هذا اول موضوع لي بقسم الطبخ
وان شاء الله تعجبكم الطبخة
وللأمانة اخذت مقتطفات من الصلصة من الاخت نور ينور قمر
معكرونة خضار بالصلصة البيضا
المقادير
كيس معكرونة
علبة فطر
فصين ماجي
فلفل بارد
قطع من اعواد الكرفس
بهارات اي نوع تحبيه
وطبعا ملح
مقادير الصلصة
كوبين ماء
4ملاعق حليب بودرة
2 ملعقة طحين
علبة كريمة مخفوقة
طبعا في البداية
فحت المعكرونة في الماي المغلي لين ما استوت وبعدين شخلتها وخليته على جنب
وبعدين سويت الحمصة والخضار
حمصت البصل مع الفطر والفلفل البارد والكرفس وفص ماجي وشويونة ماي وحطيت عليها البهارات اللي احبها
وبعدين سويت الصلصة البيضا
حطيت كوبين ماي و4 ملاعق حليب بودرة وملععقتين طحين وخليتهم يغلون واخر شي حطيت كريمة مخفوقة وذوبتها عددل
لين ما صارت هالشكل
وبعدين خلطت المعكرونة بالحمصة
وعقب حطيت الصلصة البيضا على خليط المعكرونة
وهذا شكلها النهائي لما استوت
وعوافي على قلوبكم:D:D
