قضية بنتي

اخواتي العزيزات عندي مشكلة ما عرفت كيف احلها

المشكلة هي زوجي للأسف اني تزوجت واحد متزوج بس قلت ممكن حياتي تكون زينة مثل اي وحدة تتزوج واحد متزوج وايدات متزوجين من اشخاص متزوجين وعايشين بهنا وسعادة الا انا

مشكلتي هي زوجي وبصراحة هو السبب بكل تعاستي بعد ما تزوجنا انجبت طفلة وللأسف انه للحين البنت ماعي مسجلة بس لها شهادة ميلاد فقط اما الجواز ما طلع لها ولا اضافها بخلاصة القيد والسبب انه على حسب كلامه ما يقدر يسجلها بسبب شغله هو اماراتي وانا من دولة خليجية قلت له مو معقولة بالشغل بيحاكموك لان انت مو متزوج من دولة بعيدة لا اجنبية ولا عربية انت متزوج خليجية صار لنا متزوجين 5 سنوات والبنت بتكمل 4 سنوات وكل مرة يقول بقدم تقاعد وبسجلها وللحين ما صار شي في كل مرة يقولي ما قبلوا التقاعد عيزت وتعبت وبصراحة بنتي الاهم هي بس عندها شهادة الميلاد لاني ولدتها في بلدنا وطلعت لها شهادة الميلاد اما الجواز فصعب لازم اول يضيفها الى خلاصة القيد وكل شي بيديه شو الحل بنات هل ابهدله واضيعه في شغله عشان بنتي ولا اصبر مرات افكر في الشكوى والبهدلة ومرات لما افكر فيه وفي معاملته الطيبة لي اتراجع واقول بصبر لكن لمتى شوروا علي انصحوني شو اسوي

هل اطلب منه الطلاق يمكن هذا حل يساعد انه يسجل البنت بحكم اني بكون خلاص طليقته يمكن ما بيكون عليه مشكلة او قضية

انا اصلا ما عارفة متى نزل قرار اخذ الموافقة قبل الزواج على غير الاماراتيات احنا متزوجين بسنة 2003

لو وحدة تقدر تساعدني بمعلومات عن هالموضوع متى نزل القرار في هالسنة ولا بعد سنة زواجنا ولو بعد سنة زواجنا هل بيكون فيه ضرر عليه لو سجلها الحين على التاخير يعني ولو الحل الوحيد هو طلاقي فأنا ما عندي مانع بهالشي بس وحدة تدلني على معلومات وبدعي لها بالغيب الله ييسر امورها او لو تعرفوا حد واصل يقدر يعطيني معلومات واضحة بهالشي ارجوكم البنت تكبر ومو معقولة تبقى بدون هوية لمتى الله ييسر لكم اموركم ويسهل عليكم سهلوا على هالطفلة الي مالها ذنب غير انه ابوها :confused: