راتبه ثلاثه الالف؟؟ تعالي

اسعدني جدا تواجدك وانا اقصد 3 الالف ريال سعودي ..اتنتظر مرورك

مرحبااااا شموووع

شوفي الغاليه انا مابدعي المثاليه ولا شي

بقول اللي صار وياي وكيف كان تفكيري

انا حالي حال اي بنت بمرحله المراهقه التفكير كله كان اباه طويل وسيم وعنده وعنده وموتره هالنوع حركات طفوله
ودووم الوالده كانت اتقول لي خذي واحد فقير ابرك بيصوونج وبيحافظ عليج مش المعنى انه فقير فقير يعني انسان ع قد حاله ..

وانا لا ومن هالكلام ورفض مستمر ... هي كانت تقصد ولد عمي خاصه صح ان هذا راييهها ع اساس انها بدت ويا الوالد من الصفر والحييين وين وصلوا بفضل الله ثم صبرها عالوالد وتحملها طول هالمده واراده الوالد الله يحفظه ومحد ينكر ان زمنا وزمنهم غييير بس المهم الريال

المهم كبرت وعرفت ان هالاشيا مش مهم البيزات وصار تفكيرري شرا تفكير الوالده
طبعا رفضت ولد عمي ,,,عقبها بفتره خطبني وااحد شافني ف الدوام وطلع من اهلنا من بعيييد اللي هو ريلي الحين شغله كان عادي وراتبه ابسط وبعديييين ترك شغله طبعا قبل الملجه
احمد ربي ان ريلي كان ولازال من النوع الطموح واايد ترك شغله عسب يفتح شغله الخاص ويعتمد ع نفسه
الكل عارف الحياه كيف غاليه هلي اكثريتهم ما وقفووا وياي بهالخطووه صارت مشاكل اني انسى السالفه خلاص
والحمدلله وقفت وياه لاني كنت وااثقه منه والحمدلله الحييين الكل يستغرب ريلي كيف كان وكيف صار

المهم الريال كيف ؟اذا ساعدتيه شوي شوي بخطواته الاولى وتحملتي شوي الله بيعوضج خير هذا شي اكيد ما يختلف عليه اثنين

مشكوووره غناتي عالموضوع والسموحه جان طولنا عليج ^_^

هلا حبيبيتي اهم من الراتب اخلاقة زينة وبعد القبول النفسي عندي لازم اكون قابلتة وحابتة واهم شي طموحة وثقافتة وتعليمة واحترامة لي وتقديرة للحياة الزوجية بعد هذا انا متعلمة ممكن يخليني اشتغل واساعدة في الحياة ولا راح يرفض هذي اعتبارات لازم تحطينها قبل الراتب لانة الراتب مو معيار كافي للموافقة او الرفض وفي شي بعد اذا انا قبلت فية لا تنسين مصارف العرس وايد خيالية هو عندة المهر الكافي لتغطية مصارف العرس ولا لاء هو قادر يسوي عرس بس راتبة راح يكون ضعيف وراح اقولج عن تجربة شخصية انا ما حطيت معيار ابدا الفلوس هي مهمة بالنسبة لي كانت في تجهيزات العرس لانة اصبح واجب اجتماعي لا مفر منة واي احد بقول غيري جذي ما اعتقد كلامة صحيح زوجي عندة مشروع صغير وتوة في بداية حياتة ومو معروف اذا المشروع بنجح او بفشل لا سمح الله بس انا توكلت علي الله لانة طموح ومجتهد ومسوي الي علية وعندي احساس مهما كانت ظروفة راح اقدر اعتمد علية وممكن اساعدة واشتغل هذا راي من غير شعارات ولا مثالية واهم من الراتب الاقتناع بالنصيب والحمد الله سبحانة وتعالي علي كل شي وفي راي بعد انه كل وحدة تساعد زوجها وتوقف معاة خصوصا هذا الي يخلي للحياة معنى

صحيح الراتب قليل...3000

بــس

إذا كان عنده مميزات وصفات تخليني اتعلق فيه..

مثل ..كريم..وسيم.. يخاف الله ..يحترم أهله..طموح

ماعندي مانع اني اوافق عليه..

رأيي

شوفي ياقلبي في ناس رواتبهم ثلاثين الف وما يلقون قرش
ليش قلت حيله
ماننكر المال والبنون زينه الحياة الدنيا
بس اقول الله يبتليني بقله المال ولا يبتليني فعيالي
ومحد ياخذ الا نصيبه فكرنا ولا ما فكرنا
قبل ما اتزوج كنت افكر بها الاشيا بس الحين اعرف انه مومهم شو رايج لانج فالاخير بتاخذين اللي لج

إذا كان فيه كل الماصفات اللي أتمناها أقبل فية يمكن الله يوسع علية و يرزقه و يوسع علية
و يمكن وحدة تتزوج واحد غني و في يوم و ليلو يروح كل اللي تعودت علية الفلوس تروح و تيجي
و مافي أحد يضمن مستقبل عملة و فلوسة

