* هل تؤيدين بقاء الزوج مع أهله أم لا

هلا الغاليه...موضوعج حلو وحبيت اشارك مع ان الاراء بتكون مختلفه..
المشكله بتكون في الزوج لان اكثر الريايل مايحبون ينفصلون عن اهلهم يوم يتزوجون وفيه ريايل يحبون يستقلون ببيت بروحهم..
المهم اذا كانو اهل الزوج طيبين ومعملتهم معاج زينه اشوف انه عادي تعيشون معاهم بس يفضل يكون او تشترطين انه يكون لج قسم خاااص مش غرفه:(
مع ان اغلبية الحريم يفضلن بيت خاص وهذا من حقهن انه اتكون الهن مملكتهن الخاصه وهذا الشي انا اايده مع اني عايشه وضع ثاني يعني مع اهل الزوج وانا اشوفه بسيطه لانه وضع مؤقت بعدني ماسويت عايله كبيره والبيت يباله وقت كمن سنه لين يخلص فهمتي علي;)
يله انشوف راي البنات الثانيات

انا ما اايد جلوس الزوج مع اهله...
لانه كثير ياثر عالعلاقة...
خصوصا اذا كان الاهل مش تمام...
او من البدو الاولين اللي يشوفون انه تسلط الرجل مرجلة...
فماراح تكون فرصة انه يحب زوجته ويعطف عليها ..
كل ما تغير اهله يدقون عليه بالكلام ويرجع ..
زيادة على كذا...
مسالة السؤال الدائم حملتي ما حملتي تؤثر ايضا ..
وارتباطك الدائم باهله بالبيت....
وماتاخذين راحتك وتنادي اهلك وصديقاتك متى ما تبغين.
وكمان:.
لابد يطلع في البيت وحدة تكون منكد عالزوجة..
ياالام او الاخت خصوصا اذا كانت عانس ...
ومشاكل كثير...
فالافضل السكن لوحدهم...

عزيزتي ذوق مشكوره ويعطيك الف عافيه والله يوفقك ويرزقك بذريه الصالحه......وانا معك اهم شي يكون اهل الزوج طيبين ومتعاونين وفوق هذا كله اهم شي تكون البنت مشترطه انه يكون لها بيت خاص فيها حتى لو ماسكنت فيه او جابلها في اول الامر .......
عزيزتي عطر الليل مشكوره ويعطيك العافيه انا معك ان الوحده اذا سكنت بيت اهل زوجها يمكن تكون فيه بعض المشاكل امامن الخاله او اخت الزوج بس صدقيني اذا كان هو يحبها وهي تحبه راح يكونون متفهمين الوضع ويتحاشون المشاكل وحتى لو كان فيه راح يحلونها فيما بينهم......

وسلامتكم......

بسم الله الرحمن الرحيم
السلام عليكم و رحمه الله و بركاته
اذا كان الرجل يستطيع توفير منزل خاص للزوجه فلا تفكر ابدا بالعيش مع اهله في بيت العائله.. الا اذا كان لا يمكنه توفير بيت خاص لها فهذا وضع خاص.....
و حتي لو كانا الابوين كبار في السن فرايي ان يكون لها بيتها الخاص و يقيما هم معها اذا اراد الزوج وجوده مع ابويه و لكن في بيتها هي و ليس بيت العائله الذي يكون لجميع الاخوه حريه الوجود فيه في اي وقت و حريه التصرف فيه ..

يا الله ها الموضوع المعقدني في حياتي

أنصح كل مخطوبة إنها تشترط إنها تعيش في بيت بروحها مع ريلها لأني مجربة ووالله مو ماخذه راحتي بالمرة على الرغم إنه أهل ريلي طيبين بس

أرد من الدوام المغرب مكسلة وتعبانة فأرقد ونادراً ما يشوفوني في الأيام العادية أما في إجازة آخر الإسبوع فأكون مشغولة بتنظيف الغرفة وترتيبها يعني نادراً ما أيلس معاهم وهذا خلاهم يتضايجون ويزعلون وصارلي أسبوع ما أكلم حماتي لأنها متضايحة مني لأني ما أيلس معاهم وهذا سبب مشاكل ببيني وبين ريلي وأنا توني مو مكملة خمس شهور من الزواج الحين علاقتي بريلي صارت شبه معدومة من سبب أهله.

