أحسها مغرمه بزوج صديقتي

إلي فهمته من كل هالمشكلة!..

إن هذي المتزوجة , كانت سابقاً زميلة زوج صديقتج في الدوام

ولكن الحين ,

ما عادت تشتغل معاهم ومع ذلك علاقتها لا تزال مستمرة مع زوج صديقتج

وتحاول بكل شكل من الأشكال !..

إنها تدخل في حياة زوج صديقتج + صديقتج

بقصد إنها زميلة سابقة وترغب بأن تكون صديقة

يمكن لو كان هالشي في مجتمع غربي منفتح , كان جداً مقبول ولا يأخذ بالحسبان

+

لكن أحنا مجمتع شرقي له عاداته وله تقاليده

وبالخصوص أيضاً مجتمعنا الخليجي !..

يستنكر جداً مثل هالصداقات والعلاقات

لأنها ( غلط × غلط ) :039:

[MARK="#666666"]وما وراها سوى الدمار والمشاكل وخراب البيوت[/MARK]

+

بداية حل المشكلة !..

هي صديقتج ,

إلي لازم تغير نفسها تغيير جذري وكلي تماماً .. تماماً

وتستمر على هالتغيير

يعني مب يوم ويومين وترجع حليمة لعادتها القديمة :041:

لازم تتغير داخلياً وخارجياً

تغير من مظهرها الخارجي

إحنا الحين بزمن صار الشكل والموضة والستايل

شي مهم عند كل بنت ويتنافسون عليه بأن كل وحدة تطلع الأفضل

فما بالج في أمرآة متزوجة :038:

و زوجها وظيفته مختلطة وكل يوم يمرون عليه بدل البنت عشر ؟!.

المفترض تكون دائماً جميلة متآنقة وتملي عيون زوجها بحيث إنه ما يقدر يقارنها بأي وحدة ثانية

لأنها بإختصار مب ناقصها أي شي !..

+

المظهر الخارجي ترى مب كل شي .,

[MARK="#666666"]هو بداية البداية فقط[/MARK]

خلها تغير من بيتها ومن حياتها

وتكسر كل الروتين

تغير طريقة تربيتها للأطفال وتهذب أطفالها

لازم طريقة التربية تتغير علشان أطفالها يحسنون التصرف ويصيرون مطيعين لها ولأبوهم

ويكبرون على الإحترام والتربية الزينة

مب على الشقاوة وقلة التهذيب

لأن إذا أطفالها ما تربوا بشكل صحيح وهم في هالسن الصغير

خلها تكون واثقة ومتآكدة بعد 100% :070:

إنهم بيكبرون وبتكون عاجزة تماماً عن السيطرة عليهم أو تربيتهم

الطفل يتربى صغير , ما يتربى لمن يكبر ترى!..

+

بيتها , حياتها ,

دائماً خل يكون عندها إهتمام بالبيت

دائماً يكون شي مرتب ونظيف ومكان للراحة

وليس للهروب

يعني المفترض تخلي زوجها يعشق القعدة في بيته

مب يتهرب منها

لازم يشوف في بيته مكان للراحة والنظافة والهدوء

خل تنسق في تربيتها للأطفال وأعمال المنزل وترتيب البيت والإهتمام بالزوج !..

الشي مو صعب

الشي محتاج أمرآة فاهمة جداً و واعية تسوي كل شي في يوم واحد :092:

من تربية أطفال , إلى أعمال المنزل , إلى العناية بنفسها , إلى الإهتمام بزوجها

+

والحين نجي إلى عقرب الرمل ( المتزوجة )

هذي وين زوجها عنها أصلاً ؟.

وين أهلها عنها ؟...

مبين عليها إنسانة تعاني من فراغ

وفلتانة " سوري على هالكلمة " :040:

ولا معقولة يعني ؟.

وحدة متزوجة

تسوي جذي ؟.

زوجها يدري فيها .. ما أظن ولا أعتقد

كل إنسان عنده غيرية على زوجته

ولو عرف إنها تتكلم من غيره ما بيسكت لها

وبيفتح تحقيق

يعني فرضاً زميل في العمل

بس هالعمل أنتهى صح ؟.

ليش لا زلتي محتفظة بهالزمالة ؟.

خلاص فنشتي من الشغل قطعي علاقتج بكل الزملاء

صح؟؟؟؟؟!!!!!!!!!!! :01:

*

هذي إنسانة وقحة بصراحة

لأنها ما قاعدة تحترم زوجها ولا تحترم زوجة زميلها

وتتصنع الطيبة وإن نيتها حسنة وما تبي من زوج صديقتج إلا كل خير !!!!!!!

