عطوني الحل

السلام عليكم ورحمة الله وبركاتة

ماني عارفة شلون ابتدي بس اني اول مرة اكتب مشكلة في المنتدى واني من اشد المعجبين با المنتدى الحلو واللي دايم استفيد منة

اولا بعطيكم شوي نبدة عن حياتي اني عمري 22 وعندي بنت وولد ومتزوجة صار لي 6 سنوات زوجي كان كويس معاي ومو مقصر بس شوي شوي حسيتة تغير بس يقول من ظغط الدوام
بس مو مشكلة ماكان ها الشي مشكلة كبيرة بس اني سويت شي غلط وشكيت فية ومو عارفة شلون اتصرف البارحة شفت مسج في تلفونة المسج مكتوب فية نلتقي في ها المكان واحبش ولما قلت الة قالة انتي تمزحي ولا جد قلت الة جاوبني فعصب عليي وقام يسبني وقال انة صاحبة راسلنة الى زوجتة من تلفون ريلي وقال ادا مو مصدقة بكرة كلميها وكلمية وبصراحة احس اني صدق زعلتة لانة مو راعي ها السوالف ومن البيت الى الدوام ومن الدوام الى البيت
وهو بعد عيد ميلادة الاسبوع الجاي من قهري قلت بكنسل اوردر الكيك والهدية بس الحين ما ادري شورو عليي شنو اسوي وشلون اتصرف ما ادري احس راسي مشوش ولاني في غربة وماحد عندي اسولف لة وافضفض