الشيء الثاني ريلي دوم ييلس عند أهله والله مرة تكشخت وتعدلت وأريد أيلس مع ريلي بس دقوا الباب وزقروه وطلع وما يا وأنا نمت وأنا اصيح من القهر وطبعا ها دوم يصير لأنه مثل ما يقولون ريال البيت

يعني ها الحركات اللي يسوونها الحريم للرياييلهم مستحيل أسويها لأنه يقعد عند اهله لين يرقدون الساعة 3 وأنا اموت

هذا غير الرحلات طبعاً ما أقدر أطلع مكان لانه أخواته ما يطلعون من البيت وعيب يطلعني بروحي

يعني الوحدة اللي تبى ما تستانس مع ريلها تسكن في بيت اهله لأني صج مب حاسة إني متزوجة و عندي ريال :(:confused:

:confused:

السلام عليكم ......مشكورين حبايبي على تفاعلكم مع الموضوع واستجابتكم له:smile:
عزيزتي زينه انا معك المفروض انها تشترط انه يكون لها بيت خاص فيها اذا كان في استطاعته هذا الشئ بس شوفي حبيبتي اذا سكن ابوه وامه معاها في البيت صدقيني هي نفس المشكله ماراح تنحل لان اخوانه وخواته واهله كااااااااالهم راح يجونه في البيت عشان يزرون امه وابوه
(الله يحفضهم)
حبيبتي سلاموه الله يكون في عونك ياقلبي بس نصيحه حريميه:smile: ترى رضى الزوج من رضى الحماة خصوصا انك عايشه معاهم في نفس البيت وزوجك معاهم 24ساعه.....

لا شو أسكن وياهم حد قال اني مينونة :rolleyes:
هاذيلا يحبون المشاكل
شرطي كان بيت بروحي بعيد عن بيتهم شو رايكم
ادعولنا:)

بصراحه ما ايدسكن مع الاهل ولوهم مثل العسل والحمدلله حتى زوجي مايحب انتي نفسك لوتكوني ساكنه حتى مع امك ماراح ترتاحين مثل بيت لوحدك مسئوله عنه حريه تامه بلبس وطبخ وطلعه ولحركات الرومانسيه.......وكل حاجه

مو حلو

عزيزتي دلع×دلع وشو الي مو حلو؟؟؟؟؟؟؟

بسم الله الرحمن الرحيم
السلام عليكم و رحمه الله
اختي العزيزهnonay : طبعا لو عاش الاب و الام مع ابنهم فلن يكون وضع مريح و لكن صدقيني افضل من ان يكونوا في بيت العائله و هذا عن تجربه.. علي الاقل البيت بكامله لكي تغيرين غرفه مكان اخري او تغيري الديكور او تطبخي اليوم كذا او تستضيفي اصدقائك او اشياء كثيره ستحرمين منها لو كان لكي مجرد غرفه في بيت
و هناك حالات كثيره لن يستطيع الابن ان يترك فيها والديه كان يكون الولد الوحيد و هم كبار السن و اصحاب مرض او ان يكون احد والديه متوفي و لا يستطيع ترك ابوه يعيش وحيدا او ان تكون الام متعلقه جدا بابنها لدرجه انها تقيم عندهم لفترات طويله و احيانا بصوره دائمه
ففي هذه الحاله الافضل ان تكون في بيتها... صح الكلام!!!;)

بسم الله الرحمن الرحيم
السلام عليكم و رحمه الله و بركاته
اختي العزيزه سلاموه... كان الله في عونك يا اختاه و لكن اسمعي مني عن تجربه لا تتشاجرين دوما مع زوجك حول موقف اهله او حول تصرفاتهم فهذا سيجعله دوما ياخذ موقف المدافع عنهم حتي لو اقتنع انك علي حق و هذا امر طبيعي في بدايه الزواج و لكن مع الوقت صدقيني فسوف يمل هو نفسه و يرغب في بعض الخصوصيه
و حاولي الا تكوني نكديه معه دائما و عابسه و اغلب حوارك حول امك فعلت او اختك قالت فهذا سينفره من الجلوس معك و خاصه انه في بدايه الزواج لن يفعل شيء حتي لو كنتي علي حق لان ابسط ما سيقال له ... لقد غيرتك و مشيت وراها و قلبتك علي اهلك ..و غيره مما تعلمون جميعا
و اصبري يا اختاه عليها فهي ام ربت و تعبت و لا نعلم كيف سيكون حالنا عندما نصبح في مثل عمرها و ادعي لها بالهدايه و احتسبي قبل كل شيء ... كل كلمه تصبرين عليها احتسبيها عند الله و ادعي الله ان يعوضك عنها قربا و ودا من زوجك لكي
و اعلمي ان لا شيء يبقي علي حاله ابدا و لابد في الدنيا من ايام تكون لكي و ايام تكون عليكي...فاذا كان اليوم عليكي فباذن الله المستقبل لكي .؟ و سيعوضك الله كل خير اذا احتسبتي