شوفي أنا بقولك شي وانتي احكمي بنفسك اذا تتزوجين شخص راتبه 3000ولا ...لا

أنا أخوي خطب زوجته اللي أبوها مرتاح ماديا ومدللها على الأخير واللي يهتم بمادية الرجال طبعا مع أخلاقه
وراتبه 7000ريال سعودي

بعد 3سنوات وتحديدا أثناء ولادة أول طفل ليهم وانتقالهم الي شقة جديدة
انفصل من شغله ويعدين اشتغل براتب لايصدق تدرين كم ؟

700ريال فكري فيها هادي وش تسوي لواحد مثل ظروفه

زوجته ماشاءالله عليها صبرت معاه تقريبا سنتين لحد مالله فرجها وصار راتبه5000



*********************

قصة أخرى تقدم لوحدةمن معارفنا شاب خلوق ودين وراتبه1800 طبعا مو ثابت هذا لأنه يشتغل على ميكرو يوصل مشارير خاصة مع العلم إن البنت مرتاحة مرة ماديا وماتنعاف

النت وافقت
بعد سنتين لقى وظيفة في أرامكو براتب لايصدق لشخص في ظروفه تدرين كم؟
12000 ألف

تفرق كثير طبعا


************

وحدة تبغى راتب زوجها كبير لأن الحياة صعبة طبعا
الله رزقها شخص راتبه كبداية 10,000 المهم بعدين وش صار

الله على الدنيا مابغت تضحك لها

صابت زوجها اعاقة من حادث انفصل من الشغل مع راتب تعويض5000 ونصه راح على العلاج والأدوية

*****************

الخلاصة

خذوهم فقراء يغنهم الله

الله يرزقكم من حيث لاتعلمون


ومحد ضامن نفسه

3000 ريال سعودي=300 دينار بحريني
في البحرين اللي تتزوج من شخص راتبه 300 دينار تعتبر في نعمة
يعني في بنات يتمنون يحصلون عليه

حبيبتي شموع
يمكن بصدمك بكلامي
انا انخطبت لشخص ما يشتغل اساسا بس اهله عندهم خير بس هو توه ببداية حياته
وهو بعد يحب يعتمد على نفسه .
واشتغل هالحين من 3 شهور بس وراتبه 2200 بس وبيتحسن مع الايام
للعلم انا من عايله ميسوره جدا وابوي رجل ثري بس انا فضلت هالانسان
على 4 قبله الي دكتور والي ضابط والرواتب فوق فوق بس ما ارتحت لهم
اما هالانسان انا بوقف جنبه وبسانده علشان يصير احسن رجل وهو طموح
ويجي منه واهم شي اني احبه
ونصيحه لكل بنت لا تخططي للمستقبل وكأنك تعلمين الغيب
يعني مو شرط الي تأخذ واحد راتبه ممتاز يظل على حاله ويتطور احتمال يصير على بساط الفقر
ومو شرط الي تأخذ انسان راتبه بالحضيض تكون تعيسه ويبقى هو على حاله وما يتطور
((خذوهم فقراء يرزقهم الله))
وبعدين في مثل انا اعتز فيه وشفت تجارب من هالنوع
يواخذه القرد على ماله يروح المال ويبقى القرد على حاله
تحياتي

حبوبه انا عندما تقدم لي زوجي كان في الجامعة لسه ما تخرج

وافقة عليه لانه رجل بمعنا الكلمه طيب ومتدين وهادي والكل يشكر فيه ويمدحه


ورغم ازمة العمل و المتخرجين قبله كثير وما عندهم وظائف وهو من اسره بسيطه الحال
اما انا الحمد لله من اسره ميسوره الاني وافقت عليه ما كان همي المال بقدر ما كنت اتمنا السعاده معاه كماني احب السفر والمشاوير لكن افضل السعاده عليها قلت في نفسي اصبري و الله راح يغير الحال وكنت دايم الدعاء له بسعة الرزق بعدها بكم شهر تخرج وبنفس اليوم توظف وكان راتبه في البدايه 3000 ريال بعد كذا زاد والحمد لله
المل مو مهم بقدر الدين والخلق


لكن المراء التي تهتم بالمظاهر واترف وتريد السفر ولمشاوير و المطاعم الفخمه ما انصحه بزواج من رجل راتبه 3000 لانها لن تسعد ولا تسعد هي به

والله بجد ما تصورت الردود هذب بصراحة فرحت فرحت من قلبي انو البنات يفكرون كذا انا سعيدة وياليت كل البنات زيكم


انا بقول لكم رأيي (( هذا الوالد ولد بلدي واذا انا ما قبلت فيه راح يروح للاجنبيه وانا بتم في بيت اهلي اعنس؟؟


طيب راتبه 3000 الالف بس يمكن عنده اخلاق وخفه دم افضل مليون مره من الي راتبه 12000 صح

الحياة اذا ما صبرنا فيها وتقاسمنا الحلوة والمره كيف بتكون ؟؟؟وبعدين تخيلي هالولد اخوك مو راح تعملي

