تعبت هالزوج معاي

السلام عليكم ورحمة الله وبركاتة

ياخواتي ساعدوني بيتي بينهدم والسبه اسلوبي الخايس

زوجي يحبني وميت علي لكن مشكلتي ماعرف اعبر واتصرف صح

ماعرف اتكلم صح ابي اكحلها اعميها واخجل من تصرفاتي معاه

مابيه يقولي كلام رومانسي جدام اهله او يمسك ايدي او يغازلني جدام احد

احس بالاحراااااااااااااج وازعل منه وماكلمه

وهو يزعل من هالتصرفات

حتى اني مابيه يقرب مني يوم نكون في بيت اهله لاني مابيهم يسمعون اصواتنا

او يوم نكون في فندق او مكان خارج البيت


امس راد من السفر

المسكين شرالي هديه من باريس غاليزي قتله ليش اشتريت هديه ؟؟

وكأني مصدومه حسيت اني جرحته واااااااايد بدال ماشكره اعاتبه :(

رغم انه ماكان قصدي الي هو فهمه لكن انا اسلوبي ماعرف كيف

عقب هالسالفه كان مشتاق لي وقتله لا لا مو وقته الحين وصديته

والله ماقصدت هالشي كان قصدي ان الدوره يتني وماقدر اقربه

وهو تحراني مابيه وخذا بخاطره مني وايد بس مابين شي

ومشكلتي عقب كل هاا

ازعل واستوي حسااااسه يعني قالي كلمه ولامزحه اقلبها نكد واصيح

ويرد هو المسكين يهديني ويمزح معاي عسب مازعل رغم اني انا الغلطانه

وعقب اكبر الموضوع واقوله انت ماتحبني واذا انا اتعبك وايد طلقني وخذ غيري

حد عاقل يقول هالكلام !!

والله اني احبه وادري بحبه لي لكن تصرفاتي تكون غبيه ومب محسوبه

وعقب اندم عليها واقول انا ليش سويت جيه وتصرفت جيه

هو يعرفني ماقصد هالشي لكن امس قالي كلمه خلاني ابكييييي ومارقدت الليل

قالي خلاص مليت انا لين متى هالحاله

حسيت اني صدج بخسره

عقب طبعا جلبتها صياح وتم يعتذرلي وانه ماكان قصده هالشي

وانه يحبني مثل ماانا ومايبي شي غير يكون معاي


بس حرااام انا حاسه فيه وانه صابر علي تصرفاتي الطايشه معاه

كيف اتغير يابنات

كيف اتخلص من مشكله الزعل والحساسيه والاحراج

كيف اقدر اعبر عن مشاعري له

والله ريال مافي منه مقدرني ويحبني وعمره ماجرحني بكلمه ولازعلني

وانا اجازيه بهالتصرفات الطفوليه

ارجوكم ساعدوني ملييت من نفسي الخايسه مليت