرة) نحن بدينا الدورة الأولى بتاريخ 26\6 ، و الدورة الثانية ابتدت بتاريخ 10\7، و هالشرط حطيته لعده أسباب أول شي لان الوزن كل يوم اييبلج الإحباط و أهم شي عندنا النفسية و ما نبي إحباط من أولها و الوزن يبيله صبر مو معجزة و سحر بينزل وزنج في يوم و ليله، يعني ما نبي نوزن كل يوم و هالشي ضروري ، و بعد انتظار الوزن يزيد الحماس و نحن كلنا جربنا هالشي
(ثالث شرط والاهم):
التواااصل، أنا والعضوات المتواجدات حاليا مثل خوات و يوميا ندخل نقول شو سوينا بالرجيم و نسولف و لو تغيبتي فترة طويلة بدون عذر مثل ما سون بعض البنات طرددددد و سألو أنا ما أتساهل في هالشي، لأني مثل ما قلت أبا النخبة يكونن وياي و اللي تبي توصل لشي لازم تصبر و لأنه الإرادة أهم شي و ذولي ما عندهم إرادة و أنا قلت ما أبي الكسولات خواتي و ما أبي حد اييبلي إحباط يكفي إهمال لأنفسنا و لجمالنا و انشالله تشوفين النتايج و لا تخافين من شي و خواتي حبيباتي في الرابطة ما بيقصرن وياج، و للعلم أنا و المسؤولات نسجل الحضور اليومي و عندنا معلومات كل البنات عشان نقارن الوزن قبل و بعد يعني لعب عندي ماااااافي
(رابع شرط و هو شرط التسجيل و مهم جدا):
أنا ادخل أكثر شي بنتين فقط في كل دورة جديدة يعني كل أسبوعين مرة لأنه العدد صار كبير و ما نقدر ندخل أكثر إلا في حال انسحاب بنات أو طرد المخالفات، و ما ندخل إلا في بداية الدورة عشان البنت تبدا معانا من البداية و تنقص وزنها معانا ما ينفع تدخل أي وحدة من نص الدورة، و مثل ما قلت بما أنا الوزن كل أسبوعين فبداية التسجيل تكون كل أسبوعين، اليوم و قف التسجيل (مافي تسجيل)، و التسجيل الياي نحدده نحن و يكون موجود أسفل توقيعي (التسجيل يوم واحد بس لأول بنتين يدخلون و يقولون) و بعدها انزل كل أسماء المشتركات من الدورات السابقة و الجديدات , يعني ما أتي وحدة و تقولي أنا حابه اشترك و ما ادري شنو قبل هالتاريخ بعرف إنها ما قرت الشروط و بقولها :88774: (عذرا اقري الشروط) ومحد يزعل ، و التاريخ اللي بعده بيكون بعد أسبوعين من هالتاريخ فياريت الالتزام بها الشي أما اللي حابه تدخل و تستفيد معنا و تتابع ما في أي مانع طبعا
(خامس شي):
في يوم التسجيل فقط أول ثنتين يدخلن كل وحدة تقولي طولها ووزنها و الوزن اللي تحلم فيه و اللي مو حابه علني ترسله ع الخاص، بس لازم تقول لأني اخذ معلوماتكم و أقارن قبل و بعد ما أتي وحدة لو سمحتوا و تقول أبي اشارك بس و تطلع تعبت من كثر ما أقول لو سمحتي الطول و الوزن مع انه هذا من الشروط و موجود !!!! ،
و أي أسئلة أنا حاضرة و لاتنسون التشجيع و الحماس و بعد لا تقولون لأحد إنكم تسوون رجيم ، نبي الصيف يخلص و نرجع ندوام و الكل ينصدم و يغار منا و من أجسامنا و يقول ياريييييت :21_180:
(سادس شي):
انسي شي اسمه مجبوس و دهون و مقالي و بطاط و حلاوة و شوكولاه و غازيات و سكريات
بس مسموح عصير دايت مخفف السعرات أو بيبسي دايت و مو تشربينه كله و مو بين الوجبات لأنه مضر بس في حاله العطش، ولازم تشربون ماي كثر ما تقدرون و اللي تبي تضعف لازم تقاوم هالاشيا اللي تضر بصحتنا، ما أتي وحدة و تقولي أبي نظام في هالسوالف ، قلت اللي تبي شي لازم تصبر.
اتفقنا يا بناااااااااااات
اللي مرتاحة و عندها الاراده إنها تكون معاي تقولي في اليوم المحدد (كل أسبوعين مره و من سبق لبق) و تقول وزني جذي و و طولي جذي و أبي أوصل لها الوزن ..... و( التاريخ بيكون مذكور في توقيعي و متجدد) عشان ندخلها معانا و توعد المجموعة إنها ما تخالف و ان شاء الله كلنا نصير بوزن عارضات الأزياء و بالوزن اللي نحلم فيه
ملاحظه هامة:
بما انه أسماء المشتركات قابله للتعديل، يعني ممكن أي وحده تخالف و تطلع، ففي احتمال ندخل أكثر من بنتين حسب هالشي مثل ما ذكرت في الشروط
قبل كنا نكسر يوم واحد الحين عندنا يومين كسر في النظام و اليومين اقتراح حبيبتي alshegra، هالشي عشان تكافئون أنفسكم و ما تحسون بالحرمان فترة طويلة و عشان كل ما تبون تاكلون شي و يكون في خاطركم تقولون لا باكله في يوم الكسر ما بخرب رجيمي :sm2441:
و خطه اليوم و التنظيم من ترتيبي انا و حبيبتي casrolaaa
و كل العضوات ساعدن و شاركن وأي عضوه عندها اقتراح جديد ممكن تقوله في الموضوع و نناقشه و لو الكل وافق نحطه في خطتنا و نحط اسمها بعد عليه :yahoo:
و بنات لا تزعلون مني لو شديت عليكم في يوم ترا والله لمصلحتكم و لو تساهلنا كلنا ما راح نوصل لهدفنا، انا ابي الصيف يخلص و كلنا نكون بوزن عارضات الازياء !!!!!
و مرة أخيره ما احلل أي وحده تاخذ أي موضوع من مواضيعي بدون ذكر المصدر او خطط العضوات بدون ذكر مصدرها
حبيباتي انا ابي تدعولي من قلوبكم بالتوفيق ما ابي منكم اي شي ثاني :21_201:
و حبيباتي بنات الرابطة و الزائرات أي وحدة حاسة انه هالموضوع بجزئيه الأول و الثاني و الثالث يستحق التقييم قيموه بالضغط على الميزان في نهاية الموضوع :21_207:
و شكر خاص لكل من قيم الجزئين الأول و الثاني
دمتم بود و معا في طريق الرشاقة :shy:
