معاناه والله

الله يكون في عونج ما أدري بشو أنصحج بس المفروض زوجج يكلمها ما يسكت بكره تصير عاده قصدي طبع

ومثل ما يقول المثل إقطع الصبع ولا تغير طبع بمعنى حتى لو قصيتي صبع الشخص ما ممكن تغيري من طبعه

أفضل إنج تحاولين مع زوجج أكثر وإذا ما صار حاولي تآخذيها على قد عقلها يعني سولفي معها وإحكيلها حكاية

ومنها هي تستنتج ان الفضول صفة مو زينة بس لا تقوليلها بطريقة مباشرة لانها راح تتأثر

وتعلم أهلها وهم ممكن يفسروها بطريقة ثانية

الله يكون في عونك

الله يكون في عونج ..

يا اختي انتي كلمي زوجج ،، اكثر عن مره بس اذا ما فاد ..

اخذيهاا مره عندج وفهمبهاا ان هالشئ عيب ومب زين وان اذا انتي سويتي جي اربيعاتج مابيحبونج ولا بيلعبون وياج ومن هالكلام ..

يا اختي هي صغيره ،، وماتقدر اتغير نفسهاا ،، لانهاا متعوده على هذا الاسلوب ،، وماينازعونهاا ..

عاد انا اكره شي عندي الياهل الفضولي واللي يحشر عمره في كل شي
وانا بقول لج لو كنت مكانج راح اكلمها وافهمها ان هذا الطبع كريه وان هي بنت لازم يكون تصرفها غير، مادري شعلاقته ذي بس انتي قصي عليها باي كلام
بس المشكله ان هي تنقل الكلام

وان ماتغيرت اقلب عليها خخخخخخخ لين تسألني اشيا مالها معنى وحشريه ما اعطيها ويه وما ارد عليها
بس هذا طبعا اذا كنتوا بروحكم
واذا ياتني لغرفتي ما افتح لها الباب، وان اشتكت علي والله انا ماسمعت الصوت ولا كنت في الحمام ولا أي عذر

المهم، انا راح احسسها انها غير مرغوب فيها وما ابيها تييني

بس هذا اكيد بعد ماتكلمينها وتفهمينها ان هالشي غلط، لان هي مب صغيره
والمشكله انها عند اهلها بعدها صغيره وآخر العنقود ومدلعينها اكيد
الياهل عمره 6 او 7 سنوات ومن يدش المدرسه خلاص يفهم وصدقيني اذا ماسويتي لها شي بتمصخها وبتاخذ عليج وايد اكثر من الحين

خخخخخ الحين بتقولون هاذي مجرمه، بس صج انا انقهر من هالتصرفات

شوفي يااختي انصحك تكلمي زوجك يكلمها ويكمل امه لانه انت لو كلمتيها او صرختي عليها راح تقول لامها وممكن تزيد عليكي كلام ماقلتيه وامها راح تزعل منك لانك بتبقي غريبة ومش بنتهم لكن زوجك لا راح يسمعو كلامه ويعملوله اعتبار انا هذا رايي وربنا يعينك

انتي طنشيها بالمررررررررررررررره وخلي زوجك يكلمها .......


لا تقوليلها على اي شيء تسألك عنه وكمان حاولي تكلميها شوي شوي وتقوليلها ان هالحركات عيييييب ومو حلوه حق البنات ........


والله يعينك ......

الله يكون في عونج حبوبه


هي اتعودت ع هالشي وصعب عليها انها تتغيير في يوم وليله


انصحيها بالهداوه

نقل الاطفال للأخبار

رائعتي ... أعانك الله ويسر أمورك .... موضوع عااااااادي بالنسبة للأطفال ....
وله حل جذري الا وهو زوع الوازع الديني في هذه الطفلة من جميع العائلة .... رائعتي ان نقل الاخبار نعم طبيعي بين البعض ولكنه مع التعود سيتحول الى مرض يصعب التخلص منه ويؤثر على حياتها ....
رائعتي يجب
1 من جميع العائلة التكاتف وعدم السماع منها ولا كلمة إثناء جولتها في نقل الأخبار .
2 يجب على العائلة وبالأخص أنت ( لأنك أنت من سيبدأ الخطوة الأولى في إصلاح هذه الطفلة ) أن تعززي الوازع الديني لدى الطفلة من خلال اختيار ما يناسب من القرآن والسنة النبوية وقصص الصحابة والتابعين .
ويجب على زوجك أن يبدأ بمفاتحة أهلة في إصلاح هذه الطفلة لأنه منكِ سوف يقبل الموضوع بحساسية كبير وستبدأ مشاكل أخرى

العتب

ذكرتني بأخت ريلي والله ...هاذيلا ناس معقدين نفسيا......تبين نصيحتي...حاول ما تبينين ولا شي جدامهم

حاولي قد ما تقدرين ....وكلميها بالطيب واذا ما نفع خبري ريلج اذا ما شاف حل انتي بتتصرفين واذا رضى

زخيها في يوم اذا يت وادخلت وعطيها كم كلمه تخليها يوم تشوفج تخاااااف لو من بعد كيلو

أنت تتكلمي عن طفلة .. تعرفي أيش يعني طفلة ؟!!

يعني أنك تقدري تكسبيها و تشكليها زي ما تحبي و بكل سهولة ..

حرام عليك تعمليها معاناة ..

انتي لازم تكسيبنها طلعيها معاج احيان وديها الالعاب اشتري لها العاب وايسكريم شوووفي معاها افلام كرتون سهريه معاها واسئليها شنو بخاطرها ودايم ابعي معاها هالخطوة انك مثلا بجبين لها شي بتودينها مكان بسووووووين لها مفاجاة بس لاتعلم احد سوووووي لها حفلة باي مناسبة وشوووووووفي شوي شوي راح اتعلم مبدا السرية وماتعلم احد بشى دام عمرها تسع الحقياكبسيها وخليها في صف قبل يمر بها العمر ويصير صعب ترويضها بالصفات الحلوة

خلي زوجج يقعد مع اختها ويكلمها بهدوء..!
كلموها بهدوء وبدون صراخ.. عشان تتفهم الوضع وتحس ان هالشي غلط..
:)

والله يوفقكم..

لاتعطينها وجه ودايما جعميها والفي قصة عن نفس حركاتها وان الله عاقبها شوفي شلون رح تتغير

هههههههههه
اعذريني على الضحك بس مشكلتك بسيطه جداا
انتي تقدرين تحليها بنفسك بدون تدخل لا زوجك ولا امه ولا اى شخص غيرك.
شوفي حبيبتي
ناديها وسلمي عليها كأنك ما شفتيها من سنين يعني بوسيها ومسحي على راسها
وجلسيها جنبك وقولي حبيبتي انتي كبرتي وصرتي عروس وبعد سنه بتكوني مكلفه تلبسين حجاب
والبنت المؤدبه لازم تكون لها شخصيه حلوه
تصير ثقيله ولا تتدخل في امور الغير
يعني يا حبيبتي لو يوم سمعتي صوت بابي او صوتي عالي ما يجوز وحرام تجين تسألين شنو فيه.
لان هاذي امور تخصني انا وزوجي وبس وبكره اذا تزوجتي حرام احد يسمع كلامكم او يسأل.
وقولي لها اذا تبين الكل يحبك لا تتدخلي باشياء ما تخصك وترى حرام الواحد يتجسس
على الناس ويسأل شو صار وماصار.
وانا مع زوجي عندنا كلام سر ما نبي احد يسمع او يسأل شنو هو.
وقولي لها انا دوم تحت اسمع اصوات وصوت بيبان ولا عمري نزلت وسألت شنو هذا وليش
لان عيب والكل بيكرهوني.
وبعدين بوسيها وقولي لها فهمتي شنو قلت واكيد هي بتناقشك وتستفسر بحكم عمرها
9 سنين وهو عمر الاستطلاع واللقافه.
كوني صديقه لها ووجهيها على حسب ما تحبين .
تحياتي

