كم توفرين فلوس ؟؟؟؟

انا مااوفر للاسف

ورفيجاتي كانو يقولون لي احنا مانوفر

بس اكتشفت انهم يوفرووون والحين مجمعين 3الاف دينار كويتي


وانا من هالشهر بوفر

مشكووورة على هالموضوع ..

أنا بالعطلة ما أوفر ولا قرش ..

بس أيام المدارس أوفر بالأسبوع تقريباً 50 ريال سعودي ..

لأني ما أشتري ولا شي من المدرسة ..

موضوع حلو واجد والله زين تعلموني كيف الوحدة ممكن تدبر وتوفر خصوصا انا ما اشتغل واموت في اللبس شلون اوفر؟

بصراحه أنا أشيل من مكافئتي مبلغ ..
والحمد لله مجمعه مبلغ حلـو ,, رافعته لوقت الحـاجه

وفي مكافئات أصرفها كلها ولا أدخلها لحساب التوفير أصلا :)

للأسف أنا عندي سوء تصرف بالمال !!!
حاولت اني اوفر كل شهر اقول بوفر ولا وفرت شي :(

لا لازم توفري
شيلي مبلغ من قدام عيونك وانسيييه :)

انا كل شهر أوفر 100 دينار ..

و100 دينار ثانيه خليتها بجمعيه ..

أنا اصرف فلوسي وقت الحاجه..

مثلا احتجت عبايه او بطاقه شحن او عطور ومكياج .. بس اذا مو محتاجه ما اروح السوق..

انا في نظري لازم اوفر وايمع حق روحي عشان استانس فيهم وقت الي احتجت .. حق المستقبل..

أنا طلعت لي سياره .. عشان جذي لازم ايمع .. مثلا بغيت ذهب او بغيت اشتري شي ثمين يكون عندي مو اندم على حظي ان علي قسط سياره وما اقدر اشتري الي بخاطري...

اتمنى كل وحده توفر معاشها وما تجيسه خصوصا اذا متزوجه..

لان لا عليها مسؤوليه وفلوسها لها ..

آه يا أختي جنج حاسة فيني ، أتصدقين أنا عندى هالمشكلة ، طبعا أنا أشتغل وصار لي قد 6 سنوات . ولكن شوفوا رصيدي zerooooooooooooooooooooo والسبة صرفي ءلي يكون على هبل وبتقولون معاشها ضعيف لا والله ثم لا معاشي يفتح 3 بيوت بس قلة التدبير والتفكير. وكل شهر أقول بايمع وما يصير العيال ماخذين معاشي كله ما عدا أنهم صغار وايد ، بس شاسوي . الحمد لله على كل حال

للأسف ماأوفر ولاريال
كل فلوسي احرقها بخرابيط...

نوقطه

انا الصراحة كلش ما اوفر ولا اعرف اوفر كله صرف في صرف ،،
وحتى لو احاول احط في حصالة تلقوني ثاني يوم اكنسل او حتى عقب اسبوع واحاول افتحها واطلع الفلوس منها ،،
لكن من الشهر الجاي قررت وفكرت احط في جمعية عشان التزم ،،

اوفر مبلغ من كل شهر
واحيانا لما يكون ماعندي شئ لامناسبه ولاغيرها اوفر
وداخله بجمعيه

عندي مشكلة كبييييييييييييييييييييييييييييييييييييييييييييييييييييييييييييييييييرة بالتوفير انا لساتني بنت وما اوفر قرش اصرف اول باول وياريت على شي مهم كله اشياء فاضيه كل مرة احكي لازم اخفف مصاريف وافر بس عبث ما في فايده ارجع اصرف اكثر من قبل

[FRAME="3 70"]توفير توفير لازم توفري هالكلمة دايما بتقولي ياها أمي
وانا ما وفرت:ss: حد بيعرف كيف ممكن اوفر
والله صرلي خمس سنين بشتغل وماوفرت ولا قرش
وعن جد حابة اوفر بس كيف والايد المفتوحة ع الاخر شو بعمل فيها:sm215:[/FRAME]

اني بعدي بنت وخطيبي يعطيني وامي وابوي يعطوني فلوس بس ينصرفون على اشياء بسيطة الحين كلشي صار غالي مو نفس الأول واحنه نحتاج ثياب وعبايات واغراض للجامعه ومااشتغل
يالله الحمدلله
ان شاءالله ابتدي اجمع عقب العيد نبي نفتك من الصرف عقب العيد بحاول اجمع على الاقل 50 دينار اشيلها واخليها في البنك
خطيبي قال لي الفلوس اللي اعطيش وياهم بوديهم في البنك ويبقى لي 20 دينار اصرف فيهم حق شهر مايكفي والجامعه يبي لها مصروف
يالله هاذي حال الدنيا
شكراً حبيبتي على الموضوع

صراحه بس اول في البدايه ماكنت اوفر ولا درهم بس الحين حطيت حصاله حديد عند الحام عشان ماقدر افتحه او اكسرها وكل شهر احط فيها 500 درهم لو انه مبلغ بسيط هذا من مصروفي الي زوجي يعطيني ايه يعطيني 3000 درهم

انا عن نفسي ماحب اجمع الفلوووووس كلش كلش

ماحب ان يتم فلس في محفضتي .. ومن يصير عندي اي مبلغ افكر شاسوي فيه واصرفه في اسرع وقت ممكن

انا احب استانس في حياتي وماحب اجمعهم

كلها يومين خلني استانس وايد احسن

سالي نون;7176367:
صراحه بس اول في البدايه ماكنت اوفر ولا درهم بس الحين حطيت حصاله حديد عند الحام عشان ماقدر افتحه او اكسرها وكل شهر احط فيها 500 درهم لو انه مبلغ بسيط هذا من مصروفي الي زوجي يعطيني ايه يعطيني 3000 درهم

عجبتني طريقتج
واراح اسويها

مشكورة راعية الموضوع

انا عندي دكتوراه في التوفير

اول شي لاااااازم احط لي هدف اقول ابي اشتري شي معين و ابدا اوفر له



اول شهر متحمسه اشل ثلاث ارباع مصروفي اخليه للتوفير

الشهر الثاني اشل نص المصروف بس و احاول اقنع نفسي و اقول محتاجه الباقي ابي اشتري اشياء ناقصتن

الشهر الثالث اشل ربع مصروفي بس

الشهر الرابع اطنش و اتناسى ما اشل شي من مصروفي


الشهر الخامس اقول اوووه باقي وايد لين اوصل المبلغ المحدد علشان اشتري الشي الي في بالي ...خلاص ما ابيه ...

و اشل مصروفي و الفلوس الي جمعتهم في 3 شهور و على السوق اطلع حرتي ...و ياريت في اشياء مفيده او محتاجتنها كللللللللللللل خرابيط

و خلص درس التوفير

طريقتي فعاله تخليج تصيرين مليارديره :)

سالي نون;7176367:
صراحه بس اول في البدايه ماكنت اوفر ولا درهم بس الحين حطيت حصاله حديد عند الحام عشان ماقدر افتحه او اكسرها وكل شهر احط فيها 500 درهم لو انه مبلغ بسيط هذا من مصروفي الي زوجي يعطيني ايه يعطيني 3000 درهم

انزين و بعدين كيف بتفتحينها ... و هي حديد ..؟؟؟