مجرد سؤال .....

هلا شهيرو انا بكريه بس ماحبيت اقرا موضوعش ولا ارد عليش الصوره واضحه في الترا ساوند كان شفتي بعينش عشان تتطمني وبالنسبه لبطنش كبير اكيد المويه واجد انا بعد في الشهر الثامن احين والكل يشوفني يقولي انتي في الشهر التاسع ولمن كنت في الخامس يقولوا كاني في السابع والله يسهل علينا وعليش يااارب ويرزق المحرومين

الله يسهل عليتج
حبوبه هذا هو حمل البنت
ثقل وبطن كبير
الله يسهل عليتج

اهلين اختي


عن الالترساوند ممكن يصير غلط لكن هذا احتمال جدا بسيط وما دام الدكتورة اكدت انها بنت فان شاء هي بنت .. وبالنسبة لكبر حجم بطنك اعتقد بسبب الماي اللي حوالين الجنين ..


انا حملت مرتين وفي المرتين ما بين جنس الجنين الا في الثامن وفي المرتين بعد كان بطني جدا صغير يعني انا العكس اكون في الشهر ال8 بس بطني كأنه في الشهر ال5 ..

نسيت اقول ان اللي عندي اولاد .. وما جربت حمل البنات لكن يقولون لي ان لو احمل ببنت بطني بيكون كبييير لان بالبنت البطن يبين اكبر والثقل ازيد :)



اييي صح عن الحركة عادي انا ببكري حسيت بالحركة من نصف الشهر ال5 اما بالحمل الثاني حسيت بالحركة من اول يوم لي في الشهر الرابع ( وحسيت شوي برفّات في الشهر ال3 لكن مو متأكدة الصراحه اذا كانت حركة بيبي او لا بس اول يوم في الشهر ال4 حسيت بالحركة وااااضحة )
:wink:

الحمل الثالث هو وايد اثقل مقارنة بالحمل الأول والثاني انا بعد حامل للمرة الثالثة وفعلا احس بثقل وتعب سريع على ابسط الااعمال الي اسويها

حبيبتي انا في بناتي قالت لي الدكتوره انها بنت من الشهر الرابع تقريبا
والافضل لو تصبرين للشهر السابع ولا الثامن بيكون اوضح بكثير ويمديك وقتها تجهزين لان هذا مو اول حمله لك واكيد انتي عارفه شنو تحتاجين تقدرين تخلصين اغراضك خلال اسبوع واحد بس0
والله يسهل عليك وعلى كل حامل اللهم امين0

حبوبه حجم البطن ماله دخل بالبنت او الولد

انا حملي ببنتي بطني كانت صغيره مره

امممم انا اقول انتظري كم شهر واتاكدي من نوع الجنين

وبعدها توكلي على الله وجهزي للبيبي

والله يرزقك بالي تتمنيه

عادي ممكن يغلط السونار

لان الدكتورة اللي سوت السونار مو ملاك عشان ماتغلط

في إحتمال يكون صح

وفي احتمال يكون ولد ولسه ماتكونت اعضاءه يصير انا قرأيت عن هالحاله في النت

من الشهر السابع أو الثامن بيكون أكيد

ولو انه بعد مو أكيد لان العلم عند الله

قد تغلط الدكتورة كل شيء جايز انما بيكون اقرب للحقيقة

وكبر البطن يمكن مثل ماقالوا لك نسبة الماء كبيره


والله يرزقك باللي في بالك يارب سليم معافاه بصحه وسلامه

شهيرو;6660207:
السلام عليكم ..

شلونكم حوامل ؟؟...

عندي سؤال صغنون حق اللي جربت حمل سابق (مو بكرية) ..

انا خلصت خمس شهور ، وعملت الترا ساوند وقالت لي الدكتورة فيني بنوتة ..

سؤالي : هل يمكن يكون تشخيصها غلط ؟ مع اني سألتها كذا مرة وقالت لي : شوفي واضح انها بنت ..
لأني ابغا أجهز لون وردي بناتي ..
وشغله ثانية : مع اني في نهاية الخامس وبداية السادس .. الا أن بطني كبير جدا كأني في الشهر السابع ، وثقل ، وشي .. والبيبي تحرك مبكر في اخر اسبوع من الشهر الرابع ..
كنت شاكة بتوأم بس قالت لي في السونار بس جنين واحد ..
انا ......
انتظر ردودكم ..
يالله همتكم بنات ..

ملاحظة : انا مو بكرية ، هذا ثالث حمل لي ..

الغالية هذا شيء طبيعي يتحرك البيبي بكيررررررر .. في الشهر الرابع .. بما إنج ما شاء الله 3حمل عادي هالأمر وبعد البطن يكبر بسرعة .. هذا أنا إلي شفته في حملي هذا .. تحرك بآخر الرابع .. والبطن كبر زيادة

هيه اختي كبر البطن ماله علاقه الماي هو يزيد حجم البطن ووزن البيبي لما كنت بالبكر قالو لي

يمكن انتي حامل بتوم قلت لهم لا واحد بس وحملي الثاني ما كان بحجم الكبير وطلع البيبي اصغر وزنه

من الاول والثالث الله لا يرويج صرت منتفخه بنفجر من حجم البطن ..

لا تخافين من الحجم ولا تشككين واضح انج حامل ببنت وجهزي والله يهون عليج وتولدين بسلامه وتكون البنت

بالحسن صحه ..

ماقصرتوا حبيباتي ...

أثلجت صدري ردودكن ..

الله يسهل غلي وعليكم ، ويقر عينكم بذريتكم ..

اميـــــــــن يا رب ..

انا جربت حمال الولد مرتين ، وهو جدا خفيف ، بعكس هالحمل ..

عسى ربي ما يخسر التعب .. لي ولا لكم ..