الغيره بتذبحني يابنات ساعدوني

السلام عليكم ورحمة الله وبركاته
كيفكم يابنات؟؟ انشالله تكونوا بخير
انا عندي مشكله وانشالله تفيدوني يابنات
انا مخطوبه من فتره والحمدلله انا وخطيبي مرتاحين ومافي بينا مشاكل بس انا من النوع اللي اغار واااااااااااااااااااااااااااااااايد علىه وهو مب راضي يفهم هالشي بعض الاحيان يفهمها اني اشك فيه ويعصب وبعض الاحيان نتهاوش على هالسالفه وهو هالشي وايد مضايق منه يقولي خلاص عاد خفي علي من هالغيره ترا انتي تغارين بشكل مب طبيعي لازم تفكرين بعقلج وليش ماتفهمين ومن هالكلام والله ماعرفت شسوي حاولت اسكت واطنش اشياء بس ماقدرت وهو بالدوام عنده بنات وانا اقعد اسئله شنو صار بينكم اليوم في شنو تكلمتوا واحسه خلاص مل مني
وصارلي اسبوع وانا مضايقه منه وقاعده اكلمه بس جذي يعني امشيه وهو حاس يقولي شفيج اقوله مافيني شي والسبب ان اهله جاين عندهم من دوله ثانيه (يدته وخالخ وخالته وبنت خالته)
وهو قالي انهم بيجون اهلي وخالتي وبنتها طبعا بنت خالته كبيره مب صغيره تقريبا في نفس سنه قالي انهم يبونه يطلعهم انا تميت اقوله وليش انت اطلعهم ليش وين خواتك وانت كيف اطلعهم وبنت خالتك معاك مايصير وانا مابيك اطلعهم قالي مب حلوه يعني شقولهم ويقولي بنت خالتي تكسر خاطري اهي شبه يتيمه ابوها متوفي وانها تكسر خاطره واذا طلعها بيكسب فيها اجر قلت له على راحتك وقاموا يطلعون ومايردون الا بليل الساعه 11 والساعه12 وهو عنده دوام يعني على طول من الدوام يروح يطلعهم وامس كانوا رايحين دبي ومارجعوا غير الفجر يعني عالساعه3 وهو راح عندهم الفندق وقعدوا يسولفون الى ماجا وقت دوامه يعني كان سهران ويا خالته وبنتها قالي اليوم وانا سكت ماقلت شي بس من داخلي مقهوره المهم اليوم بعد الدوام اتصل فيني وقعد يكلمني بعدين قالي انا برتاحلي ساعه وبنام وبقعد بعد ساعه بروح اطلع خالتي وبنتها قلت له ارقد انت مب راقد من امس مايصير جذي بتتعب قالي عادي مب تعبان انا قلت له اوكي سالته من بيصحيك قالي بنت خالتي بتصحيني بتتصل فيني اتصحيني وقتها انا صح انقهرت وتضايقت منه سكت عنه وتميت امشيه فالكلام قالي شفيج قلت له مافيني شي المهم سكر وقالي بكلمج بعدين قلت اذا اتصل مابرد عليه عشان يتأدب ويحس فيني ليش بنت خالته تقعده ليش مو خالته تقعده وليش ماقالي اقعده او خلا وحده من خواته
قولولي انا غلطانه لاني اغار عليه بهالطريقه ولا هذا حقي؟؟؟
وشنو اسوي عشان شوي اخف من هالغيره لان غيرتي تسوي بينا مشاكل