شاي أخضر 2;6629490:
سلام عليكم
شلونكم ؟
طبعا لا تقولون لي ليش ما حطيتي الموضوع في موضوع تجهيزات بنات البحرين
لان ساعات الاسئلة تروح ومحد يرد عليها ..
شدعووووة حبيبتي من يوقل محد يرد ,, انتي من قبل حطيتي هالاسئلة بالموضوع تقريبا وانا رديت عليج ..بس برد عليج مرة ثانية اهني ولا يهمج
1/ بالنسبة للتصوير في الاستيديو
سكوب / صحاري / المستقبل ..
ممكن تقولون لي عن اسعارهم ومميزاتهم
وتنصحوني باي واحد فيهم ؟
واذا عندكم استيديو مميز يا ليت تذكرون لي اسمه ؟
اكيد سكوووب اهو التوب حبيبتي بعدين يجي صحاري والمستقبل وفي استوديو ثاني بالبديع اسمع الناس تمدحه اسمه كوبي تكنل شي جدي .. بالنسبة لسكوب تصويرهم عالي التقنية وحلو وواضح وتصاميمهم حلووة والاسعار ماعرف والله هذا الافضل تروحين الاستوديو وتسألينهم لانه كل بكج عليه سعر معين على حسب شنو يحتوي ..
2/ صالون سلوى .. ناس مدحوا فيه وناس ذموا
وآنا محتارة .. أخاف ما تظبط ويهي ..
فياليت تنصحوني بوحدة تحط ميك آب للعرايس ويكون واااايد ناعم
لاني احب الميك آب الناعم ؟
وشنو رايكم بصالون آنسة البحرين ؟
شوفي سلوى ناس تقول جدي وناس تقول جدي بس في النهاية يكون الراي رايج وانتي شنو تحبين يعني اذا مكياج سلوى يعجبج توكلي على الله واخذيها وااذا مايعجبج شوفي وحدة الثانية في النهاية السالفة ذووق .. بس انا شفت عروستين لسلوى وكان وايد حلو المكياج وضربت في بالي ..
بالنسبة لممكيجات ثانيات حق المكياج الناعم عندج ابتسام السويدي ,, ابتسام كمال ,, شريفة فولاذ ,, عايشة البلوشي ونهاد في صالون الرونق ..
3/ بالنسبة لفستان المجلة
تعرفون أحد ياجر فستان الملجة .. ؟
ماعندي فكرة ..
4/ بالنسبة للباقة ..
آنا حبيت ان يكون ورد طبيعي وفخم وبنفس الوقت ناعم ..
يعني ما ابيها تكون وايد صغيرة .. ابى حجمها متوسط ..
بس تكون فخمة وحلوة ..
فياليت تنصحوني بمحلات .. وتقولون لي عن اسعارهم ؟
الباقة عليج انتي يعني الدزاين الي انتي تختارينه المحل يسويه لج سواء دفش او ناعم او بسيط ,, عندج حديقة الازهار بالقضيبية ,, نوال فلورز ,, محل دان عند ثاجبة الشروقي ,, الزنبقة ..
5/ بالنسبة للزفة ..
ياليت الي انخطبوا يقولون لي افكار لزفة ..
وآنا ما ابي يهال في الزفة لان وايد زجمة يصير ..
بس بنفس الوقت ابي شي مميز ؟ وبغيت اغنية اسلامية
مميزة للزفة ؟ فياليت تقولون لي ؟
ماعندي فكرة بعد .. يبي لها تفكير وتخطيط وتنظيم عدل اذا فكرتي تسوين لج زفة او دخلة ..
6/ محلات تاجير فساتين الخطوبة ..
برايكم شنو أحسن محل .. واسعارهم متوسطة ..
وبنفس الوقت فساتينهم مميزة ؟
احسن محل عندي رومان ديزاين في بوكوارة بس اسعاره شوي فوق بس عنده فساتين حلوووة وروعة ,, عندج ليالي الافراح ونجمة العرايس بسوق واقف اسعارهم معقول جدا يعني بحدود 150 الى 200 لاول لبسة طبعا ..
7/ اممممم بغيت اسم صالون يسوي حمام مغربي
ويكون شغلها مظبوط وتكون ثقة .. وياليت تقولون لي عن الاسعار بعد ؟
صالون لطيفة في سوق واقف وسعر الحمام المغربي في ب 7 و10 انتي تختارين وسمعت عن عروس البحرين بعد يسووون حمام مغربي اوكيي ..
وووبس ..
لين خطرت لي اسئلة .. بحطها
واتمنى اتمنى .. ان كل وحده تدش تجاوب لو ع كم سؤال
لان حدي متورطة وما عندي خبرة وايد ..