باقي 10 ايام على الدورة .. و الحل ؟؟ !!

طيب تاابعي حرارة جسمك اذا تحسينها مرتفعه تممكن يكون حمل .. او حللي دم (( ربي لا تذرني فردا وانت خير الوارثين ))

تحليل الدم ما اعتقد يبان من الحين
باجهاضي الثاني سويت فحص دم بعد ما تاخرت الدورة بيومين و ما طلع حمل .. وانتظرت تتاخر 10 ايام تقريبا و بعدها بين ان فيه حمل بس الله ما كتب لي نصيب فيه :(:(

و ما عندي جهاز ثيرموميتر لقياس الحرارة في البيت :confused::confused:

تسلمين اختي زوجة حبيبهااا على ردج نورتي موضوعي :)

و انا مستعجله ابي اي طريقه ممكن تفيدني ان اعرف بسرعه

الصراحه ما عندي فكره يا اختي

والمشكله ان حتى التست المنزلي مارح يبين اذا حامل او لا لين يمر يومين او اكثر من تأخر الدوره

فما اعرف شوو الحل :(

(يارب ترزقها بالحمل الثابت عاجلا غير اجل)

اختي ام منصور ...
و الله انا محتاره .. اذا اتخيل نفسي حامل اتوهم اعراض الحمل و كاني حامل عن جد

و اذا اقنع نفسي ان ما فيه حمل ما احس باي اعراض ابداااااا

بسرعه ادخل احلام اليقضه و اصدق نفسي و احسس نفسي باعراض اصلا مو موجوده

يعني حتى لو براقب نفسي هل حرارتي طبيعيه او لا .. ما اقدر اعرف لاني اتوهم كثيررررر

فيه طريقه بلكلوروكس .. شلون يسوونها و هل هي صدق او مجرد اشاعه انتشرت ؟؟

مافي الا انج تنتظرين وبعدين ليش لوكنتي حامل ليش تكنسلين السفر بالعكس سافري يمكن تغيير الجو يريح نفسيتك اكثر ويثبت الحمل وحاولي ما تجهدين نفسج وايد .. والله انشاء الله يثبت الحمل توكلي على الله وخلي كل شئ بيد الواحد الاحد وخلي الامور تمشي عادي جهزي وسافري وانسي الدورة وبموعدها بتعرفين اذا انتي حامل ولالا وبعدها حافظي على نفسج

شوفي انتي اجهضي مرتين ....انا من رأي انك تستني ولو اربع شهور عشان تفكري في الحمل مرة ثانية المفروض انتظرتي يا اختي وسافرتي وعقب جيتي ابتديتي تفكري في الحمل...لعدة اسباب اولها انك جاهضة من مدة قريبة وثاني شي عملية الكوي في الرحم يعني الرحم دخله مشرط وتنضيفات ...يعني جدار الرحم لسه رقيق يبغاله على الأقل 3 دورات عشان يرجع يتماسك ...حتى لو حدت تلقيح البويضة تكون غير مهددة بالسقوط

عموما قدر الله ماشاء فعل....جهزي نفسك للسفر يا اختي ...والله هو الستار لو كاتب حمل وتبات لا تجهيزات ولا غيره راح يسقط الحمل
دائما حطي قدام عينك ان مافي شي يحدت إلا بإذن الله

الله يرزقك بالحمل وجميعا الاخوات ويفرح قلوبنا

اختي شمس ... ان شاء الله بروح العمره و تدرين المشي و الطواف و الزحمه اكيد صعبه على وحده حامل و بعد اجهاضين مخيييف ان اسافر اصلا اهلي مستحيل بيخلوني اطلع من البيت .. انى اول وحده من عائله اهلي و من عائله زوجي يصير معاي اجهاض مرتين :confused::confused::confused:
اتمنى اطلع حامل و السفر يتعوض و اذا الله كاتب لي ازور بيت الله اكيد بروح


اختي توصل فيا ... كلامك صحيح 100 في ال 100 بس صايره كاني مجنونه على الحمل ما اقدر اصبر على بعض الاجهاضين و بديت من هالشهر احاول و افكار تودي و افكار تجيب و الله يعلم شنو كاتب لي و مخبي لي (y)


اختي احلام ... آمين يا رب الله يسمع منك و نسمع عن بعضنا كلنا حوامل يا رب :wink:



انتظر ردود باقي البنات .. ابغي طريقه للكشف باسرع وقت باقي 7 ايام على الدورة :confused:

ماراح يبين الا اذا تاخرت الدورة

اللي الله رايده بيصير ..

بس بقولج شي انا كنت حامل وسرت العمره وانا ما اادري اني حامل وبعد ما رديت باسبوع اجهضت..

