كل من سألت عن Regaine 5% او نيكسوديل 2%

السلام عليكم يا بنات انا حابة انقل تجربتي الشخصية والله شاهد على كلامي بقول بالتفصيل لاني احب لكم الخير

اولا انا شعري جدا خفيف لدرجة اني يفشل اني اشيل الحجاب قدام اي حد يعني صلعت شوي من قدام صرت اتحسف على نفسي اخذتني امي لدكتورة جلدية اول شي عملت لي فحص الغدة الدرقية والحمدالله طلعت سليمة بعدين عملت لي تحليل دم طلع عندي شوي نقص في الحديد والفيتامينات اعطتني حديد وفيتامينات وبخاخ اسمه نيكسوديل 2% وشامبو ميتا فينول وقالت لي لازم تستخدمي البخاخ لمدة 6 شهور متواصلة مرتين في اليوم مع اخذ الحبوب الحديد والفيتامينات بس بالنسبة للحبوب الفيتامينات والحديد قالت لي إذا زاد عن حدة لازم توقفين والا ما تستفيدين قالت لي تعالي كل شهر اعمل لج فحص دم عشان اشوف إذا ممكن توقفين الحديد والفيتامينات او لا طبعا اخذ معي تقريبا 3 شهور ووقفت الحبوب بس طبعا ما وقفت البخاخ نيكسوديل 2% بس في نقطة الدكتورة ما نبهتني عنها ولولا بحثي في النت عن هالبخاخ كان كل تعبي راح اللي هو لما تحسي في تحسن في شعرج وبغيتي توقفين لا توقفي فجاة لا لازم بالتدريخ يعني اول 3 إلى 6 شهور لو حسيتي في تحسن وبغيتي توقفين حطي مرة واحدة في اليوم لمدة اسبوعين وبعدين مرة يوم ومرة لا لمدة اسبوعين وبعدين مرة كل 3 ايام لين ما توصلين مرة في الاسبوع واللي سمعته ان فعلا لازم مدى الحياه بس طبعا مب شرط إذا وقفتيه بالتدريج خلاص ما في داعي مدى الحياه والحين صار لي سنة ونص استخدمة بس خلال هالشهر حسيت الفرق ومازلت استخدمة ادعولي يا بنات ان ربي يكثف لي شعري ويصير احلى شعر.


ملاحظة : Regaine 5% هو نفس نيكسوديل 2% بس لان الشركات المختلفة يعني انا لما ما احصل الاول اجسب الثاني والعكس صحيح وانتبو يا بنات تركيز 5% مو لنا للرجال النساء فقط 2%