اختي تفاحاية..مش عارفة تعرفوها و لا لأ ولدت اول امبارح وجابت مروان
احكيلكو الاول الحكاية وبعدين اوريكو الصور
الاول جالها مغص فظيييييييييييييييييع ف معدتها
مش اسفل بطنها :no: ....لأ معدتها فوق
وبعدين اسهال شديييييييييد
فضلت طول الليل تعيط وقطعت قلبنا :cry:
وبعدين اتصلنا بالمستشفى بتاعتها رد علينا الدكتور النوبتجي وقالنا تاخد بسكوبان مسكن
والاحسن انه يكون حقنة
طبعا الساعة كانت 3 بالليل وهى قالت لأ بلاش حقنة
بابا نزل جاب الدوا..واخدته بس مش اتحسنت كتير :pain:
المهم احنا كنا مش فاهمين ديه ولادة ولا ايه
بس.. اول ما طلع النهار اتصلنا بالدكتورة بتاعتها..فقالتلها خدى انتينال مسكن 3 مرات
وحقنة بريمبران عشان الاسهال والقيء..فهمنا كدة ان ده ميكروب ف معدتها مش ولادة
وبعدين..روشة سألتها يعني ديه مش ولادة..فقالتلها بطنك ناشفة؟؟..قالت ايوة
وعندك وجع بضهرك؟؟ قالت ايوة
فراحت الدكتورة قالتلها لأ تعالي احسن عشان اطمن عليكي وع النونو
المهم رحنا وجابولها جهاز جديد كدة بيعد حركات النونو و يعد كمان عدد الانقباضات والفرق ما بينهم
حطت لها اقطاب كدة على بطنها واديتها جهاز ف ايديها وقالتلها كل ما النونو يتحرك اضغطي عليه
بعد 20 تقيقة قالتلها خلاص وشافت السم البياني اللى طلع م الجهاز وقالتلها الحمد لله تمام
جت الدكتورة بتاعتها وكشفت عليها..وقالتها ان راس النونو لسة فوق..والحمد لله ديه موش ولادة
بس قالتلها كمية المية قلت..فروحي اعملي اشعة الترا ساوند عشان نطمن على كمية المية
رحنا المركز وسألت عن دكتورة..فقالولها لأ فيه دكتور دلوقتي الدكتورة بتيجي الصبح
وقفت تشاور عقلها..عشان هي منقبة ومش عاوزة دكتور اللى يكشف
وقالت لأ خلينا بكرة مع دكتورة احسن
المهم بابا اتنرفز عليها وقالها ده مرض يا بنتى ما فيهاش حاجة :UP202:
فقالت الطيب احسن وكشفت ...المفاجأة ان الدكتور قالها المية قليلة اوى وانا انصح ان حضرتك تولدي دلوقتي بعملية قيصرية:eek2::eek2:
طبعا اتخضينا..رجعنا المستشفي وسألنا الدكتورة قالتلها انا ممكن انتظر لحد بكرة عشان بس انتى اعصابك بايظة..بس انا افضل النهاردة عشان كدة كل ما بنتأخر المية بتقل اكتر
ف روشة قالتلها بس انا ماحسيتش بمية نزلت خالص..الدكتورة قالت ل ممكن يكون فيه خرم صغنن المية بتنزل منه وانتى مش حاسة بيها
المهم..يادوب روحنا جيبنا الشنطة واخدت دوش ورجعنا جري
دخلت الساعة عشرة وربع بالليل و خرجت ما شاء الله عليها بعد نص ساعة تقريبا
وشرف الاستاذ مروان حبيب قلبي:888345:
حاوريكو الصور بس بشرط
قولوا ماشاء الله لا قوة الا بالله الاول
ايوة شاطرين
بسم الله ما شاء الله
ياللا باركولى بقى
وعقبالكو كلكو يا قمرات
وعقبالي انا كمان :21_209:
