بخصوص السفر وجنس البيبي..

مرحبا حبيبتي انا متلك حامل وكنت ناوية اسافر وانا بالشهر الاول بس الدكتورة نصحتني اني اسافر بعد الشهر الثالث . وبالنسبة لجنس المولود على اسبوع 20 بكون اوضح شي تفحصي جنس المولود وان شاء الله اكون افدتك

اجلي السفر لبعدين
لانه ما احد يعرف ايش ممكن يحصل
وعلى حسابك لحملك
يبان جنس المولود

بخصوص السفر ماعندي علم
لكن عن جنس البيبي عادي انا عرفت في اول الشهر الرابع يعني في بدايه الاسبوع 16
وطلع لي جنس البيبي
يعني تقدرين تعرفين

مرحبا

انا اختي سافرت وهي في الاول والحمدلله ماصار فيها شي بس هذا يعتمد من امراء لاخرى فترومين تسالين دكتورتج عن هالشي لاني انا فالثالث وقالتلي عادي

وبخصوص جنس المولود من يكون واضح على نهاية الاسبوع 15 يعني باية 16

وبالتوفيج الغاليه

الله يسهل عليج انشالله

البنات ماقصرو...بس نصيحه شيلي فكرة السفر..الواحد مايعرف ايش الي يصير...والف مبروك..

الف مبروك اختي ..


انا في المرتين اللي حملت فيهم سافرت .. اول مرة كنت توني متزوجة وبروح شهر العسل بعد شهر ونصف من الزواج ومقررين نأجل الحمل فترة بس صار الحمل من اول شهر وقبل ما اسافر ب6 ايام عرفت اني حامل وكان ينزل علي دم والدكتورة منعتني من السفر لكني اصريت وغامرت وخصوصا ان وقتها كنت مصدومة بالحمل وما لي رغبة فيه وسافرت وانا لي 5 اسابيع وكم يوم وطوووول فترة السفر والدم ينزل وتغربلت والنساة ذبحتني واضطرينا نقصر المدة وقعدنا بس اسبوعين وبعدين رجعنا ويوم ثاني وقف الدم لاني ارتحت شوي ورحت المستشفى ثالث يوم علشان اطمن واول ما قلت للدكتورة سألتني نزل عليج قطع مع الدم فقلت لها لا .. وسوت لي الترساوند والف الحمدلله كل شي طلع طبيعي وما في اي مشكلة ..

وبحملي الثاني سافرت وانا في الشهر الخامس .. وقبل ما اسافر اتأكدت من الدكتورة وقالت لي كل شي اوكى وعطتني شوية نصائح حاولت اني اتبعها في السفر وسافرت والحمدلله ما صادني شي ما عدا ان اليوم اللي نطلع فيها رحلات كانت تنزل علي افرازات ويوم اللي ارتاح ما تنزل .. ولما رجعت الديرة ورحت المستشفى كان كل شي اوكى والحمدلله ..


وعن الالتراساوند وجنس البيبي هذا يعتمد على وضعية الجنين وعلى شطارة الدكتور في ناس يبان معاهم من نهاية الشهر الثالث حتى وناس حتى في الشهر التاسع ما يبان شي .. وعن تجربتي انا في المرتين ما يبان جنس الجنين الا في الشهر الثامن <<< تقولين متفقين عيالي على هالشي :(

شكرا للجميع
ماقصرتوا
انا للان ماعملت الالترا ساوند انشالله الاسبوع الجاي
تحياتي لكم ..

الله يوووفقج يااارب ....

بس انتي بأي شهر ؟؟ واهم شي واللي بيفيدج اكثر دكتوورتج لانه هيه اللي تعرف
حاالتج ...

الله يسهل لك يا قلبي



ليش ما تسالين الدكتوره علشان تتطمنك..........؟؟؟؟؟؟؟؟؟؟

انا سافرت في الشهر السادس
ولما رجعت استوى عندي جفاف

من الشهر الخامس تقدرين تعرفين جنس البيبي

بالعادة الدكاترة تنصح بعدم السفر خلال الاشهر الثلاثة الاولى............و بعدين أتوقع السفر يختلف من منطقة لآخرى....بالنسبة لجنس الجنين مع الرابع يبان