مشكلة معاملة عمتي مع زوجي تأرقني ..

السلام عليكم و رحمة الله و بركاته ... عزيزتي عشان ما تتعبين و تعورين راسج معاها لأن اظن هل مشكله مالها حل اخذي و خلي ... و اذا صار شي عود ما تقدرين تستحملينه لا تشتكين لزوجج بل روحي لها و كلميها بأدب و احترام شديدين ان كانت من النوع اللي يصير يكلمونهم (لأأن في ناس ماعندهم ذرة احترام ان كلمتيهم يهدون السانهم عليج ) والله يفرج همج

ربي يعينك

أنا أقوول أبعدو عنها شوي علشان تشوف من ذا يعطيها وجه

وأن شاء الله تعتدل معكم

وأنتي ياقلبو خذي بخاطر زوجك دايم وأوعك تتكلمين عليها أو تشتكين منها عندو

يعني لاتجيبي سيرتها لافي خير ولافي شرر

وإذا هو تضايق منها وتكلم عليها عندك

قولي له معليش حبيبي هذي أمك وأجبري بخاطرة وأوقفي معة ترى ابن الأصل ماينسى لزوجتة الوقفات

بالتوفيق يالغلاا وياربي يسهل أمورك

شوفى

متقصروش معاها وماتأوفروش معاها

يعنى راعوا ربنا فيها عشان ميغضبش عليكم لكن زى ماقالتلك الاخت نورا

قصروا معاها لحد ما تحس بالفرق بين معاملتكم ومعاملة الباقى وانكم اد ايه كنتوا كويسين معاها

والحمد لله انها مش بتفترى عليكى وتبين لزوحك عكس ده لا دد زوجك عارف بمعاملتها القاسية وهيقدر تحملك عليها

ربنا يهديها

ابعد عن الشر وغنيلوا ..

حاولي تبتعدين اي شئ يكدرج ويضايقج حبوبه ..

بقدر ماتقدرين حتى حاولي انج ماتيبين طاري امه على لسانج جدام زوجج ..

لان مهما يصير تبقى هاي امه ،، ترى يمكن يسمعج اليوم وباجر بيقول انتي شو يخصج ..

المهم مثل ماقلت لج ،، حاولي تبعدين عن اي شئ ..

وعظم الله اجركم ،، بوفاه ولد خالج ..

ريلج اجره على الله..
يسوي واجباته جدام امه .. وان شاء الله بكون في ميزان حسناته..

وهالنوع من العمات يا حبيبتي
ما يفيد فيهم اي شي .. يعني مهما سويتي ما راح يبين في عيونها دام انتي مو داشة بالها..

يعني خلاص
مستحيل ان تطلع روحها غلطانة ..!

عارفة هالنوع من العمات..

والله يعينج حبيبتي..
:)

الله يصبرج الغلا

والله هذي نفس مشكلة وحده اعرفها

هالنوع ما يجوون بالطيب

يبيلهم عين حمرا

خخخخ بس انا ما اوزج ع الشر

سووا اللي عليكم واجركم ع رب العالمين والله

الله اعينج يا اختى

كانك تتكلمين عن عمت اختى نفس اطباعها ياربى برغم انه اختى زوجه ولدها العود وقايمه بكل

شي فى بيتهم ومو امقصره معاها فى شي لكن ما اتحب اختى ولا اتواطنها ولو شنو اتسوى ليها

ولدها بعد ما ابين فى اعيونها برغم انه اقولون الام اتحب وتموت فى الولد الكبير بس هذى عكس

الناس يعطيها وقايم بواجباته لدرجه اقصر على زوجته وعياله علشانها وبعد مو امبين ولو واحد من

اعيالها الباقين سوا لها شي خلاص ادنيا اتقوم وتقعد ولا اتم احد ما يدرى ويش سوا لها او عطوها

بالمختصر مدام من البدايه مو متقبلتنش عمتج لو شنو اتسوين ما ببين فى اعيونها

عمت اختى الله راوها بمرت ولدها الثانى عطاهم مره شريه عدل امراوتنها انجوم الليل فى الظهر بدل لعبتها فى اختى

واصبرى الله براويش فيها بعد هذى عمتش ونصيحه تركيها اتولى وروحى وطلعى وسافرى وستانسي ولا اضيقين خلقش معاها

وربي قلبي احترق عليك يالغاليه
صدقيني انا دمي يفور واتضايق واتمنى اجمع الناس الي من هالنوع واحرقهم واخلص الناس من شرهم
سواء كانوا رجال او نساء.
الله يعنيك على ما بلاك والمصيبه ان الوضع حساس هي ام زوجك يعني مالك خلاص من هالوضع الا بتغيير نفسك
حبيبتي زوجك اتركيه على جنب منه لامه يعني لو باس رجليها ما يطلع من جزاها هي امه وجنته وناره...واذا زعل خففي عنه وقلي له اتحمل حبيبي ترى هذا امك وهي طبيعتها كذا واجرك على الله.
بس بالنسبه لك انتي خلاص غيري نفسك شوي ما بقولك صيري زي حمواتك بس ارفعي نفسك عنها
قللي احتكاك فيها ولا تنتظري منها حمد او شكور علشان لا تنقهرين
يعني بالعربي غسلي يدك منها واعتبريها مش موجوده بس بأدب وبذكاء...
من جرحك العميق حسيت انك تحبيها وعلشان كذا انتي متضايقه كثير وما غلطتي عليها بحرف برسالتك لنا
وهذا يدل على اخلاقك العاليه.
بس حبيبتي ترى حتى الله ما يرضى بالظلم فلا تكلفي نفسك اكثر من طاقتها وتدمرين حياتك
بانتظار ان هالانسانه تتحسن معاملتها معك.
زارتك ووجبتك بمناسباتك او لا مش مهم خلي هالشي باعتبارك ولا تحاولي تتعبي نفسك مع انسانه
ما يطمر في عينها المعروف.
اشغلي نفسك برضا ربك ثم زوجك واهتمي في بيتك وبس.
واذا غلطت بحقك تجاهلي ولا تتضايقي واحتسبي اجرك عن رب العالمين.
وادعي دوم يا مقلب القلوب حنن قلب ام زوجي علي وعلى زوجي وسخرها لي.
تحياتي