لماذا مكياج الغرب اخف من مكيااااج العرب....

R&Sh 09-07-2008 13 رد 2,347 مشاهدة
R
السلام عليكم
حبيت اطرح الموضوع
للنقاش
لماذ مكياااج الغرب خفيف واحنا نحط كيلو مكياااااج
وبذات لما نروووح الاعراس والعرايس
يحيرني هذا السؤاال
ترا حتى فساتينا تلقي بعض الاحيان حديد طالع منى ومدري وشو سالفه
اما هما حتى العروس لبسها ناعم
ياليت تقولولي ليشششش
اممممممم



نبغى ردووووووووووود
:D
s
السلام عليكم

صادقه اختي

بس يمكن هذي طبيعه اهل الخليج .. يميلون للصخب في الجمال

و في نظرهم دايما

the more .. the better

حتى في الاكل اذا بتلاحظين .. فرق بين اكلنا و اكلهم

سواء في الكميه .. و الا في البهارات


اشكرج على الطرح
ا
وعليكم السلام
الغرب طبيعتهم مايحبون المكياج الثقيل
في مجتمعاتنا يحبون المكياج بس في بعض الناس يحبون المكياج يكون خفيف
مشكوره ع طرحك للموضوع
R
مشكووووووووورين ع الردوووود
امكن طبيعي احنا نحب كذا
بس قليل تلقي يحطون مكياااج خفيف
ز
عن نفسي احب المكياج الخفيف جدا والى مايغير من شكلي
وبخصوص اختلاف الشرقيات عن نساء الغرب .. فاعتقد ان الامر له علاقه بالثقافه الاجتماعيه السائده
فالمرأة في الغرب عامله مثلها مثل الرجل , عمليه اكثر وحياتهم تمشى بسرعه
في حين الشرقيه مدلله اغلب الاحيان ( وذكر هذا حتى في برنامج اوبرا ) حتى وان لم تكن تعيش حياه مرفهه
الا انها في مجتمع نسائى قائم على ثقافه من اجمل!! ومن تاتي بصرعه جديده!!
فالغربيه ماعندها وقت تجرب او تعمل مكياج وتمسح ... مو عملي
في حين الشرقيه عندها وقت كافى لكل هذا واكثر طالما في زوج يتحمل مسؤليتها او اب او اخ
والمجتمع غالبا يطلب منا احنا الشرقيات نكون مثل ازهار الدار جميله فقط للدار
لهذا اهتمت الشرقيه اكثر بشكلها ومكياجها ومن هنا حصل نوع من التنافس في كل مجتمع وتعددت الاذواق
وتعددت الالوان وصار الامر صرعه منتشره

ما ادري لو قدرت اوصل فكرتي او لا بس اتمنى ذلك
ف
انا اقول يمكن عشلن المرأه في الغرب تشبه الى حد ما الرجل يعني عمليه جدا جدا
والحمد لله في الخليج المرأه تتمتع بأنوثه اكثر ودلع اكثر وعنايه بالجمال اكثر
هدي وجهة نظري
ق
تسلمين الغاليه ع الطرح الحلوو

يمكن لان المرأه العربيه اهتمت بنفسها من ايام الصحرا يعني من ناحيه الكحل والديرم واللبس والتطيب والحناا ومع مرور الوقت كل شي بدا يزيد بعدين المكان له تأثير يعني الاشياء والالوان البارده ماتعجبنا مانحب الا الشي الدافي ولاحظي الالوان اللي نستخدمها في لبسنا ومكياجنا وبعدين احنا نعتمد على الكحل الاسود واللي نسميه كحلة البدوو اللي تكون العين مرسووومه ولاتنسين الملامح تلعب دوور كبير يعني ملامحنا مرسومه محدده ولو تحطين لون واحد بس تحسينه وااااااااضح وبالنسبه للبس اللي هم يلبسونه في اعراسهم احنا نلبسه في ايامنا العاديه وايام المناسبات نحب نلبس اللي يغيرنا وبالتالي نلبس شي متعوب عليه لانهم مايعتمدون الفساتين في مناسباتهم الا في الزواج واحنا الوحده عندنا تلبس الفساتين حتى لو كانت زياره لبيت رفيجتها..وحتى الاكل يمكن عندنا مبدأ يزيد ولا ينقص ولاتنسين احنا اهل الكرم والجووود اذذ عندج عزيمه وطاولتج ماتنرست تحسين انج مفتشله في الناااس ...على الاقل ماطلع اكل مع الناس ووانتقاسم الفاتوره قد مره شفتي عربيات يتقاسمون فاتوره و قد شفتي اجنبيات يتخانقون من تدفع الفاتوره


يعني بالمختصر طبيعة حياتنا فرضت علينا هالشي وبيدنا نجمله او نشينه
ع
عن نفسي انا افضل مكياج الاجنبيات.. يكونون حاطين مكياج كامل مثلنا بس خفيف وباناقه بطريقه يبرز الملامح وما يغير الشكل بس هم طبيعة جوهم تساعدهم مب احنا الحر والرطوبه تخلي الوحده تعيد مكياجها كم من مره وكم من طبقه عشان يثبت المكياج..
أ
الصراحة لا توجد عندي أي فكرة لم تحب نساء العرب وضع المكياج الثقيل

