ارجوالمساعده

اختى من ناحيه وضع زوجك قدري ظروفه ووضعه المادي واتماشي معاه وخاصه انك عارفه انه راتبه قليل ولا تهلكى بما لا يستطيع وحاولى ما تقارنى وضعك بغييرك رح تتعبي كثيير ارضي واحمدى ربنا انه مدام بحبك ومحترمك غيرك الله يعينهم حالتهم حاله مع ازواجهم وهذا اهم شيء ....

ربنا يصلح احوالكم ويهنيكم

هلا بك أختي الكريمة...

أختي ما فهمت المشكلة بالضبط...

هل إنتي متضايقة من الوضع المادي لكم ؟

أو متضايقة من زوجك و تصرفاته علشان ما يطلعك ؟

أو متضايقة من قلة إهتمامه بك لما تكوني بعيدة عنه ؟

أو متضايقة من سكنك عند أهله و طريقته معاهم ؟

حبيبتي هذا شايل هم الدنيا على راسه ، قعدي معاه ، سحبي منه كلام شوفي اشفيه ، يمكن هذا طبعه ، يمكن وضعه المادي ، اشتغلي دام الوضع المادي ما يسمح لكم ، لا تخلين حياتكم دايماً على هالحال ، ما في أي اتصال حلو بينج وبينه ، ترى راح تتعبين نفسياً ولا راح تتأقلمين على هالعيشة ، انتي مرحة وبسومة وهو نكدي حتى سوالف ما يسولف ، انتي ابدئي بأي موضوع لو إن شاء الله خبر سياسي ، وبعدين الحمدلله انتوا مو في إيجار ، انتوا ساكنين عند أهله على الأقل توفير ، ليش يشكي من المادة ، إذا بخيل هذا شي ثاني ، وإذا تعرفين فلوسه وين يصرفها خلا ص ما باليد حيلة ......الله يعينج

السلام عليكم ورحمه الله وبركاته..

اختي .. انا نفس الشي.. مب عارفه بالضبط انتي شنو الي مضايقج .. اهتمام زوجك ولا الماده ,, ولا السكن مع اهله ,, !!

ام جنى

يا حبيبتي ... طولي بالج شوي ... الحياة يبيلهاااا صبر ... انتي في أكثر عن شي مضايقج هذا اللي اتوضح لي من كلامج ... حاولي يكون في بينج وبين زوجج تواصل بالكلام قعدي معاه شوفي شو مضايقه ( الرجل اذا حس انه مقصر ف بيته يجيه اكتئاب ويعكس على تصرفاته وكلامه وحتى تفكيره لانه صعبه عليه يوم يحس انه مقصر ومب قادر يسعد زوجته وبنته)... حاولي تخلي الحوار بينكم موجود ( ترى له مفعول السحر) تواصلي معاه بكل اللغات بالكلام بالعيون وحتى باللمس ( خصوصا وهو ضايق)حسسيه انج تحبينه وانه مب مقصر معاج وراضيه فيه وراضيه بوضعج ... واذا كان ع اللبس والمكياج والكشخه ترى ف رجال ما تعرف تعبر بالكلام والله ممكن يستخدمون
النظرات وممكن اللمسات او أي طريقة تعبير معنوي او مادي ... وبعدين لا تستسلمي دوووم اكشخي والبسي وغيري ف لوك وخلي الابتسامه ماليه ويهج واعيد واكرر الحوار ثم الحوار ( بس لازم تختاري الوقت والمكان المناسبين) ... واذا زوجج ظروفه الماديه ما تسمح وانتي عارفه هالشي لازم تقدرينه ولج الاجر عند الله هذا نوع من الصبر والصابرين يأتون أجورهم بغير حسااااب . ومو عيب انج تحاولين تساعدين زوجج وتحسنين وضعج المادي .. حاولي تدورين ع شغل مناسب واذا ما يسمح لج بالشغل برى حاولي تدورين لج أي حرفه يدويه ( خياطه، أعمال يدويه، ... الخ ) أي شي تقدرين تحصلين دخل منه ..... انا وحده من حريم أخواني تخيط ملابس وستاير وكل شي عشان تساعد أخوي ( الشغل مو عيب ابدا ) منه تتعلم ومنه تساعد زوجها حتى لو تخف عنه مصروفهاا ع الاقل .... يالغاليه اقعدي مع نفسج وشوفي زوجج اكتبي الحسنات والسيئات وقارني سيئاته بسيئات غيره من الرجال ... في رجال اعوذ بالله منهم ( اللي يسكر واللي يتعاطى واللي يضرب ويشتم زوجته واللي مو داري عنها كل يوم برى ولا يسأل فيهاااا واللي يخووون وما ادراج ما الخيانه) يعني الوحده المفروض ترضى بنصيبها وتحمد رب العالمين على كل شي .... القناعة والرضاا كنز لا يفنى ....


