السلام عليكم ورحمه الله
بنات ما ادري وش اقول لكم
بس السالفة صج تقهر
الموضوع وما فيه ان بنت على طوول تشكي لي من اهلها (بيت عمها)
على طول عاملين لهم مشاكل ولا تاركينهم في حالهم
عيلة صاحبتى كلهم دارسين بمدارس خاصة وجامعات خاصة
وعيلة عمها دارسين حكومي
والسبب يرجع لامها ،، لانه جدا مثقفة ودارسة ومتعلمة خارج البلاد
وتربيتها مره هادئة وفيها رزانة فتشوفين ابنائها قمة بالاحترام والذوق بالتعامل والاسلوب والتواضع الكريم
و الله يعلم ان صرف الدراسة كله كان على حساب امها المسكينة
لانه الابو مب مفتكر يدرسون في وين وعنده اي مكان ممكن ينفع
ومسألة الخلاف متعلقة بموضوع الشراكة بين ابوهم واخوه (عمهم)
والحلال شلون متقسم !! محد يدري ؟ ضايعة الحسبة(n)
كل ولاد عمها عندهم سياير خاصة وبعد ارقام سبشل
وهما ولا واحد فيهم عنده سيارة إلا اخوانها الي يشتغلون ومطلعينها بأقساط
على الرغم من ان عمل الشراكة موفر سياير ممكن يستخدمونة .. بس محد يقربها إلا ولاد عمهم
ولو هما خذوها لمشوار ضروري او هي خذتها للجامعة يحرقون تلفوونها لين تردها:ss:
وغير هذا وهذا
لو يشوفون سيارة امها يم البيت .. ما يخلون ماي ولا دهن ولا شماميخ ما سووها فيها!! مع انها سيارة جديدة ومن الحفيز! .. يعنى مب حرام!
تقول : لدرجة ان امى تصيح :confused: قهر لانها تجيبها باقساط
غير الفعايل الشينة ياكافي الشر
وبصراحه مره كنت رايحة بسيارتى شان يشمخوون مقدمة السيارة :eek:
طيب وانا شكاري بعد!!!
العداوة ممتده حتى على الزوار!
هذي السالفة صج اقهرتني وضحكتنى
لانه خوالها وخيلانها يعانون من هالسالفة بعد في كل زيارة وسياراتهم كشخة وجديدة و يحترق دمهم عليها
هذا جانب من المعاناة بس اكلمكم عنه
وولد العم العود ماسك الحسابات بالشركة
وماشاء الله بيت وسيارتين محترمين وعياله بمدارس خاصة
وعايش الحياة من اروع ما يكون
واخوانه ما يعرفون إلا الماركات الاجنبية في جميع لوازمهم الصغيرة ولكبيرة
ومب متعطلين على شيئ يبوونه
تقول : الحمدلله احنا الله نعم علينا بأمنا تشوف امورنا ومصاريفنا وحتى ابوونا في امور مب مقصر فيها وعايشين حياة ولله الحمد.. بس معتمدين على نفسنا مش على حلال الشراكة الي ينصرف على بيت عمى مو لنا.. وازيدكم من الشعر بيت واحد من ولاد عمها بيموت يبي يتزوجها مع العلم اننا عرفنا عنه مؤخرا انه يكلم الف وحدة في اليوم! بس يقول بنت عمي غير! مدري شلون غير! يعنى بو طبيع يجوز عن طبعة!!!! هي طبيعي رافضة ، لانها مب شايفة منهم شيئ حلوو ينذكر! وتقول اخاف على قلب امي لا يجيها سكته اذا تسمع هههههه لانه اكيد بتتمنى لها احد غريب بس عنده ذمة افضل من قرايب ما عرفوا الله فيهم
يعنى بنات عطوووني رايكم وتجاربكم؟؟
شنو هالشركات الي بين الاهل؟؟ تظلم عيلة والعيلة الثانية !!
شراكة الاهل؟ شنو فايدتها!!
ا
10-07-2008 | 05:58 PM
&
10-07-2008 | 10:10 PM
الله يكون في العون .
B
11-07-2008 | 02:53 PM
لازم يكون فى اسقلال فى الحلال ..عشان ماتكون فى بينهم مشاكل وعوار راس ..
والله يعينكم ياختيه عالعيشه هاي ..والأنفصال احسن الحلول ..
بالتوفيق..
والله يعينكم ياختيه عالعيشه هاي ..والأنفصال احسن الحلول ..
بالتوفيق..
z
11-07-2008 | 06:49 PM
هلا الشيخة ,,
من زمان ماشفناش نورتي المنتدى والله ..
وينش كل هالغيبة ,, وشخبار الحمل اكيد هو الي ماخذنش عنا ..
املهم بالنسبة لموضوعش والله حبيبتي انا اشوف انه اذا هذي بدايتها وهم ولاد العم والعم مستولين على كل الحلال ومستحلينه لهم شلون بعدين لو توفى ابوهم بعد عمر طويل شنو بسوون ؟
اكيد بياخذون كل شي لهم ومابيرضون يعطونهم فلس احمر .. وهذا الشي حرام
انا اقول لازم هالشراكة تنفك وكل واحد يعني الابو ويا اخوه ياخذون نصيبهم وبجدي بيبعدون عن المشاكل و بيضمنون حقهم انه ما راح ينأكل ..
واذا ما انفكت الشراكة لازم الابو يقعد مع اخوه ويحطون النقاط على الحروف ويشوف الي له والي عليه ولازم يحط اولاد اخوه عند حدهم يوقفهم عشان ما يتمادون اكثر من جدي ...
