هلا اخواتي بس حبيت اعطيكم تطبيقي لأحد الكيكات وكنت لاقيتها باحد المنتديات
وصراحه الكيكه تواجه بالذات انها من شغل يدي
وهذي تعتبر لي اول تجربه في مجال الكيكات
كانت القياسات بالجرامات
وحولت لكم القياسات الى كاسات وملاعق :
وياويل اللي تضحك علي
و تعبت شويه لين ضبطت المقادير
وابي البنات يستفيدوووون
هذي المقادير بس بالتحويل
صلحو مقدارين من الكيكه لصينيه دائريه
4 بيضات
ثلاث ارباع كاس سكر +ملعقتين سكر
نصف كوب+ ملعقه كبيره+ملعقه صغيره "دقيق"
اربع ملاعق طعام + ملعقه صغيره غ لوز بودرة
اولا نبدا بخفق البيض والسكر جيدا مدة 7 الى 10 دقائق
وبعدها نخلط الدقيق واللوز ونضيفه لخليط البيض والسكر
اخذت صينيه دائريه ودهنتها بزبده ورشيت عليها طحين وصبييت المقدارين فيها
وندخلها لفرن مسخن
مسبقا على 180 درجة الى ان تستوي قعدت يمكن حول الساعه
وبعد ان تستوي نتركها تبرد
ان قدرتي تقطعينها لأربع شرائح كويس بس انا خوافه خليتها ثلاث شرائح
الان سنحظر كريمة الزبدة
250 غ زبدة
2 صفار بيض + بيضة كاملة
كاس سكر
اقل من نصف الكاس ماء
ملعقة نسكافيه..انا حطيت كاكاو بدل النسكافه لأن اللي عندي ما يحبون الكاكاو
ثلاث ارباع الكاس لوز محمر في مقلاة او فرن ومطحون جيدا
اولا نضع السكر والماء في قدر فوق النار وملعقة نسكافيه ونتركه يغلي قليلا ثم
نرفعه من النار وخليه يبرد شوي
نبدا في خفق البيض جيدا ونصب عليه خليط السكر والماء على شكل خيط رفيع مع
الخفق المستمر
بعدها ناخذ الزبده اللي بدرجة حرارة الغرفة نقسمها مكعبات وبعدها نبدا بخفقها
ونصب عليها الخليط حتى تصير كريما
بعدها نضيف اليها بودره اللوز المحمص ونتركها جانبا
يتبع"ملاحظه انا استخدمت الغناش لتغطية الكيكه..بما ان الكيكه بس 3شرائح"
لغاناش الشوكولاته
250 غ شكولاته
ثلثين الكاس قشطة سائل
نذوب الشوكولاتة اولا في حمام مائي ونظيف اليها القشطة ونحركها ونتركها تبرد
الان وبعد ان جهزت لنا كل المقادير نبدا بتركيب الكيكة
ناخد القطعة الاولى
نضع طبقة من كريمة الزبدة ورشيتها لوز محمص
وبعدين حطيت
والقطعه الثانيه نفس الشي حطيت عليها كريمة الزبده ورشيتها لوز محمص
انا ما احتجت للتغطيه...بس بأحطها حفظا للحقوق:D
لفوق الكيكه نحتاج الى
100 غ شوكولاتة مذابه مع حول اقل من نص الكاس \ قشطة سائلة
نضيف عليهم ااقل من ربع الكاس من سيرو او شيرة او قطر
ثم نصبها فوق الكيكة , بعدها ندهن الجوانب بكريمه الزبده ونلصق عليها لوز محمص
ملاحظه...انا لما قطعت الكيكه ماحطيت فيها حشوة الكاكاو بس اكتفيت بكريمة الزبده
وغناش الكاكاو سويت به تغطيه للكيكه
لأني ماسويت اربع شرائح
وزينتها بالورد والفراشات,,,دعايه
يابنات انا ماحطيت تطبيقي الا عشان تستفيدون تراها لذيذه بالذات الكيكه نفسها طعمها حلووو
وما ابي غير دعوة طيبه لي ولك مسلم ومسلمه
واي وحده عندها اي اسفسار تسالني وان شاء الله تلقى الجواب
