سجق المصرى

والله انا زعلانه محدش عبرنى ولا حتى بكلمه

معلش يا حبيبتي أنا مش أعرف .. كان نفسي أفيديك

انا اقوللك يا قمر لبطريقه اللى اعرفها
بصى قطعى طماطم وفلفل اخضر قطع صغيره وبعدين حطى فى صينيه معلقه سمنه وبعدين ضيفى الطماطم والفلفل لحد ما يدبلوا شويه وتكونى مقطعه السجق حلقات لو اسكندرانى وتحطيه وتزودى كوبايه مايه وشويه ملح وفلفل وغطيه لحد ما يستوى وبالهنا والشفا وطبعا لو سجق بلدى مش بيقطع

تسلمى يا جميل

أنا بعمله كالآتي:

تجيبي الطاسة بتاعتك وتحطي فيها شوية زيت وتحمري فيها السجق لحد ما لونه يتغير كده
وبعدين تحطي فلفلة خضرة وفلفلة حراقة وبصلةمتوسطة متقطعين كلهم مكعبات وتفضلي تقلبي لحد ما الخضار يدبل
وبعدين تحطي معلقتين صلصة وأربع طماطمات متقطعين مكعبات برضه وتسيبيهم يتسبكوا مع بعض
وتحطي عليهم ملح وفلفل وشوية شطة بسيط وممكن من غير شطة وتزوديه شوية مية بسيط وتسيبيه يكمل سواه

وبالهنا والشفا