ايش رايكم بالرضاعه الطبيعيه؟

اني عن نفسي معزمة ارضع طبيعي لان الرضاعة الطبيعية تزيد من حنان الأم وترجع جسم الأم طبيعي و يرجع الرحم بسرعة مثل ما كان وترجع الرشاقة وتسوي للطفل مناعة قوية و أما عن انه يكون غير كافي ففي فيتامينات و املاح خاصة تعطى للمرضع لتكامل حليب الأم pregnacare ناوية استخدمها بعد استشارة الطبيبة اهم شي تكثرين من شرب الحليب

بصراحة انا حدي تنرفزت من الكلام الي يقولنه لج الناس لانه قمة في التخلف و الجهل سوري
و الكلام كله غلط بغلط

اصلاً مافي احسن من حليب الام لانه ياي من الخالق عز و جل و له حكمة
الي يشجع على الرضاعة الصناعية هذا موضوع تجاري 100%
و دايماً الدكاترة يحاولون يقنعون الام ان حليبها غير كافي و لازم انها تعطي صناعي مجرد انه يبون يربحون الشركات الحليب الصناعي مو لاسباب اخرى و هذا غلط لان حليب الام كافي و نص لان بمجرد ان الطفل يمص هذا يعطي اشارات للمخ ان يزيد من ادرار الحيب


الرضاعة الطبيعية لها فوايد كثير كثيرة و كل يوم يصير اكتشافات يديدة عن فوايدها ....مو كفايه انها تقي الام و الطفل من السرطان...... و في المقابل الحليب الصناعي يحتوي على مواد كيماوية و بلاوي عليها جدل كبير في الدول المتطورة



عموماً انا خل اقولج عن تجربتي انا ضد الحليب اصناعي و لا عطيت بنتي قطرة حليب صناعي مع اني موظفة الحمدلله الحين راح تكمل 10 اشهر قولو الله يبارك
صحة بنتي ممتازة و مريحتني و ماصار فيها غازات و مشاكل الطفل الي رضع صناعي و مناعتها قوية ماشاءالله و غير ان جسمي رجع نفس اول من غير رجيم و لا رياضة جسم مشدود و مافي كرش و صدري الحمدلله مشدود
احس بعواطف الامومة تغمرني و انا ارضع و بنتي تنام و ترتاح لمن ارضعها الحمدلله الله يتمم على و ارضعها سنتين كاملين يا رب



بس اقولج معلومة ينصح الاطباء بالرضاعة الطبيعية بدون ادخال الصناعي 6 اشهر بعدها ممكن تدخلين الصتاعي لان الجسم ممكن يتقبل حليب البقر اما قبلها هذا يسبب اثار بالمستقبل مثل الربو و الاكزيما و الحساسة و اشياء كثيرة احنا بغى عنها


الله يسهل عليج الولادة و ترا مافي احسن من الرضاعة الطبيعية انصحج فيها

شوفي
رضعي الشهور ال6 الاولى طبيعي مع صناعي
ثم بعدين صنااااااااااااااااااااااااااعي
لان كلامك صحيح بنات ها الايام ماكو حليب في صدرهم يكفي الطفل

حبيبتي ،، انا اقولها لك و بدون تردد ارضعي البيبي طبيعي كـــــــامل .. بلا صناعي بلا خرابيط !

الحمدلله الرضاعه الطبيعية نعمة كبيرة ، بعض الامهات ما يقدرون يرضعون عيالهم طبيعي عشان مشكلة بالثدي او اي شي ثاني و تلقينهم في قمة الاسف على هالشي !

فانتي لا تترددي ابدا في الرضاعه و مع الاكل العادي راح يصير عندك حليب ..

انا اكلي كلش قليل و بالزود بعد ما ولدت مباشرة يعني ايام النفاس ، لكن بعدها يعتدل كل شي و كل مارضع البيبي انتي تجوعين و تاكلين و تعوضين حليب ..

و ما تنسين الاجر و الثواب بعد الرضاعه !

اختي هذا رزق من رب العالمين واذا قطعتي رزق البيبي راح تتحاسبين يوم الحساب

وغير تانيب ضميرررر بانج ماعطيتيه طبيعي

==============

اهم شي لاتقولين مافيني حليب ومايكفي خليه يمص ويمص راح يطلع حليب

وعليج بتغذيه زينه واهمها الورقيات الخضرا تزززيد الحليب مثل الخس والبقدونس والخ

وعطيه رضاعه طبيعيه كامله ودخلي مرضاعه او مرضاعتين صناعي فقط في اليوم اذا احتاج لها البيبي

على الاقل 6شهور الاولى طبيعي عقبها دخلي صناعي مع الاكل

وعطيه فيتامين دال عشان عظامته تقوي اخذيه من المستشفي

السلام عليكم

انا ويا احلى ملح وتماظر،،

في شئ اختي احب اضيفه اللي ترضع لازم تكون تغذيه فوق الممتازه ما بقولج اكلي ويزيد وزنج وتتبهدلين لا! اكلي اشياء فيها فايده عليج بالحليب ومشتقاته الورقيات والخضار والفواكه هالاشياء بتكون كفيله انها تخلي حليبج ممتاز،، كمؤشر ان الرضاعه الطبيعيه ناجحه بتلاحظين ان وزن البيبي يزيد على الاقل بالشهر كيلو.

من تجربتي رضعت بنتي سنه واربع شهور تقريبا بس من كملت السنه دخلت لها الصناعي لانه الحليب عندي بدا يخف وما كان يكفيها وغير جي انا ضعفت وايد وايد وزني وصل 39 علشان جي قررت اني اوقف واجابل عمري عدل.

بس لا تحرمين نفسج ولا تحرمين البيبي من الرضاعه الطبيعيه والشعور الاكثر من رائع ^_^

أنه أأيد كلام اختي شانيل وانه عن نفسي الصراحه كان خاطري ارضع بنتي حولين كاملين بس للاسف مافي صدري حليب الا قليل ولونه مايل على الرصاصي يعني احس انه مب حليب كامل فأنه الحين ارضع بنتي من صدري واعطيها رضعه او رضعتين في اليوم صناعي وان شاء الله بعد 6شهور باعطيها صناعي لان بيكون خلاص بدأت تاكل