قصتي يوم ولادتي بالقمر حمودي

اهلا حبوبات حبيتكم تشاركوني قصتي بولادتي بحمودي القمر

طبعا انا ولدت يوم الجمعه تاريخ 20-6-2008 وقبلها بأسبوع من شفت الآلآم زادت علي حزمت شنطي و جيت لأمي لأني كنت بعيده عنها فما حبيت اولد بغربه و اتورط

و صار زوجي كل ليله يتصل لأنه كان بيسافر في نفس موعد ولادتي وكنت مقهوووووووره حدي:mad:
لكنه اجل سفرته يومين والحمدلله ولدت قبل لا يسافر:D

طبعا كل ليله يسألني متى بتولدين :rolleyes: الى ليلة الخميس اتصل قال شكلج بتولدين خلال هاليومين وبعد صلاة الصبح يوم الخميس زادت علي الآلآم وحسيت اني بولد حاولت انام شوي لكن كنت احس ببداية الطلق فقمت الساعه 9 واتريقت خخخخخخخخ متفرغه وجهزت شنطة البيبي ومشطت شعري وقلت يمكن بعد شوي اروح المستشفى


بعدها رحت نمت شوي وقمت الظهر والألم زايد والعصر خليت اخوي يوديني عياده ودخلت على الدكتوره وكنت امشي شوي و اوقف من الوجع وقلت للدكتوره انه كان ينزل علي ماي قليل لمدة اسبوع لكني احس بألم شدشد وقالت كشفيه ولما كشفت علي قالت الرحم مو مفتوح ولسه :ss: جاني احباط قلت يا دكتوره يعني مافيه بوادر ولاده قالت لسه فاضل يومين على موعدك و ربنا يسهل

بعدها رجعت البيت وبنتي لزقه ما سكتني من دشداشتي و تدور معاي وانا طالعه داخله الحمام و انتوا بكرامه ومالي خلق اقول لها يا ماما قعدي و العصرات تعصر فيني والم شديد و هي تقول تب ههههههههه قصدها شب خخخخخخخخ وشدراها مسكينه

ظليت على هالحاله طول يوم الخميس وليلة الجمعه خواتي متجمعات بيت اهلي يسولفون ويتضحكون وانا مالي خلق اتكلم والى الفجر شفت خيوط بنيه نزلت مني ورحت صليت وما كنت قادره اسجد من شدة الألم قالت لي امي ما بتنامين قلت لها مو جايني نوم من الألم وصار الألم يزيد 10 دقايق وامي قالت قومي روحي المستشفى وانا اقول لها خايفه اروح ومافيني ولاده وينوموني عندهم ما احب المستشفيات:confused:

لكن امي خوفتني قالت روحي يا بنتي احسن لا تورطينا شكلج فيج ولاده و ابوي صار يدعي لي و اختي قرت علي قرآن ولبست عباتي ووداني اخوي مستشفى الولاده و كشفت علي الدكتوره وقالت الرحم مفتوح 8 سم يلا غرفة ولاده :rolleyes: والله انا كنت اتألم حييييييييل بس ما تخيلت اني بروح في هالمرحله وقلت الحمد لله ان شاء الله اول:rolleyes:د بسرعه و افتك بعدها لبسوني ل:rolleyes:بس الولاده و اخ\وني لغرفة الولاده لكن كشفت علي دكتوره هناك و كانت الصدمه لما طلعوني من غرفة الولاده وخلوني بغرفة الأنتظار:eek:

خفت سألت النيرس ليش ما بولد؟؟؟:rolleyes: قالت بعد شوي قلت ليش قالت البيبي فوق :ss: وتوالت الكشفياتمن الساعه 5ونص الصبح دكتوره رايحه ودكتور جاي وطبعا النيرسات مو امقصرين:confused:

تعبت نفسيتي و قمت اصيح وبعدها جت دكتوره وفتحت كيس الماي حق الجنين وقالت ننتظر ينزل الجنين والألم ياويلي يزيد و يزيد و بعدها جاو دكاتره اثنين ويتكلمون على السكر اللي عندي يقولون حجم الجنين كبير بسبب السكر قلت للدكتور يادكتور شو المشكله ما بولد طبيعي يعني؟؟

قال لا يا بنتي حتولدي طبيعي ان شاء الله وارتحت شوي مع شدة الألم طبعا الوقت صار الساعه 8ونص تقريبا بعدها ظليت مع الآلآم الطلق الى ان قرر حمودي يشرف و ينور وجودي فودوني غرفة الولاده و الحمدلله طلع حمودي للدنيا وارتحت لما شفته بعدها قلت للنيرس غطيني ابغى انام بردانه و اسناني تطقطق وغطتني و نمت وخلوني ارتاح طبعا اخذوا حمودي عندهم في الحضانه عشان يشيكون عليه لأن عندي سكر حمل ويوم ثاني الصبح جابوا لي فلذة كبدي و ضميته لقلبي فديت قلبه حبيبي الصغنون

الله يسهل على كل الكروشات يا رب