وحتى لو كانو هم طيبين يعني اهل البنت امها ابوها واهي واخوانها وساكتين عنهم باجر اذا اكلو حقهم بعد بسكتون ؟ اذا ظلموهم بعد بسكتون ؟ الواحد اذا صار طيب اكثر من اللزوم ينقص عليه بصراحة ..
بس هم لازم تكون لهم كلمتهم وعن التصرفات الي يسوونها من تشميخ سيياير وغيرها خله يحطون لهالشي حد ويوقفونهم عند حدهم خله الابو يروح يكلمهم واذا مانفع خله يهددونهم انه بيشتكون عليهم بمركز الشرطة ..
بس انه يسكتون عنهم راح يتمادون اكثر واكثر ...
والله يعينهم عليهم وهذول بعد من لحمهم ودمهم اجل لو غريب شنو سووا فيه ..
من زمان ماشفناش نورتي المنتدى والله ..
وينش كل هالغيبة ,, وشخبار الحمل اكيد هو الي ماخذنش عنا ..
املهم بالنسبة لموضوعش والله حبيبتي انا اشوف انه اذا هذي بدايتها وهم ولاد العم والعم مستولين على كل الحلال ومستحلينه لهم شلون بعدين لو توفى ابوهم بعد عمر طويل شنو بسوون ؟
اكيد بياخذون كل شي لهم ومابيرضون يعطونهم فلس احمر .. وهذا الشي حرام
انا اقول لازم هالشراكة تنفك وكل واحد يعني الابو ويا اخوه ياخذون نصيبهم وبجدي بيبعدون عن المشاكل و بيضمنون حقهم انه ما راح ينأكل ..
واذا ما انفكت الشراكة لازم الابو يقعد مع اخوه ويحطون النقاط على الحروف ويشوف الي له والي عليه ولازم يحط اولاد اخوه عند حدهم يوقفهم عشان ما يتمادون اكثر من جدي ...
وحتى لو كانو هم طيبين يعني اهل البنت امها ابوها واهي واخوانها وساكتين عنهم باجر اذا اكلو حقهم بعد بسكتون ؟ اذا ظلموهم بعد بسكتون ؟ الواحد اذا صار طيب اكثر من اللزوم ينقص عليه بصراحة ..
بس هم لازم تكون لهم كلمتهم وعن التصرفات الي يسوونها من تشميخ سيياير وغيرها خله يحطون لهالشي حد ويوقفونهم عند حدهم خله الابو يروح يكلمهم واذا مانفع خله يهددونهم انه بيشتكون عليهم بمركز الشرطة ..
بس انه يسكتون عنهم راح يتمادون اكثر واكثر ...
والله يعينهم عليهم وهذول بعد من لحمهم ودمهم اجل لو غريب شنو سووا فيه ..
ب
12-07-2008 | 02:56 AM
يلعن ابو الفلوس الي بتسوي جذي..!
الله كريم
وبياخذون حقهم منهم ..
والله ما يظلم عباده..
الله كريم
وبياخذون حقهم منهم ..
والله ما يظلم عباده..
U
12-07-2008 | 03:38 AM
ضج الفلوس تخيس النفوس
حبيبتي اول شي يسوونه ان يفصلون الحلال، ان مات واحد منهم شلون بيقسمون الحلال! يعتقدونها سهلة؟؟؟ الا بتزيد المشاكلبين العيلتين، مو مهمة الفلوس حزتها لكن النفوس بتتغير
ثاني شي صديقتي لا توافق على هالزواج، ما تضمن انه ييوز عن طبعه، يمكن يتم يكلم بنات، فتاخذ غريب وعاقل احسن لها...
اما عن اللي يسوونه بالسيايير بلغي الشرطة!! اذا شفتي سيارتج مشلخة على طول دقي عالشرطة وقولي لهم طلعت وشفتها جذي، لا تقولين بمن شاكة، خلهم يتسنعون ويعرفون ان في قانون في البلاد، مو حاليالله كلام ينقال وما يتطبق، لازم حد يوقفهم عند حدهم علشان يعرفون حدودهم مرة ثانية...
والمهم انها واخوانها عايشين بكرامة ومال حلال، لا يحرقها قلبها على اللي تشوفه عند عيال عمها، وتعرف ان الله ما يظلم احد وكلن له رزقه عند رب العالمين، واهم شي الرزق الحلال...
والله يعينها ويفرج كربتها
حبيبتي اول شي يسوونه ان يفصلون الحلال، ان مات واحد منهم شلون بيقسمون الحلال! يعتقدونها سهلة؟؟؟ الا بتزيد المشاكلبين العيلتين، مو مهمة الفلوس حزتها لكن النفوس بتتغير
ثاني شي صديقتي لا توافق على هالزواج، ما تضمن انه ييوز عن طبعه، يمكن يتم يكلم بنات، فتاخذ غريب وعاقل احسن لها...
اما عن اللي يسوونه بالسيايير بلغي الشرطة!! اذا شفتي سيارتج مشلخة على طول دقي عالشرطة وقولي لهم طلعت وشفتها جذي، لا تقولين بمن شاكة، خلهم يتسنعون ويعرفون ان في قانون في البلاد، مو حاليالله كلام ينقال وما يتطبق، لازم حد يوقفهم عند حدهم علشان يعرفون حدودهم مرة ثانية...
والمهم انها واخوانها عايشين بكرامة ومال حلال، لا يحرقها قلبها على اللي تشوفه عند عيال عمها، وتعرف ان الله ما يظلم احد وكلن له رزقه عند رب العالمين، واهم شي الرزق الحلال...
والله يعينها ويفرج كربتها