بنتي وايد عنيدة

شوفي يا اختي

ف البداية العناد ناتج من تعارض افكار طرفين يساهموا في تربيه الطفل يعني مثلا يقول الاب شي وتقول الام شي ثاني هذا يولد العناد لدى الطفل

واذا جينا للحل هو سهل جدا اذا حبت تسوي شي حتى لو ما زين ساعديها صدقيني بتقعد تطالعج وبعدين بتوقف

لانه الممنوع مرغوب ولما انتي بتساعديها ع الشي اللي تعاند فيه ما راح يصير ممنوع وبالتالي فهو غير مرغوب

اتمنى اكون افدتج

لانه كلامي عن تجربه

ولا تحاولي ابدا ابدا ضربها لانه يزيد العنـــــــــــــــــاد

انا لاحظت شي على ابني باحكي لك واتمنى تستفيدي منه ...

ابني الان عمره سنة و10 شهور ... عنده الان حركات سخيفة تقهرني وهي الضرب ورمي الاشياء في الناس والعض ... كيف اعالجهم ؟؟؟
صار كل ما يضرب او يرمي ، اضربه .. صار يضربني بالمقابل ويحلل الضرب لنفسه .. غيرت السياسة ..صار كل ما ييضرب او يرمي .. انزل لمستوى طوله واوقوله ( وسام تح لا ) واكررها واقولها بنبرة صوت عالية وحازمة .. يرجع يعمل حركات ويبوسني ..
لما يعض احد ، اعمل نفس الشي واقوله ( فلان عض لا ، فلان بوسه بس ) يفهم ويبطل ويجلس يبوسه .. وكل ما يعض يتذكرني ويرجع يبوسه ... وكل ما يبوس ان اصفق له وهو خلاص معنوياته ترتفع ..
بس اكيد يرجع اليوم الثاني وينسى ويرجع يضرب او يعض وارجع اكرر نفس الشي .. لان الطفل ذاكرته محدودة لهذا لازم تكرار الشي كل يوم .. حتى يفهم .

ابدا ما انصحك انك تعالجين الشي بالضرب .. الضرب يعلم الضرب .. اسلوب الترهيب والترغيب ينفع دايما ..