****ظاهرة غربية بين نسوان الايام****

لا حول ولا قوة الا بالله
هاي ظاهرة غريبة لكن مب منتشرة لها الدرجة
ومو ف كل البلدان الله المستعان
أنا أعرف وحدة متزوجة وتمارس الرذيلة - والعياذ بالله - مع واحد ثاني ، والمصيبة فاضحنها ويخبر ربعه
المشكلة هالحريم - مغفلات - الريال يفضفضن حقه من صوب ويفضحهن من صوبالسبب الرئيسي لذلك هو /ضعف الإيمان بالله تعالى

!!!
فيه شي كذا!!!
حريم متزوجات و عندهم اصدقاء رجال و يطلعون معاهم !!!


تدرين انا من تقريبا ثلاث سنين شفت برنامج كان يتكلم عن هالشي و المصيبه جابوا واحد و زوجته يقولون ان هالشي عادي

قام الزوج يقول ايه عادي...ما اقدر احرمها من اصدقاءها، يعني ممكن يجي فلان صديقها و يطلب مني انه يكلمها في موضوع خاص ز بكل طيب خاطر اقوم من الديوانية عشان ياخذون راحتهم في الكلام!!!!
يعني بعض المجتمعات المختلطة ممكن زمالة....علاقة اقرب للاخوة..
بس نطلع سوا نتغدى لوحدنا و يجيني لوحدنا في المجلس!!والله صعبه

انا بصراحه ما مريت في نفس هالحالات ..

الحمد لله ..

لا شفت ولا سمعت ..

في هالسوالف ولكن بالخش واعرف وحده ابتدت في هالمشوار لكن انتبهت ان اللي تسويه غلط والله هداها
سالفتها الله يستر عليها:
زوجها مشغول عنها وايد يشتغل بنظام النوبات وهي مطيحه في النت وعرفت واحدمن البالتوك .
هي تقول ان كانت تحس بالوحده لان هي ما تروح حق اهلها وزوجها ما يخليها تطلع مع ربعها وهو ما يطلع معاها الا في الشارع داخل السياره ولين بيدلعها وداها البحر 10 دقايق فوجدت الاذن اللي تسمعها وبحسن نية اشتكت له عن وحدتها ومشاكلها في الشغل ومع زوجها واللي بين اهلها وهو ينصحها وياخذ بخاطرها بحكم انه متزوج وعنده عيال مر شهرين على الموضوعوتعلقت في اكثر وطلب منها ان يشوفها لان بيعطيها هديه حق ولدها وهي ترددت لكن كانت واثقه فيه لان خلال شهرين كان انسان محترم
الصدمه:
راحت عشان تلاقيه تخيلو ان لما شافهركب معاها بالسياره وقالها ليش خايفه وعطاها الهديه وهي من هول الصدمه حست بانها اغبى انسانه في الكون قالها اذا انت خايف تعالي سيارتي في رايبون قالت لابمشي وتم يكلمها وهي منزله راسها وساكته ونزل وهي مشت وتمت تفكر ليش سويت جذي مافي رجل يصادق امرأه اللا وفي شي في باله شقصده اذا كنتي خايفه تعالي سيارتي فيها رايبون؟؟؟
وفجأة جاتها رساله فتحتها كان كاتب فيها ( ما توقعتج قمر جذي)

اتصلت فيني وكانت تصيح وشسوي ما توقعته ذئب واحس روحي غلطانه في حق زوجي قلت لها استغفري ربج وهدي اعصابج وبعدين بتصل فيج
اتصلتفيها يوم ثاني وقالت لي انها قالت حق زوجها الموضوع كامل وزوجها ما نطق بكلمه وطلع من الشقه الصبح واتصل فيها الساعه 1 الظهر وقال لها بمرعليج منروح نتغدا تقول انه وعدها يتغير معاها واهي وعدته تكون وفيه وغيرت رقمها الحين وما تستخد النت عشان لا يتكرر هالموضوع

المفروض الوحده تحافظ على نفسها حتى لوكان زوجها ناسيها تستعين بصديقتها بأمها او اي احد تثق فيه لان مو كل وحده بتصير مثل صديقتي بتستيقظ من الحلم ومن الخطأ اللي هي فيه قبل فوات الاوان قبل الزنا اوالاغتصاب وبعدين الفضايح وخراب البيوت وضياع الاول
الله يهديهم الى طريق الصواب
واسفةعلى الاطاله