*

لكن كل تصرفاتها تدل على العكس تماماً

لأنها قاعدة تتقرب منه بأي شكل من الأشكال

وتحاول تكون بينهم شي أكبر من الزمالة والصداقة والأخوة

شي خبيث في نفسها

+

هني يجي دور صديقتج في إنها تمنعها !..

من إنها تغزو حياتها

بس طبعاً بكل ذوق وإتكيت وهدوء

خلها تتصادق معاها

يعني مثلاً تزورها

تتعرف عليها

بس طبعاً

خلها تكون مستعدة إنها تحاربها بشتى الطرق

تحاربها بنظرات عيونها , بكلامها .. إلخ

خلها توصل لها رسالة مبطنة " بالنغزات يعني "

إنتي متزوجة ومالها داعي هالصداقات

خليها تحسسها إنها تغار على زوجها وتحبه بجنون وهو بعد يبادلها بالمثل

خلها تعيشها بمكانها

لو كان زوجج يكلم زميلته بهالطريقة وبهالعمق

هل ترضينها ؟.

خلها تخوفها على سمعتها وشرفها

[MARK="#666666"]وخلها تبين لها ترى أنا قوية وماني هينة[/MARK]

يعني لا تحاولين تستغفليني ولو لثانية

لأني فاهمة نيتج وكلنا حريم ونعرف لبعض

طبعاً هالحجي مو تقوله لها بالوجه .. فيس تو فيس يعني

تقط عليها نغزات بس

ولعلى وعسى توصل الرسالة وتبتعد :011:

+

نجي لزوجها !..

لازم تغير شخصيتها معاه

وتحسسه شكثر هي تحبه وتوده وتغار عليه بالعقل .. مو غيرة جنون

خله تبين له إنه ترى إلي قاعدة تسويه يحز بخاطري

مثلاً :

لو شافت مسج منها

تقول له بنبرة هدوء وإبتسامة صفرا : أوووووه , مسج من فلانة , إلا شخبارها ؟!.

تطالعه وتبتسم وتقوم عنه :097:

هني أشكرى بيفهمها زوجها !!!!!

لو جا لها وقالها فلانة تسلم عليج وتسآل عن العيال وكيت .. كيت

تطالعه بنظرة غريبة عجيبة وتقوله ببرود أعصاب قاتل : الله يسلمها

وهم تشيل روحها وتقوم عنه

ودائماً خلها تتصرف معاه إتجاه موضوعها بشوي من البرود المرتبط بالغضب

" وهالنوع قويو يفهمه كل رجل "

يمكن زوجها ما يحس مرة , مرتين .. إلخ

بس مرده بيفهم

وبيقول لنفسه

زوجتي متضايقة منها وجذي!!!!!

ويمكن توصل فيه إن يسآلها بعد ويناقشها بهالخصوص

ولازم تصارحه , بغيرتها

وتحطه في موقفها

وتقوله تخيل شعور زوج فلانة لو أنا إلي أكلمه بهالطريقة ؟!.

+

لا تتعامل مع الشي برود ورضى تاااام

لأن زوجها بيتمادى وبيقول إي كا زوجتي مستانسة وعادي عندها

أنا بعد , عادي عندي

دامها راضية !!!!!!!!!!

+

الشي يبي له عقل قبل كل شي

وهي بالعقل مو بس بتحل هالمشكلة

حتى مشكلة تربية أطفالها , وعلاقتها مع زوجها :086:

+

ترى هو لا شاف منها كل هالتصرفات والتغيير في كل شي

[MARK="#666666"]هو من داخله بيحس بالرضى عنها وبيكون مرتاح جداً[/MARK]

وحتى لا شافها مغيرة كل شي في نفسها

من شكلها إلى بيتها إلى أطفالها

هو بيتغير

وبدل ما يهرب من بيته

بيكون معاها

وبيساعدها بتربية الأطفال

وخصوصاً إن الأب له دور كبير وقوي جداً بالتربية

+

لكن!..

كلما شاف بيته وأطفاله وزوجته

روتين واحد

كل يوم .. كل يوم

ماكو جديد

ترى هو بيمل ويطفش غصباً عنه والله

ومثل هلأشكال ( المتزوجة ) بتآثر عليه وعلى حياته

وبتشكل عائق!!!!!!!