هل زوجك كفؤ لك

طلاق اعوذ بالله
حاولي انك تعملي معاه مشروع بالفلوس الي واثه عنابوة ويمك يكون هو من صغرة مدلل وماتحمل مسؤليه
بس انت حاولي معاه في اي مشروع وفكرة تدر عليك اموال وتستفيدي منها

طيب انتي ماكنت عارفة هالشي قبل الزواج؟؟؟

الله يسهلك اختي ويريحك


بس اكيد بنصحك انك تشيلي فكرة الطلاق من راسك وانتي تقدرين تخلي مسؤل عنك يعني هذا الشيء يحتاجله تفكير وتعب وانج تتعاملين معاه بطريقه خاصه مافي شيء معين في راسي

بس الطلاق سلبياته اكثر من ايجابياته واحنا نعرف ان المرأة عدها القدره على تغير واقعهة وخصوصا زوجها

بامكانج اتشجعينه وتحاولين تفهمينه ان الشغل مهم اليه والورث مابدوم

وهو عنده طفل لازم يفكر في مستقبله وانتي بهدووء حاولي تكلمينه واكيد راح يستجيب لكلامج

الرجال مثل الطفل بالكلمة الحلوة والطيبه يلين ويسوي اللي تبينه بس لا تفكرين في الطلاق

والله يهديه ويسخركم لبعض

موفقه

الطلاق لا حول ولا قوه ا لا بالله الحريم صبروا على الضرب والعذاب والظلم والقهر عشان اولادهم ورفضوا الطلاق وانتي عشان هذا السبب اللي يختلف حسب شخصيه الانسان بتعذبي ولدك وتتطلقي غيرك يتمنى الاولاد ومل لاقيهم دفع اموال الدنيا عشانهم المراه الحكيمه تاخذ بيد زوجها وتصعد به للمعالي

وليه ما تتناقشين معه بهدوء في هذا الموضوع وتقترحوا حلول ومشاريع ينشغل به؟ او تجعلين أحد من أهله كوالده او عمع من الناشطين العاملين ليحدثه في الموضوع؟؟ خير انشاء الله

أنا كمان أرى فى خطيبى السلبية
ولكن ساحاول معه بالتشجييع والتحفييز

حاولى تداديه مثل ما تدادى ابنك حتى ينتهى من طبق أكلته

حايليه وربنا يوفقك ان شاء الله

وادعيله ف قيام الليل

واستغفرى كثيراً

مشكورين على ردودكم
هو متعود على عدم مسؤولية من يوم كان صغير عمرة متحمل مسؤولية حتى ورثه خوه الكبير هو اللي يدر حلاله
قبل الزوج انا كنت عارفة انه ماخذ تفرق من الوظيفة علشان يدرس بعدين اكتشفت انه ماخذ المسائلة لعبة يدرس سنة ويترك عشر على حسب مزاجه فكرت معاه باكثر من مشروع بس نفس المشكلة رافض اي شي يتعبة او يشتغل
مشكلتة تربيته غلط متعود دايما احد يشيل الهم عنه حتى لما يكون في مشكلة يطلع منة بسهولة يصرف العشرة الالف نفس المية عادي يصرفة في يوم على اشياء تافه من غير مايهتم اذا راح يبقي شي حق مصروفنا ولا لا هو اذا عنده يعطني مايقصر بس مافكر يوفر شي من دخله علشان مصروفنا معتمد على راتبي

يرت تساعدوني شلون اتصرف

شوفي المراة الناجحة الذكية هي اللي تعرف تغير زوجها وانت زي مابتوصفي زوجك باين انه طيب وابن حلال وانه مابيقصر معاكي بس مشكلته الاعتماد على الغير لانه اتعود بيلاقي كل شي سهل صح؟
انت حاولت تكلميه قبل كده؟شوفي انت قلتي انه طالب انك تحملي وانت رافضة طيب ايه السبب الي قلتيه له؟ليش ماتجلسي معه في يوم يكون اعصابه هادئة ويكون مستعد يسمعك وتفهميه بكل حنية ولين انه هالوضع لايمكن يستمر لانه الانسان مابيعيش للحاضر بس لازم يامن مستقبله ومستقبل اولاده وان الزمن غدار وان المسؤولية يوم عن يوم بتكبر من مصاريفكم ومصاريف الاولاد وتامين حاجياتهم وتامين حياة كريمة ليهم و و الخ
وفهميه انه انت تعبت من هالحال وانه لازم يتغير وانك مستعدة تقفي جنبه وتساعديه انه يتغير
والله يوفقك اختي ويكون معاكي لانه صعب كتييييييير انه يتغير لانه متعود بس انت لاتفقدي الامل وحاولي معه مرة واتنين وعشرة
وربنا يهديهلك

شوفي المشكله انج تشتغلين ....................................؟؟

لانه في رياييل يعتمدون راتب حريمهم كمصروف لهم يعني مالهم راتب من ازواجهم ..