المستحيل عشان تزوجيه بتحاولي تقنعي اهل البنت بان الصبر مفتاح الفرج ؟؟ وانو اخوك ما ينعاب حطي نفسك مكانها

بعدين الحب اهم شئ بالوجود اذا حبيته راح تنسي الفقر وترتبي حياتك على قد جيبك صح


بنات الحمدالله لي 9 سنوات متزوجة وياليت العمر كله الله يتمم لي انا بنت خير وعز ورضيت اخذ قريبي كان راتبه

4000 الالف بس كله ديون يصفالي بالشهر انا وهو 1500 ريال منها فواتير ومقاضي ولا كنت اشكي عشت مرتبه

اموري وتخرجت من الجامعه ولا لقيت شغل وتعمل اصير كوفيرة واشتغلت سنتين ؟؟ وبعدها الحمدالله توظفت

وظيفه رسميه

وابشركم زاد راتب زوجي الدبل وخفت الديون وانا ويااااااااااااااا ربي لك الحمد والشكر مرتاحين ونحب بعض لاننا كنا

علي الحلوة والمره ..... الصبر حلوووو ادعو لي بالتوفيق في حياتي ولازم تعرفو مافي شئ ببلاش ابداا

شكراا لكم

انا زوجي راتبه 3000 والحمد لله عايشين مرتاحين

ومافي شي ناقصنا الحمد لله عايشين حتى اذا كان نفسنا في شي وهو غالي

ندور عليه ونحصله في اماكن رخيصه احيانا اذا زوجي خاطره ياخد شي بس غالي علينا

اقول له اخده ولا تنهم بالفلوس اهم شي ان نقدر ناكل مابنكون جوعانين والحمد لله

احنا في الف نعمه وخير

مشكورة يا الطيبة ع الموضوع الحلو

أولاً بالبحرين عندنا الرواتب ضعيفة.. يعني اللي راتبه 300 دينار أو 3000 ريال وما فيها ديون ولا غيره، عايشين بنعمة!

أنا زوجي راتبه تقريباً 300 دينار منها ايجار وقرض ومستحقات أخرى كالبنزين والاتصالات ومصاريف طفلة ومأكل وملبس....الخ..

يعني نحمد ربنا ألف وألف مرة لو ادخرنا منها شيء ولو كان بسيط..

الحمدلله، ميسورة ومو محتاجين لأحد وعايشة مع منهو أغلى من مال الدنيا كلها، لأنه ما يقصر عليّ لو بيده شي..

زوجي طيب وحنون، وراتبه أول ماخذته كان النص تقريباً .. يعني 175..
عشنا أول، والحين عايشين..
الأهم البركة في الرزق..

أنا ان شاء الله لما أتخرج وأشتغل راح أساعده، والله يفتحها عليه ويكثر رزقه ورزق أولادي..
أهم شيء يبقى ذخر لنا

سبحان الله

الوحده ماتدري وين نصيبها فيه

...

لكن بجد ربي لاحب العبد رزقه من حيث لايحتسب

وتبون الصراحه يابنات نحمد الله ع كل حال

لكن الماده هي اللي تعيّش هالزمن

ولابكره اذا انجبت طفل او طفلين .. وشلون راح يتحمل مسؤوليتهم

وهو عاجز عن مسؤوليتي .. !!

هنا السؤال

عشان كذا اقولك لااخذتي شخص وعنده هالمبلغ

حاولي تقتصدين معه وتتفقون كيف بتكون حياتكم قبل الانجاب

وربي ييسر اموركم كلكم ويهنيكم ويهنيني مع زوجي

تحياتي لكم

بصراحة أنا أحس انه الماده شي أساسي ومهم

وبالنسبة لي تجي في المرتبة التانية بعد الدين

مو معقول كلمة الراتب ولا المادة مو مهمة

لا أبدا مهمة مرة ... الحياة صارت غالية.. ومتطلباتها مرة كتير

ليش انا اضغط على نفسي وعليه... وبكرة على أولادي

وقد ما هو يعطيني أنا بالنسبة لي لسه ناقصة أشياء مرة كتير وهو يا حرام ما بقي معاه شي

وعلى ربنا التوفيق

صحيح هالايام المبلغ ما يسوي شي وخصوصا مع الغلا اللي هبت رياحه على العالم

بس اللي يدخل الله الرضا في قلبه ................ يشوف الجيب الفاضي مليون

الله يدخل الرضا والقناعة في قلوبنا كلنا يا رب

المهم الرجال مو مهم الراتب

خصوصا اذا الوحده تحب هالواحد بتضحي عشانه وبتصبر حتى لو اقل من 3000 ريال ..


والله يرزق من يشاء بغير حساب ..


والحمدلله على كل شي ..

والله يشتغل براتب 3000 احسن من اللي عاطل ومقابلني 24 ساعة ومعتمد على مصروف ابوه !!!!!!!!!!!!!!!!