الله يجزاك خير اختي زينه وجعله الله في موازين حسناتك

ياساتر طبعا اعيش في بيت لحالي

خليك بعيد حبك يزيد
الاسباب كثيره واغلبيتها قالوها البنات (اطلع ,اطبخ, اعزم احد, اغيَر في البيت, البس على مزاجي قصير طويل مافيه احد)

لكن اذا تميت عندهم :

ياسلام وين رايحين واكيد بيزعلون اذا مااخذناهم معنا

ليه التبذير بالاكل واللبس ووووووووووووووو

اما اذا سمع كلامي في اي شي موب ريااااال

والا العيال بيتدخلون في تربيتهم لا تطقيه لالالا


عشان كذه نصيحه بيت مستقل اصلا كل واحده تبي لحالها تكون ملكه بيتها

لها حريه التصرف في كل شي

اما اذا كان على رضا الوالدين كل يومين سوي لهم زياره وحاولي تاخذين

معاك مثلا هديه او الاكله اللي يحبونها او اعزميهم كل جمعه

وبكذا تكون العلاقه بينك وبينهم اكثر من رائعه بعيدا عن المشاكل وعوار

الراس

والا اش رايكم بنـــــــــات
:D :D :D :D

مرحبا اخت nonay شكرا لك على هذا الموضوع الجميل ..

انا من اشد المعارضين لفكرة سكن الزوج مع اهله وذلك لعدة اسباب :

1. ان الزوج يكون اتكالي جدا على اهله وهذا يعلمه عدم الاعتماد على النفس وتحمل المسؤولية في كل الامور .

2. تحدث الكثير من المشاحنات والخلافات بين اهل الزوج وزوجته ( لاختلاف وجهات النظر , و غيرة الزوجة من خوات الزوج والعكس .

3. لا تحس الزوجة بالراحة النفسية وذلك بسبب عدم قدرتها على الخروج مثلا بدون غطاء على الرأس وذلك بسبب تواجد اخوان الزوج في المنزل ... الخ.

4. من حق المرا’ة ان تكون لها مملكتها الخاصة وذلك لكي تصبح ربة منزل ومن حقها ان لا يتدخل احد في حياتها وفي تربية ابناءها وبخاصة اهل الزوج.

اختي سلاموه


الله يعينج

بس ما يصير تخلين الاوضاع تمشي بهاذي الصورة لازم تشوفين صرفه معاه

حرام يعني يخليج قاعده ابروحج لين ما اييج الرقاد


بس اختي بعد انت حاولي بعد ما اتخلصين من ترتيب الغرفة ان تجلسيين معاهم في الصالة و تدردشيين و بعدين سيري الحجره و تعدلي و دخنيها و تزيني ( تراج بعدج عروس) مثل ما قلتي

خليه يتعلق
و البسي له احسن شئ بحيث اذا دش الحجرة مستحيل يطلع ;)

المهم و امدحي له في هله وايد و قولي له انج متلومه فيهم لان الوقت يمر بسرعة و يادوب اتخلصين من ترتيب امورج حتى اتحصلين وقت و ياهم
و قولي له انج متعلقه فيهم و تحبينهم و لا تفكرين ان تفارقينهم يعني من هاذا الكلام

و انشاء الله النتايج خير

و بشرينا

اختي nonayمشكوره على هذا الموضوع
انا ما انصح الوحده تعيش مع اهل زوجها لان المشاكل راح تزيد بينها وبين زوجها بسبتهم وحتى لو كانو اهل الزوج طيبين لازم تصير مشاكل والواحد يتجنب المشاكل هذي خليج بعيد تصيرين غاليه
واختي سلاموه الله يعينجحاولي تكسبين حماتج عشان تكسبين زوجج دام ان زعل عشان زعل امه راضي امه عشان ترضينه:smile: