▀▄▀ Summer Time " سلط & باستا & شوارما ▀▄▀‏

S

SOSO.Qtr

عروس مشاركة

09-07-2008 | 12:24 PM

السلام عليكم ورحمة الله وبركاته

أطباق غير اعتيادية نقلت الوصفة والصور من منتدى أخر وجربت الأطباق طلعت لذيذة من قلب وأمي وخواتي حبوها :15:

طبعاً أهم عبارة عن 3 أطباق سلط الدجاج وباستا وشورما .. تابعوا وفالكم طيب :wink:

***

الطبق الأول

Chicken Salad

صور الطبق بعد تجهيزه !

الحين نبدأ بـ المقادير :

صدور دجاج
خس شرايح - جزر مبشور - ذره -بصل اخضر شرايح - جبن بارمزان مبشور
ثوم شرايح - زيت زيتون - ملح - فلفل اسود - زعتر بري " Oregano "
زبادي وفي روايه روب

***

الطريقة (f) :

نغسل وننظف صدور الدجاج .. نييب صينية أو الصحن الموضح ونبطنها بالقصدير ..
نصف صدور الدجاج ونتبلها بالملح والفلفل والثوم ونرشها بزيت الزيتون من الجهتين وندخلهم الفرن
" يبيلهم نص ساعه تقريبا " حراره من تحت .

نجهز صوص السلطه وهو عباره عن :- زبادي & زيت زيتون & ملح وفلفل
نخلط ونذوق ألين ماتكون أوكي
نغطيه وندخله الثلاجة ..

لما يستوي الدجاج نطلعه ونقطعه chunks يعني قطع كبيره ..
ونتركه يدفى على جنب ..

في صحن التقديم نبدا نرتب الطبقات
خس - بصل اخضر - جزر - ذرة " ممكن تضيفون اللي تحبون ترانا سمحين " :tongue:

آخر شي نضيف الدجاج لما يكون دفى لاتحطونه وهو يطبخ تخرب السلطة ويسود الخس ..
و نصب عليها الصوص وشرايح البارمزان ورشة زعتر بري (y)

ممكن نضيف عليها خبز محمص عند التقديم ..

****

عوافي على قلوبكم :15:

S

SOSO.Qtr

عروس مشاركة

09-07-2008 | 12:25 PM

الطبق الثاني :

الـEggPlant Pasta

الطبق بعد تجهيزه ..

***

المقادير :

مكرونه اسباقيتي مسلوقة - باذنجان مكعبات مقلي - بطاطس مكعبات مقلي
طماطم - ثوم - بقدونس - كزبره - جبن بارمزان مبشور ناعم
زيت زيتون - ملح - فلفل - زعتر بري - ريحان مجفف أو طازج بس انا مالقيت
باذنجان شرايح طويلة مقليه للزينه

***

الطريقة :

نبدا نجهز الصلصة :-
بالخلاط نحط " الطماطم - الثوم - البقدونس والكزبره - الملح والفلفل والزعتر والريحان - وزيت الزيتون"
نخلطه الين مايصير لونه وردي ..

في القدر نكب الخلطه اللي عملناها ولما تبدا تلين نكب المكرونه المسلوقه فوقها ونقلبهم شوي
لما يرجع يغلي نضيف الجبنه المبشوره وراح يبدا يثقل ..

نحط فوقهم الباذنجان والبطاطس ونقلب
نشوف الطعم لو محتاجين نزود شي
نغطية ونتركه 5 دقايق ..

نكبها بالصينية ونحط فوقها شرايح الباذنجان ونرش بارمزان وعلى الوجه بقدونس مفروم ورشة زعتر بري
نغطيها بقصدير وندخلها الفرن على نار هاااااادية ابو 20 دقيقه الين ماتحسون انها ذايبه خلاص ..
نطلعها ونرش عالوجه زيت زيتون ونزود لو حابين جبنه
مكرونه

هني وعافيه (f)

S

SOSO.Qtr

عروس مشاركة

09-07-2008 | 12:25 PM

الطبق الثالث والأخير :

شـــــاورما بخبز التورتيلا

مقادير خبز التورتيلا

3 اكواب دقيق - 2/1 م ص خميره - م ك سكر - 2/1 م ص ملح - بيضة - كوب وربع موية

نخلط المقادير الجافة مع بعض ..
ولما تصير رخوة وتتلصق نتركها تتخمر نص ساعه ..