يسعدني مروركم جميعا بس عن جد انه معضم الكلام إلي قلتولي عنه آنه اسويه يعني شلون

مسويتها مثل اختي الصغيره واكثر وادلعها ولمه اروح اي مكان اشتري لها يعني دايما هي على بالي وبصراحه احاول اكسبها بشتى الطرق وبالفعل نجحت بس للأسف بيت عمي وايد دليعين منهم طبعا زوجي

يعني حتى لو قلت ليها ما بتسمع مني هى خواتها ما تسمع منهم بتجي تسمع مني

ويوم قلت معاناه بالفعل معانا

تدون ليش هئ هئ هئ

كانت عندنه مشكله اني وزوجي قبل الزواج وتأجل زواجنه اكثر من مره تدرون انه وصل الخبر لبره البحرين خخخخخخخخ لانه كان في صيف والأوادم البحرينين بره عرفوا عن طريق فلان قال لفلان وفلان قال لفلان لدرجه اني حسيت بإحراج ومتاكده السالفه هذي صارت من بيت عمي حتى زوجي يقول

بس الحين تعلمت وإذا صار عندنه شي ما اقول لبيت عمي بسرعه احسن لي والله بس عن سالفه فضول اخت زوجي مو قادره عليها

الله يصبرك اختي .. جدا ممل ومتعب هذا النوع من الاطفال
ولو كلمتي امها بتقولك بنتي مافيها شى .. و و و و ( والله يعينك)
ولو كلمتي زوجك غالبا بينسى ولو تذكر وكلم امه امه مابتعمل شى
ولو كلم الصغيره بتطنشه وبتظل على طبعها او بتقول لامها

كلها طرق مغلقه

عن نفسي هذا النوع من الاطفال ادلعه اخر دلع وافهمه اني ادلعك لحسن تصرفك
ولكن لحظه مايقلب الطفل ويعمل تصرف مايعجبني اقلب عليه انا بالمثل واتجاهله كليا
ولعلمك الطفل يذبحه التجاهل ( يعني اتصرف ولا كاني اشوفها ) وموقت ممكن تتكلمى بالالغاز مع زوجك
ولكن مو على طول ساعه بالكثير وتروحي لها تقولى لها انتي تعرفي اني احبك بس لانك عملتي كذه وكذه
انا تضايقت منك .. واذا حابه نظل اصحاب لازم تكوني بنت حلوه و و و
واذا كررت الامر كررى العقاب بالتجاهل لوقت اطول وصدقيني بينعدل حالها ان شاء الله

عزيزتي ماعليه هونيها وتهون بس هذه ياهل بعمر أخوي حمودي عسى الله يخليه لنا كلما أعصب عليه يبجي ولازم آنا اللي أسكته...

عزيزتي غلط تصرخين على ياهل أخذيها بالهداوة والسياسة وبهالعمر ترى صديقني تقدرين تأثرين عليها.. مثلا قولي لها إذا ماقلتي لأحد بعطيج جذيه.. كلما مرة أوعديها بشي ليما تتعود ولازم تعطيها عشان ماتقول أنج ماوفيتي بوعدج

بصراحه صحيح البعض يقول طفله
بس الواحد ما يقدر يتحمل
و مشكلتك انك ساكنه في نفس البيت !!!
انا بصراحه ما انصحك تكلميها و لا شي لأنه حتى لو حاولتي تنصحينها يمكن تقول لأهلها و يسوون لك قضيه و يقولون هذي بنتنا و..........

بس نصيحتي لك أولا: طلعيها من دماغك نهائيا و لا تفكري فيها ابد
ثانيا: انتي خلي معاملتك معاها عااااااادي و بما يرضي الله يعني حرام بعد تعامليها بقساوه!! بس اذا حسيتي انها تتصيد و تشوف و تحشر نفسها عامليها بشوية جفاف أنا قلت شويه يعني لو سألتك : اش صاير..قولي لها ما ادري ما صاير شي انتي وش فيش و بعدها انتقلي من مكانك أو كملي الشغل اللي في يدك ( يعني لا تعطيها اهتمام) عشان تقطعين باقي تساؤلاتها و تحرجيها مره و اثنين و ثلاثه اهي راح تتملل

و الله يعينك