اليوم بحط لكم طريقتنا في عمل الباستا و الوصفه خذيتها من مرت اخوي وطبعا طعمها ولا اروع وانتوا جربوا واحكموا بنفسكم
المقادير:
2 صدور دجاج مقطعه مكعبات
جزر و فلفل اخضر
فطر
فلفل اسود
فلفل احمر
ملح
جبنة شيدر
قشطة
كريمه حامضه
لعمل الصوص:
اول صوص باللون الابيض وهي خلطة البشاميل
المقادير:
5 اكواب حليب
3 ملاعق كبيره طحين
مكعب ماجي
10 ملاعق كبيره زبده
وهذا شكل صلصلة البشاميل بعد ما استوت
و الصوص الثاني باللون الأحمر
و هو عباره عن :
حبة طماطم
3 ملاعق معجون طماطم
ملعقه صغيره فلفل اسود وفلف احمر ( ما قدرت اصور لكم هالصوص )
الطريقه:
ناخذ الدجاج ونقليه بروحه بدون اضافة اي شي عليه لين ما يستوي
ناخذ (قدر) ونحط فيه زيت ولين ما يحمى الزيت نقط فيه الدجاج والجزر ونقلبهم لمده دقيقتين
وبعد ما نقلبهم نحط عليهم الفلفل وبعد نتم نقلب لمدة دقيقتين
ونحط فوق الفلفل الفطر ونواصل التقليب
والحين نحط القشطه والكريمه الحامضه
ونخلط المكونات كلها ببعض ونضيف عليها الجبن
ونخلط المكونات لين ما يذوب الجبن ونضيف عليه صلصلة البشاميل
ونواصل التقليب عشان تختلط المكونات ببعض ونضيف عليه صلصله الطماطم و الملح والفلفل الاسود والاحمر
ونخلط كل شي ببعض لين ما يتغير لون الصوص ونحط عليه المعكرونه
ونقلب المعكرونه وي كل المكونات ونغطي عليه ونخليه ع النار من 3 الي 5 دقايق وبعدين نبده ويجي وقت التقديم
وهذا شكله بعد ما استوى
و بالعافيه
آسفه لانه الصور مو واضحه عدل
و ان شاء الله تكون الباستا عجبتكم
ومع السلامه