قوليله انا يمكن عقب فترة اقدم استقالتي وانت ما تشتغل والورث يوم عن يوم ينقص ومرده يخلص .. وولدك بيكبر ويحتاج دراسه ومصاريف ..

خليه يفكر بينه وبين نفسه ..

انا زوجي يشتغل فالشرطه وكل يوم يقول بستقيل وبعتمد على نفسي قلتله هال3 ملايين الي عندك بيخلصون وانت عندك مسالوليه بيت ربك بيحاسبك عليهم اذا قصرت فيهم .. يخاف ويرجع في كلامه ..

بالنسبه للطلاق ..... ابتعدي عنه يمكن اييج واحد اخس عنه انتي وكلي امرج لله وحاولي معاه .. مع الدعاء والمحاولات ان شاء الله تنجحين انج تغيرينه وخلي زوجي هو اول طموحاتج

بصراحه انا استغرب من بعض الحريم ، اتكون اشياء تافهه اتقول خليني اطلق يمكن الله يعوضني ..

يعني والله سبب تافهه علشان تطلبين الطلاق ،، انتي مب صاحيه يمكن(اسمحيلي والله انقهرت) ..

حتى مافكرتي في البيبي قبل لا تقولين اني اطلق وربي يعوضني ..

والحل الوحيد انج تصبرين ،، وتحاولين اتغيرينه واتشجعينه ..

اذا هومب حاس حسسيه ،، وكلميه بإسلوب زين ..

حاولي بعدج وياه
الله بيوفقج

حبيبتي وين كيد النساء؟
وين الذكاء؟
وين الحيله ؟
اسمحيلي انتي جلستي معه سنين وما قدرتي تغيرين فيه شي والسبب منك من البدايه
هو وارث وعنده فلوس ليه تعطينه من راتبك اساسا؟
ليه ما بيتني له انك تجمعين لهدف وهو توفير حياة كريمه لابنك وحلمك بمشروع لنفسك
بهالكلام هذا هو بيغار ويحس انه ابله وانتي ذكيه.
لو عامليته من البدايه بشده وفهمتيه ان الله يحب العبد العامل اكثر من الخامل
ليه ما قلتي له الله بيحاسبك على عمرك الي راح بأيش افنيته وشنو سويت لنفسك ولعائلتك.
كثيرررر وراثين ويسوون مشاريع ويزيدون فلوسهم بدل ما ينقصوها وبدعم من زوجاتهم.
بدال ما تفكري بالطلاق فكري بمستقبلك انتي وابنك وجمعي فلوسك وفاجئيه بعد فتره
بمبلغ ماكان يتصور انك انتي تجمعيه وقولي له بخلي اخوي او خالي يدير المشروع الي بسويه
صدقيني كذا هو بيحس بنفسه وانه ضيع عمره وضيع ورثه على الفاضي.
مافي شي ما يتغير صدقيني حاولي معه من كل قلبك ودوم اقترحي عليه مشاريع بدون توقف لحد ما يتحمس
ويدخل معك بمشروع ويشتغل.
والله يوفقكم
تحياتي

حاولي معو احكيلو بعد ما تخلص الفلوس شو تعمل؟ وجرب اشتغل بتحس بمتعة انو تجيب فلوس من تعبك الله يهديلك اياه وفكري الف مرة قبل الطلاق بالذات بينكم طفل

اسمعي حبيبتي انا مشكلتي مثلج بالضبط وانا الحين صار لي 11 سنة مزوجة وترى هالنوع من الرجال ما يتغيرون ابدااااا وكل ما مرت السنوات زادو فب اهمالهم وعدم اهتمامهم انا انصحج انقدي نفسج منة توج عندج واحد بس انا حاولت انفصل منة بس اهلي رفضوا ما يبون الناس تتكلم بس شالفايدة انا واعيالي نعاني لدرجة انو كل يوم طلع لة سفرة ومن يسافر سكر تلفونة ودايما خداع يقول اسافر بالباص اكتشف انة بالطائرة ودايما يجي والشنطة مو عندة وقول نساها وبعد كم يوم يجيبها وانا صابرة علشان اولادي بس ولا انسان جدية مستحيل اكن لة في قلبي اي حب او مودة الا ادعي من قلبي انة يموت لو يطلقني لاني ابي ارتاح تحياتي لج

السلام عليكم ورحمه الله وبركاته..