فتاكدي اول قبل ما تسيرين وان شاء الله ف السادس من حملج او التاسع سيري والله بيسرلج امورج..

العهد ... مشكورة عيوني على ردج .. صحيح العمره محتاجه حركة و مشي و صديقتي بعد نفس الشي راحت العمره و هي ما تدري انها حامل و بعد ما رجعت بفتره قصيره اجهضت و بعد شهر حملت مره ثانيه و جابت بنت

عندي شعور جديد من اليوم بديت احس فيه
احس بالم في بطني و وخز و الم في ظهري :confused::confused:
ما ابغي اقنع روحي اني حامل و بعدها اتضايق لو لا سمح الله ما طلع حمل :(
مع ان بدري على الاعراض باقي 7 ايام على الدورة
بس شعوري ان فيه حمل و مرات اقول يمكن اتوهم كالمعتاد :16:

الله يرزقك

والله ما عندي فكرة عن الكشف بمدة قبل الحمل

حبيبتي انتضري ع الاقل اسبوع وسوي فحص منزلي وهاي فرصة تشغلين نفسج بالاستغفار وذكر الله ولا تفكرين في الموضوع لان التفكير ما يساعد على الحمل وباذن الحمن الرحيم تتطلعين حامل والله يثبته لج


لاتنسي تبشرينا

اللهم يارحمن يارحيم ارزق كل محرومة الحمل قبل شهر رمضان يارب

ان شاء الله اتكونين حامل يارب

اختي شااانيل و موضي .. نورتو الموضوع و ان شاء الله ابشركم يا رب واااااااجد افكر و احاتي و اراقب نفسي و الاعراض


بنات انا اليوم الصبح سويت طريقه لكلوروكس .. و صار فوران كبيررررررررررررررررر حتى انى تخرعت ما توقعت الفوران بيكون بهذي الطريقه :ss::ss::ss:.. و تكونت رغوه كبيره و طلعت من الكاس و ظلت الرغوة تقريبا ثلث ساعه لما اختفت :eek::eek::eek:

بنات ارجوكم الي تبغي تساعدني تسوي هالتجربه و ترد علي بس على شرط تكون متاكده انها مو حامل و نشوف الفرق بين الي صار لي و صار لها :confused::confused::confused:.. لاني قريت في منتدى ثاني انها طريقه غير صحيحه .. ارجوكم الي تحب تساعدني و تجربها لها دعوه خالصه مني :15:

ام جهاد طريقة الكلوركس غير صحيحة وكلها حكي ما له اساس من الصحة....نطري يومين وحللي دم راح يطلع لو في حمل
ويارب يفرحك يا اختي بالحمل السليم يارب

نعــومي ** توصى فيا
مشكورين على ردودكم و ان شاء الله اكون حامل انا وياكم يارب بنفس الشهر

و انا لازلت في حيره .. مالي نفس اجهز حق سفر ولا حجزنا حق شي و نفسيتي تعبانه لاخر درجه
احس باعراض تروح و تجي و خايفه اطلع مو حامل و اتحطم
احس بنغزات في بطني من تحت و الم في ظهري ( طبعا الم ظهري من الاسقاط الاول الى الان ما راح بس هالاسبوع زاااايد علي ظهري بشكل مو طبيعي ) .. و صايره انام العصر مو على عوايدي و كل يومين يصيدني امساك .. و ما اتحمل الجوع يدوخ راسي بسرعه .. محتاره في امري و مستعجله ابغي اعرف هل انا حامل او مجرد وهم
باقي 6 ايام على الدورة و كل يوم يمر ازداد تشاءم و خوف و حزن و كأبه

ارجوكم ساعدوني و الي عندها خبره او طريقه او حل تساعدني :confused::confused:

الله يرزقج بالذرية الصالحة
ان شاء الله تكونين حامل

انا للاسف كنت حاطة احتمال كبييير اني اكون حامل.. بس اليوم الفجر نززلت الدورة..
الله يعين ويصبرني
مانصدمت وايد...
من كثر ما اقرا مواضيع وايد في هالقسم.. تأثرت.. لدرجة ان يوم شفت انها نزلت قلت احتمال اكون لحين حامل ههه.. قلت يمكن بس اليوم تنزل وتوقف.. بس ما اظن... لان فيني الام احس بصيح.. مع ان اول يوم.. بس تنزل وايد..

الله يصبرني :) ويصبر الجميع

MoZ(a)N ... عورتي قلبي يا اختي احس نفسي بكون مكانج عقب كم يوم اذا نزلت الدورة و تحطمت آمالي :confused::confused::confused: