شنو احسن بودرة للمناسبات؟!!

عالية المقام 16-07-2008 15 رد 4,668 مشاهدة
ع
السلام عليكم خواتي (f)

شخباركم ؟؟؟

طبعا سؤالي مبين من العنوان :o .. زواجي بعد اسبوعين وانا محتارة .. ابي اغير نوع البودرة اللي استخدمها ..(( حاليا استخدم ماك) ووايد تغمجني وتعطيني لووون جدا طبيعي يعني مب مناسب كلللللش للزواجات والتباريك .:o. يعني الناس لو ياووني البيت يباركون لي ابي احط بودرة حلوووه .. شنو احسن بودره بحيث ماتخلي الويه املح (رصاصي) هههه ولا تسويه غامج وبرتقالي وبني مثل ماك :ss: .... ساعدووووووووووووووني
ه
بوودرة ميك اب فو ايفر .. وجيرلان حلوه ..

وبعد بودرة ذا بدي شووب . . طبيعييه وانا استخدمهاا ووايد مرتاحه .. :)
ع
مشكوره اختي ... بس شرايكم ببودرة لانكوم؟؟؟
ه
بوودرة لانكووم .. والله ماجربتهاا ..

.. :)

نصيحه لج .. رووحي جربي البودرات بنفسج .. وشوفي اللي يناسبج ..
ق
حياتي بما انج عروس تحتاجين بودره تبقى لفتره طويله ع الوجه وماتغير ..جربي بودره كريولاين بس روحيلها وخليها تجربها على وجهج وللايام الباقه جربي كانيبوو حلووه وعندج بكسي اللي في السيف بودرتهم تجنننننننننننننننننننننننننننننننننن
s
ترى انا بنت بس حبيت أفيدج....

البودرات أنواع... وانا لوني حنطاوي...جربت غيرلان وانواع كثيرة...

بس للمناسبات نصيحتيه لج استخدمي "شيسيدو" اللي علبتها زرقة وااايد حلوة تستخدمينها بالماي..صدج صدج خبال

مايحتاي كريم أساس ولا غيره.. وتطليعن جنان.. جربيها وانشالله تعجبج
ع
مشكوووووووورين فديتكم والله ماقصرتوو

كتبتهم كلهم وان شاءالله لين رحت باجيكمهم


بس منحررررررررجه وايد من اختي ..(قطريات) ... انا بحرينيه بس مب عارفه وين احصل بكسي اللي قلتي عنها بالسيف ............... هههه والله فشله ........... بس وين احصلها ؟؟؟؟؟؟؟؟؟؟؟؟
ا
عزيزتي أولا الف مبروك

ثانيا حسب نوع ولون بشرتج تقدرين تختارين بمساعدة خبيرات التجميل في باريس غاليري او أريج

شخصيا استخدمت بودرة لانكوم جدا حلوة وميك اب فور ايفر وجيرلان وايد حلوين ...وتقدرين تجربين بنفسج في المحل عادة يكون غرفة صغيرة للتجرية ممكن تختارين تحطين على ويهج وتشوفين الأنسب وبما انج عروس لازم تهتمين بنفسج وتتعدلين الغلا...
م
حبيبيتي على قد ماجربت ولا جاز لي غير كانيبو جدا رائعة وبعدين انت مو خسرانه شي جربي قبل لاتشترين:ok:
أ
جوفي حبيبتي
هو على حسب نوعية بشرتج ولووونج اهم اهم شي
انا يا ما عانيت ادور لي شي يناسب لوني ومالقيت وصج ماك وايد تغمج الويه

جربت لانكوم بس في المحل وكانت وايد حلوه، وماذكر اسمها بالضبط بس انا جربتها بسيفورا وكان سعرها ب25 اعتقد فما خذتها لان كنت ابي حق استعمال يومي وماتسوى، بس صج حسيتها حلوه

عندج كانيبو بعد وايد يمدحونها بس انا مالقيت درجه تناسبني

امممم بعد كريولان حلوه بودرتهم، انا جربت درجه كلش ماتناسبني بس كان ملمسها حلو

انتي روحي اخذي لج فره على المحلات ولا تحطين شي في ويهج وخلهم هم يحطون لج وتمي دوري في المجمع وتغدي او تعشي وبعدين جوفي ويهج شيصير ؟؟؟؟
ويفضل ان تحطين ماركتين او لونين مختلفين يعني نص الويه غير والثاني غير ، بس مايكون بشكل يتلاحظ
.
اختي شوفي كنيبو

بعد من فتره منزلين بودره جديده على قولتها تعالج البشره وف نفس الوقت بودره مضغوطه
حسيتها وايد حلوه
ع
مشكورين وماقصرتوو

وان شاءالله باجيكهم
ع
غيرلان وكانيبو وشيسيدو والله يوفقج ويبارك لج بزاوجج..
ق
ولايهمج يالغاليه ..محل بكسي في السيف مقابل فيرومودا وستاربكس صج بوووووووووووووووووووودره وفاونديشن ماعليهم كلام واذا ماعجبوج انا باخذهم منج ههه
ع
قطريات;6657486:
ولايهمج يالغاليه ..محل بكسي في السيف مقابل فيرومودا وستاربكس صج بوووووووووووووووووووودره وفاونديشن ماعليهم كلام واذا ماعجبوج انا باخذهم منج ههه


مشكووووره اختي على الرد السريع ... مشكوووووووره يالغلا وماقصرتي :) وان شاءالله راح اجربهم وارد عليج خبر (f)
ا
بودرة كانيبو total finish ، وبودرة غيرلان ، مع ضرورة وضع البيس base ، قبل البودرة ، ورش الوجه بمثبت المكياج، نصيحة لا تشتري اي بودرة قبل ان تطبقيها على وجهك بالكامل في المحل،وألف مبروك ان شاء الله.
X