بهالوقت نسلق صدور الدجاج بـ ملح وأعواد دارسين

بعد ما يستوي الدجاج نفتته شرايح ونحطه بصينية
عالوجه نحط شرايح بصل ابيض - عالاطراف شرايح طماطم

نجهز الخلطه اللي راح نتبل الدجاج فيها

بالخلاط :- "كوب لبن - ملعقة بهارات مشكله - شوي ملح - بابريكا - فنجان خل - فنجان زيت عادي اوب زيتون- شرايح بصل ابيض "

نصبها فوق الدجاج وندخله الفرن على نار من تحت الين ما تنشف مويته
بعدها نقلب النار من فوق عشان يتحمر الوجه

هذا الدجاج بعد ماخلص وريحته تينن ..

نبدا نفرد عجينتنا
نكورها كور صغيره ونفردها فرد رقيق حيل ..

نحمي التيفال عالنار ونرشها بالفرشه بـ زيت شووووووي حيل حيل بس مسحه
الخبز على طول بثانية راح يستوي اقلبوه عالوجه الثاني
لا تتركونه يتحمص ويصير بني لانه بيصير يابس
اول ما يبدا يتماسك ويصفر خلاص شيلوه على طول عشان يصير لين .. :D

على طول نحط الخبزة بكيس نايلون عشان تبقى لينه
وجذي الين ما نخلص الخبز ..

خلصنا الخبز والدجاج صار جاهز
نبدا نحشي الشاورمات
طبعا الحشوة اختياريه مثل ماتحبون .. انا حطيت كل شي
بطاطس مقلي - فلفل بارد - طماطم - بصل ابيض - بقدونس مفروم - الطماطم المشوي مع الدجاج - سماق .. (y)

طريقة لفهم ..

نلفهم بورق الزبدة أو القصدير او النيلون اللي تحبين .. بس اذا بييونج ضيوف يفضل تحطينهم بورق الزبدة شكلها بيكون أحلى وايد :wink:
وإذا انتو بتاكلونها يمدحون الكيلنكس :tongue:

قدمتها مع خلطة طحينه :- طحينه + خل + ليمون + مويه + ملح وفلفل اسود
وحطينا مخللل مشكل (y)

بالعافية على قلوبكم يارب :15:

(f)

ع

عروس السعودية

عروس مشاركة

09-07-2008 | 02:55 PM

والله شغلك مرررررررررررتب ولذيذ ... عجبتني الطبخات.......

M

MIYA !!!

مشرفة سابقة

09-07-2008 | 03:47 PM

ماشاء الله الطبخات كلها شكلها لذيذ شكرا يسلمووووو

أ

أم نجود الأحساء

مشرفة سابقة

09-07-2008 | 05:33 PM

مشكورة حبيبتي

S

SOSO.Qtr

عروس مشاركة

10-07-2008 | 08:50 AM

العفو وشاكرة لكم مروركم .. بس على رة الصور منقولة هذا مو تطبيقي ..

أسعدني مروركم (f)

ز

زينة قطر

عروس فضية

10-07-2008 | 02:40 PM

تسلم يدج

يعطيج العافيه

د

دوحانية

مشرفة سابقة

10-07-2008 | 02:55 PM

عجبتني السندويتشات اكثر ..

مشكورة ع الأطباق ..

*

* قناد *

عروس مبدعة

11-07-2008 | 03:17 AM

[SIZE="5"]ماشاءالله مبدعه (y) مشكوره على الشورمة لأنها عجبتني ويعطيج العافية على الأطباق ....

ب

بنت الزيــن

عروس مشرقة

11-07-2008 | 04:19 PM

مشكووووره الغاليه ع الطرق .. إللي اكثر من راائعه .. وبارك الله فيييج ..

S

SHREEFA

أخصائية اجتماعية

11-07-2008 | 04:23 PM

تسلم الايادي شكلها كلها حلوه

دمتم سالمين
اختكم شريفة

ت

توتة الأمورة

عروس مبدعة

11-07-2008 | 05:54 PM

السلطة شكلها حلو ويجنن

وكل الاطباق شكلها مرتب

تسلم يدك

.

..★شـــااانيل★..

مشرفة سابقة

11-07-2008 | 11:42 PM

ماااااااااااااااااااااااااشاء الله
روووووووووووووووووووووووووووعه
اشتهيت فيهم

ع

عطر الإمارات

عروس مشاركة

12-07-2008 | 03:25 PM

يعطيج العافية وتسلمين

S

SOSO.Qtr

عروس مشاركة

13-07-2008 | 12:21 AM

تسلمون والله على الأروع ..

(f)

ح

حبيبه الكل

عروس رائعة

13-07-2008 | 12:50 AM

شكرا سوسو قطر
فديت اهل قطر والله

B

Blossoms

مشرفة سابقة

15-07-2008 | 11:54 AM

يسلمووا الايادي على الطبق الحلو

ر

رمرومة2008

عروس رائعة

15-07-2008 | 11:58 AM

ما شاء الله عليكي افكار جديدة وحلوة ورائعة مثل صاحبتها

الله يعطيكي الف عافية