استغفر الله العظيم ، صح اختي هالضاهره منتشره وااايد في هالزمن الغريب العجيب ،، من قلة ايمانهم وعدم خوفهم من ربهم وعقابه ،، الله يهديهم يا رب

الله لا يبلانا

انا ماشفت زي كذا وياااارب ماشوف زي كذا

على قول اخواننا المصريين الي اختشو ماتو

يالطيف يااارب ارحمنا فوق الارض وتحت الارض ويوم العرض

لا حول ولا قوة إلا بالله العلي العظييييم
أول مره أسمع بهذا ويااااااااااااااااااارب ماأسمع ولا أشوف اللهم آمييييييييييييييين
الله يحفظنا أجمعين ويستر علينا اللهم آميييييييييييييين

والله ما اصدق ان فيه نساء متزوجات تسوي هيك سبحان الله قولوه ( علي الدنيا السلام) ان ما راح اللوم الريال اللي يخون زوجته دنيا العجائب

نسال الله السلامه

الا فيه كثير موجودات على هالحال الله يهديهم

ايه والله صدقتي والمصيبة ان بعضهم جدات اللهم ياكافي

هالاشكال عايشه لدنياها وناسيه او متناسية ان وراها قبر ووراها نار

استغفر الله
والله يهدي الجميع..

الصراحه انا استغرب من اللي قالوا مايتوقعون ان في نسوان يسوون جذي!!!!

خواتي ترى الخيانه موجوده عند الاثنين بس احنا حاطين في بالنا ان الرجل هو اللي يخون
في حريم وايد تخون ازواجها وانا اعرف وحده تزوجت 4 مرات وفي كل مره تتزوج وبعد فتره تمل ويكون لها علاقة بكذا واحد وتترك زوجها وتتزوج واحد منهم وهكذا

واعرف وحده ثانيه متزوجه، بس ببعد لها علاقات بغيره عشان شنو؟؟؟ زوجها "مو من ستايلها!!!"، اجل ليه تزوجتيه؟؟ لا وهي مختارته وهي اللي راكضه وراه

وترى مو بس المتزوجات، حتى اللي مش متزوجات صارت الوحده تكلم لها واحد على اساس ان هي اللي تحبه وتلاقينها تقفل من عنده وتتصل بالثاني وهاذي صارت اكثر من مره قدامي
والقهر اذا كان هالواحد مصدقها ويحبها صج
وهالشي منتشر بصورة كبيييييره بين البنات أكثر من المتزوجات
وغالبا ماتكون البنت اللي من هالنوع هي اللي تكون عندها علاقات حتى بعد الزواج لانها خلاص تعودت على هالشي وماتقدر تتركه، او تكتفي بشخص واحد
يعني قبل كان عندها كذا واحد، اذا انشغل واحد كلمت الثاني وتلاقي اهتمام من كذا شخص
بس بعدين مابيكون عندها الا زوجها وان انشغل مافي غيره وتقعد فاضيه وماتحس بذاك الاهتمام والاعجاب اللي كانت تلاقيه من قبل

بس انا ماقدر اقول شي سوى ان لا حول ولا قوة الا بالله
والله يهدي نساء المسلمين
وبدون اي تعليق آخر

السراحه اعتبرها طامعه كبرى الله يبعدنا عنها

يارب تسترنا دنيا واخره

الله يهدي الجمييييييع

لا حول ولاقوة الا بالله

هذا بسبب نقص الايمان وقلة الوزاع الديني

عفانا الله واياكم من هذا البلاء وستر علينا وعلى بناتنا وبنات المسلمين..


استغفر الله واتوب اليه
يامثبت القلوب ثبت قلبي وقلب زوجي على دينك
لا اله الا انت سبحانك اني كنت من الظالمين
رب اشرح لي صدري ويسر لي امري

الله يهدي الجميع يارب

نسال الله العفو والعافيه اللهم انا نسالك الهدى والتقى والعفاف والغنى...الله يصلح حالهم ويتوب عليهم...ولا يبلانا...