كيف اهتم بعمري يوم ريلي يكون بالدوام!!!

مرحبا خواتي
حبيت اخبركم كيف اهتم بعمري يوم ريلي يروح الدوام
أولا انا ريلي دوامه مب كل يوم الصبح دوامه شفتات ((24 ساعه دوام و48 ساعه اجازه ))
يعني عندي يوم كامل عسب اهتم بجسمي
1- اخلص شغل البيت كله عسب اتفرق لنفسي واكثر خلطاتي اسويها بالليل
2-ادهن شعري بمجموعه زيوت انا خلطها (( زيت خروع +زيت لوز+زيت سمسم+زيت زيتون+زيت دابر)) وبصراحه واايد واايد حلو للشعر وبتلاحظين الفرق من اول استعمال
3-افرك ايدي بزيت زيتون وسكر ((بصراحه مقشر وايد حلو لليدين))
4-ادهن كل جسمي ((بفازلين +جليسوليد))حتى المناطق الحساسه ترى يعطي نعومه ولا اروع عقب ألبس بجامه وارقد
5-اول ما اقوم الصبح اتسبح وطريقتي شوي متعبه بس نتائجها خياليه وهي:
@ اولا افرك جسمي بغسول ما قبل النوم من جونسون ((بصراحه يعطي ريحه ونعومه))
@ثانيا اخلط ((حنا +ماء +عصير ليمونه)) وافرك جسمي بالخلطه لمده 5 دقايق وعقب اغسل الخلطه
@ثالثا بتلاحظين ان جسمج تغير لونه شوي بسبب الحنا عشان جيه تسوين حمام مغربي وتفركين نفسج عدل عسب اللون اللي كسبتيه من الحنا يروح
@رابعا بعد ما اخلص صباحه عندي طريقتين لترطيب بشرتي
الاولى احط زيت جونسون
الثانيه ادهن جسمي بفازلين(( مب فازلين الازرق فازلين اللوشن الجديد)) او اي لوشن تحبينه ((لوشن نيفيا وااايد حلو))
يعني مره اختار الزيت ومره الاوشن
وبعدين شوفي جسمج كيف بتصير ريحته ونعومته بصراحه شيئ
وعقب اتبخر واتعطر ولان جسمي يكون رطب فالريحه بتمسك فيه
اتمنى اني افتكم بشيى والسموحه ع التطويل
والله الله بالردود الحلوه والدعاوي الاحلى