سبحان الله أجده غير جذاب بالمرة

الأمر الطريف أن والدي رباني على أن شكلي بدون مكياج أفضل، وأمي في بداية زواجها كانت تضع مكياج لكنها توقفت لأنه لم يكن يحبه

أخي هو الآخر يكره المكياج وسبحان الله قال لي البارحة فقط لا أدري لم تفعل النساء هذا في وجوههن << كنت أتفرج على قناة فتافيت وأحد مقدمات البرامج الخليجيات كانت تضع آي شادو مكون من 3 أو 4 درجات لا أذكر بالتحديد

أما زوجي العزيز فقد أحبط آخر محاولاتي لوضع المكياج الخفيف لأنه لا يحبه هو الآخر بالذات الكحل<< مع أني أضع كحل خفيف جداااااااااااا

فالأن لا أستعمل إلا القليل جداً من البلاشر والليب جلوس شرط أن يكونا بألوان طبيعية

يسر الله لنا ولجميع المسلمات الخير
أ
اممممم انا اشوف ان هالشي له علاقة بالشكل وبالثقافه وطبيعة الناس هني

يعني هم، وانا اتكلم عن البيض في هالحاله
مايناسبهم المكياج القوي يعني اذا الوحده حطت روج احمر يصير شكلها غلط، وهذا لان الوانهم فااااتحه فيناسبهم المكياج الفاتح
بس في بعد ناس منهم يحبون المكياج الثقيل ويحطون الشو الاسود بس الغالبية من النوع الاول

نجي للملابس، لو تشوفين ملابسهم جدا جدا بسيطه وخصوصا الانجليز دايما الستايل كلاسيك
وحتى فساتين الاعراس مثل ماقلتي والمناسبات دايما البساطه

بس ترى اشكالهم تساعد والجو عندهم بعد له دوور كبير

وترى العرب كأنهم مب شايفين خير،وخصوصا في الخليج، ودايما الاشيا الكبيره والكثيره عندهم افضل
يعني فاهمين الدنيا غلط،،تجوفينهم يتفاخرون في البيوت وكل واحد بيته شكبره وداخل البيت مايبقى لون مايحطه ويدفع المبلغ الفلاني عشان هالشي وهو كلش مافيه جمال
العبايات بعد صارت مبالغ فيها لحد كبيييير يعني تمشي وهي مابقى شي ماحطته وعلقته او كتبته على العباية
المكياج الخليجي المفتوح والفراشه والرسم والورود على الويه الصراحه في رايي من ابشع مايكون، ممكن يكون مكياج لاستعراض وعروض مسرحيه بس مب حق عروس او حفله بسيطه
يمكن هذا يرجع للطفره اللي صارت لنا مره وحده
يعني من 50 سنة، اللي يجوف المنطقة مايعرفها الحين
الناس صار عندها فلوس مب عارفه وش تسوي فيها، قاموا يتفاخرون كل واحد باللي عنده ويبون يتميزون بكلللللللللل شي

بس مثل ماقلت، فاهمين الدنيا غلط، وصايره الحين اهتماماتنا سطحيه لابعد الحدود

بس الغرب ثقافتهم الغالبة غير عنا، اهتماماتهم غير، حياتهم غير

وطبعا هذا رايي الشخصي، وانا عني دايما مكياجي خفيف واذا ثقلت فهو يعتبر وسط بالنسبة لناس وايد
يعني انا بين الاثنين
h
عن نفسي افضل المكياج الخفيف .. ومكياجي عبارة عن ايلاينر خفيف ارسمه فوق العيون .. مع شدو بيج وبني يبين طبيعي عدل وبس

حتى ما عندي الوان ايشدو غير درجات البني والشدو الاسود لاني احس كل ما حطينا الوان اكثر كل ما ابتعدنا عن اللوك الطبيعي

والفيلوسوفي مالت الميكب انه يحلي .. وكل ما كان اوفر انا اشوف انه شوه البنت ..و اخفي ملامحها

والغرب عادة يحبون اللوك الطبيعي .. و البساطة بشكل عام .. وانا احس انها أرقى ..

وتسلمين
خ
الصراحه اني هم كولش امحيرني بس ايش نعمل هذي طبيعتنا
R
مشكووووووورين على رايكم الحلووووووو
ع
من حيث الزينة فكل شي الغرب اخف من الشرق

حتى ازياؤهم والوانهم وحتى تغليفهم للهدايا غير مكلف وتطلع فالنهاية رائعة

لكن الشرق اذا المراة ما عملت مهرجان فنفسها ومليون لون مستحيل ترتاح.. واذا لبست فستان غير مطرز ومليان كريستال ايضا مستحيل ترتاح.. وتعتقد انها غير مميزة

اما المكياج فحدث ولا حرج.. صار وجه المراة الشرقية غالبا لوحة للرسم و خبيرات التجميل نسيو انهم يحطو مكياج يبرز الجمال.. كل وحدة منهم فاكرة انها بيكاسو هههه خطوط ومزج الوان ونقوش وحتى كريستال صغير تحت الحاجب مع الشادو ههههههههه كأنهم مجهزين البنات لحفل تنكري او مسرحية ( طلو على ركن المكياج) اصبح كل هذا يخفي الجمال والوحدة تتغير مليون درجة لما تغسل وجهها .. وتحصل الصدمة الكبرى.


X