تقبلي تحياتي

وصدقيني يا أختي ما ضاقت الا وفرجت

حبيبتي كلنا وضعنا المادي ميييح بس هاي مو معناتها ننهي حياتنا الزوجيه ... الحياة المعيشية صايره ناااااااار

وبالنسبه لزوجج حاولي انتي تتقريبين منه اتصدقين اني انا بعد كنت امر في نفس المشكله ان زوجي ما يهتم لو تدورين فالمنتدى بتحصلين الموضوع والحمدلله من بديت اتصل فيه واطمن عليه ويقولي ليش تتصلين كل شوي اقوله ابا اطمن عليك اذا ما اطمن عليك اطمن على منووووو؟؟

ومن يدخل البيت يلاقيني جدامة اعطيه الفوده واحط الزنوبه تكرمين جدامة ..

ومن اشوفه يالس يشوف التلفزيون ما اتكلم اقعد واحط راسه على ريولي وامسح على شعرة ..... الخ

ومو مقصرة وياه فالفراش اي وقت يطلبه انا اييده وما اتذمر ...

حاولي انج تدلعينه لاني اكتشفت ان الرياييل مثل الاطفال يبون عناية واهتمام ويغارون ويحسون انج ابتعتي عنهم اذا اهتميتي في عيالج جدامة ..

حاولي انك تنبسطي معو بقعدة سوا حتى لو وضعكم المادي مش بزيادة الحمدلله عكل حال .. يعني لو مرة تحكيلو عازمك عسهرة الساعة كذا .. البسي شغلة بسيطة او الي بتحبيه وتعشي معو لوحدكم اذا في مجال ودار حماكي ما بزعلو او اي اشي فواكه وجيبي العاب بسيطة من الشطرنج وورق اللعب اي لعبة والعبي معو ومع البنوتة يمكن هو حابب انو يجيبلك كل اشي بنفسك ووعارف انو تارك ببالك امور نفسك فيها ومو قادر يجيبها عشانم هيك متدايق ... وادعيلو دايما حاولي مثلا تهتموا بلبسو وتجيه يروح عالدوام باديك ظلي حواليه واحكيلو انو هو الي الي تمنيتيه بهالدنيا وانك بتحمدي ربنا انو ربنا ييسرلك اياه وادعي لو بوجهو قبل ما يروح الله يفتحها بوجهك الله ييسر امرك من هالدعواي الحلوة الي اكيد راح تفرحو... حاولي قبل ما تنامي كل يوم تحكي معو انو انت حاسستي تعبان خير؟ اذا ما رد احكيلو انك بتنبسطي بس ينبسط وبتزعلي بس يزعل وانك جنبو لما يحب يحكي معك واحكيلو "لما تقرر تحكيلي انا هون تحت امرك" وعشان الرصيد تعودي ترنيلو رنة بس وهو يرنلك رنة بتحافظي على الرصيد وبعرف انو هو ببالك وبتعرفي انو انت ببالو حاولي تبدعي بالطرق على طاقتكم وقدرتكم وربي يفتحها عليكم ويبسطكم

الله يكون بعونك ..
الاستغفار والتقرب من الله والالحاح بالدعاء خير وسيلة لهذه الحياة ..

مافهمت المشكلة
اذا كانت المشكلة انه راتبه قليل وماتقدري تعملي كل اللي فنفسك اظن انك كنت عارفة هالشي لما اتزوجتيه اذن لازم تصبري عليه وربنا يفرجها
اذا كانت المشكلة تصرفات زوجك تكلمي معه وصارحيه بمشاعرك مافي احسن من المواجهة وربنا معاكي

الله يهديكي ويهديه

اطلبي منه يسمحلك تشتغلي برا

هيك انت بتتغير نفسيتك وما بعود هو محور حياتك

ويمكن يضايقه هالاشي وهو يصير يهتم فيكي

وبنفس الوقت بتكوني عم تصرفي متل ما بدك ومن حسابك الخاص فيكي

الله يوفقك

اشكركم على الردود الحلوه ويعطيكم العافيه
وانا احب زوجي ومقدره ظروفه وحاولت اني اشتغل بس رفض
والله ان قلبي يتقطع لما اشوفه حزين ودي اساعده بس ما باليد حيله
الحمدلله على كل حال