غاليتي ...

عمر الطلاق ما كان انسب الحلول ,, والحمدالله مشكله زوجك ماديه .. والحصول على عمل .. يعني ارحم بكثير من بلاوي نشوفها كل يوم ...

مب مشكلتج انك تشتغلين مشكلتج ... انك . تعطينه من راتبك ومب غلط الزوجه تساعد زوجها .. لكن الغلط لمن يتكل عليها اتكال تام بدون اي حس مسؤوليه او تعاون ...

الحل ..الامثل يا اختي ,, هو توفرين من راتبك للزومن وتمتنعين عن اعطاء زوجك .. وبعدين تحاولين تاخذين اجازه .. تفرغ بدون راتب ,, وتقولين لزوجك انا استقلت .. وابيك تبتدي .. انك تحاول تشتغل وتشوف لك عمل او شارك اخوك بالتجاره ..

ليش ما تكلمين اخوه .. وتصارحينه .. بس بالاول حاولي مصارحه زوجك والتكلم معاه .. يقولون كثر الزن يفج اللحام .. ..فكري معاه مثل ما قالو الاخوات بمشاريع .. صغيره تبتدون فيها .. خليه يرجع دوامه دام ان ما يبي يدرس ويلعب .. نرجع حق موضوع اخوه العود .. كلميه صارحيه .. وخبريه ان ينصح اخوه ..

امتنعي عن اعطائه اي شي من راتبك ... واحسن حل مثل ما قلت لج اوهميه انك استقلتي .. واذا اضطريتي انج تستقيلين . استقيلي .. عشان تحسسين بالمسؤوليه .. لكن ابدا لا تتخلين عن زوجج.. يا اختي لان سببك غير كافي اصلا للطلاق ..وعيب نذكر هالكلمه لمجرد ظهور مشكله بسيطه .. واول شي يخطر ببالنا الطلاق.. ,مو كأنه ابغض الحلال عند الله !!

تحياتي

ام جنى

لا ماتوصل للطلاق الله يهديك..
وربي نفس حالة اختي وكثير اعرفهم...
بس خلاص ربي كاتبلك كذا حاولي انك تأثرين عليه ..
والله اعرف وحده متعلمه وفاهمه خذت واحد جاااااااااااااااااااااهل وماعنده فلوس راتبه 1500 ريال والحين معاه ثانوي ودخله الشهري 7 الاف وبيت ملك وكل شي عندها ماشالله تبارك الله ...
وانتي تقولين انا طموحه ..طيب قولييلي وين طموحك ؟؟؟طموحك انك تتطلقين؟؟؟ وتصيرين عاله على اهلك او غيرهم ؟؟؟ خلي زوجك هدف من اهدافك ؟؟؟ حاولي قد ماتقدرين تغيرين فيه ...

أختي انا مالومج شعووور وايد صعب ان الوحده تشتغل وزوجها نايم بفراشه

بذكاءك انتي تقدرين تغييرينه راتبك ابدا لاتعطينه اياه الا في الحاجه القصوى

اشتركي في التامينات الاجتماعيه علشاان يمشي لج راتب بعد التقاعد تعتمدين عليه

الفلوس ماردها بتخلص لازم هو يحس بالمسؤؤليه وصدقيني لما يصير عنده اعيال اكثر

ويكبرون ساعتها بيحس انه مر الوقت وماسوا شي

الطلاق ابدا لاتفكرين فيه حاولي تصححين عيوب زوجج ولو يحبج بتتيسر كل الامور

وقولي الحمد الله ماهوب سكار ولا جمار او راعي حريم

ولاتظلمينه او تلومينه هو ربى كذا لووومي اهله الله يسامحهم

حني عليه يعمله مشروع ينفعكم وينفع عيالكم مستقبلا او على الاقل يشتري له

عمارة او عمارتين تنفعكم للزمن والله يوفقج الغاليه

أختي ليش الطلاق ...!


هي مشكلة بس مش مشكلة كبيرة كبيرة

يعني ممكن تلقين لها حل .. أختى ترى كل رجل وله مفتاح

نحن صعب نعطيج الحل المناسب لانه مانعرفه ولانعرف كيف يفكر ..


عادي نعطيج بدال الحل عشرة بس بدال ماتتعدل حياتج تدهور أكثر

أختى انتي حاولي تعرفين وين المشكلة بضبط وتلقين لها الحل المناسب..