متى انسب وقت للحمل؟؟؟؟؟؟

انا اشوف اختي تصبرين بعد سنه :)

على حسب اذا تقدرين تتحملينهم الثلاثة .. او اذا تعبتي اصبري بعد :)

اذا تقدرين على تعبهم حملي الحين
بس اذا مافيج تتحملين صبرري بعد سنه
انا بين عيالي 5 سنين وايد راحه بس بنفس الوقت متحسفه اني طولت

إذا تحسين نفسج مستعده نفسياً وجسمانياً لاستقبال مولود جديد ليش لا
بس أهم شي تكونون متفقين على هالشي انتي وأبو الشباب

والله يرزقكم اللي تتمنون
ويرزق الجميع الذرية الطيبه

شوفي أختي...إحنا كلنا نفسنا نحمل علطول...

عارفة هذه غريزة...الواحدة تحب الحمل و البيبي...مهما كان التعب

لكن لو الواحد فكّر فيها بعقلانية شويه...بيلاقي الموضوع صعب

و لو صار الحمل خلاص بيصير لا مفر ( لا تراجع يعني :) )

إحسبي أمورك كويس...ظروفي غير ظروفك غير ظروف فلانة غير ظروف علانة...

يعني ممكن بس تصير مريومة سنتين مثلا...بحيث لما تجيبي بيبي إن شاء الله تقدري تكوني وضعتي محمد و مريم في المدرسة...KG1 و KG2...بيكون أريح لك...لأنه فعلا الموضوع صار صعب...و محتاج شوية تخطيط..

هذه النقطة...نقطة ثانية...الواحدة و الله تحتاج وقت تلقط نفسها...بالذات بعد إثنين...يعني ترجع عروسة مرة ثانية...و زوجها يشوفيها ثاني...

صديقتي حالتها مثلك...و إبنها الصغير قريب بيكمل سنتين...بس تقول ما صدقت أشوف زوجي و أعيش حياتي معاه...ما بخسر شيء لو إنتظرت كمان سنة...و الحين ما شاء الله صارت تقدر تسافر و تروح و تيجي براحتها...بدون ضغوط الحمل و الولادة...و علاقتها بزوجها ما شاء الله صارت أفضل بكتير...الله يتمم لها على خير...

و دايما إدعي ربّك ييسّر لك الخير إن شاء الله...

الأخت مرموم كفت ووفت ماشاء الله :)


......

انا رايي من راي خالتج بصراحه التربية صعبه والحياه غاليه

والوحده لازم تاخذ فترة نقاهه عقب اول 2 على الاقل نسافر ونروح ونجي ونرقد ونقعد مرتاحين

اصبري شوي استناسي بحياتج لاتضغطين على نفسج العيال همهم كبير من تجيبينهم لين يكبرون ويتزوجون

وانتي قلبج في يدج تخافين عليهم من الهوا

والله يخليهم لج وتفرحين فيهم

جمال الزهره;6547584:
إذا تحسين نفسج مستعده نفسياً وجسمانياً لاستقبال مولود جديد ليش لا
بس أهم شي تكونون متفقين على هالشي انتي وأبو الشباب

والله يرزقكم اللي تتمنون
ويرزق الجميع الذرية الطيبه

(y) (y) (y)

خلي كل شي على الله سبحانه وتعالى

مرموم;6547796:
شوفي أختي...إحنا كلنا نفسنا نحمل علطول...

عارفة هذه غريزة...الواحدة تحب الحمل و البيبي...مهما كان التعب

لكن لو الواحد فكّر فيها بعقلانية شويه...بيلاقي الموضوع صعب

و لو صار الحمل خلاص بيصير لا مفر ( لا تراجع يعني :) )

إحسبي أمورك كويس...ظروفي غير ظروفك غير ظروف فلانة غير ظروف علانة...

يعني ممكن بس تصير مريومة سنتين مثلا...بحيث لما تجيبي بيبي إن شاء الله تقدري تكوني وضعتي محمد و مريم في المدرسة...KG1 و KG2...بيكون أريح لك...لأنه فعلا الموضوع صار صعب...و محتاج شوية تخطيط..

هذه النقطة...نقطة ثانية...الواحدة و الله تحتاج وقت تلقط نفسها...بالذات بعد إثنين...يعني ترجع عروسة مرة ثانية...و زوجها يشوفيها ثاني...

صديقتي حالتها مثلك...و إبنها الصغير قريب بيكمل سنتين...بس تقول ما صدقت أشوف زوجي و أعيش حياتي معاه...ما بخسر شيء لو إنتظرت كمان سنة...و الحين ما شاء الله صارت تقدر تسافر و تروح و تيجي براحتها...بدون ضغوط الحمل و الولادة...و علاقتها بزوجها ما شاء الله صارت أفضل بكتير...الله يتمم لها على خير...

و دايما إدعي ربّك ييسّر لك الخير إن شاء الله...

كلام مرموم عين العقل


مو كل وحده ظروفها نفس الثانية

وانا بنتي بعمر بنتك بالضبط لكن كل تفكيري بالحمل ونفسي احمل

مع اني أعرف ومتأكدة اني مابقدر اسيطر على ثنين والتربية صعبة جدا وانا بوحده كيف بثنين


غريزة الأمومة موجوده فينا وكل فترة تظهر


سبحان الله



الله يوفق الجميع

موضوعك حلووووو

انا بنتي الكبيره عمرها 5 سنوات بالضبط ماشاءالله
وبنتي الثانيه عمرها سنه و3 شهور الله يحفظهم

بس ماادري ليه المره هذي افكر بالحمل كثيييير عكس ببنتي الاولى طولت وماكنت اهتم :(
سبحان الله ماادري ليه؟؟

مشكورين على ردودكم ..

صح تعبت ويا حمود ومريومه وان شاء الله السنه هاي حمودي بيدخل الحضانه ...

بس ما اعرف يمكن لانه زوجي كل مرة يقولي احملي ولا اشوف ما شاء الله بنات خالتي واختي حمل والي ربت .. مشكلتي احب الاطفال الصغار توهم مولودين ومن اشوف احد ربى ولا شايل بيبي صغنون اشتاق واحس اني ابا ارضع ياهل مع اني من شهر فطمت مريومه .. تخيلوا

اختي صح كل شي بامر الله بس لا تنسين ان في اشيا بايدنا يعني انا زوجي يمنع طبعا ما بيصير الحمل الا اذا ودر المانع ..

بس في نفس الوقت انا خايفه احمل واولد واتلعوز ويا الصغاريه

بالنسبة للطلعات الحمدلله من فطمت مريومه وايد ارتحت سفر وقمت اسافر من يومين راجعه من مالديف وماليزيا وشهر 4 الي طاف سرت بانكوك طبعا عيالي معاي .. والحين افكر اسير انا وزوجي من دون الصغارية بس الكل يقولي لا تسوينها ما بتستانسن وقلبج بيعورج على عيالج وبتندمين لانج خليتيهم ..

وايد اتيني احلام اني حامل وكثر ما خاطري بتوأم احلم اني شايلتهم ..

بس تبون الصراحه كلام مرموم شوي فتحلي المخ مخي .. خاصتا ان حمود حركي وشيطان وكله يضرب .. وما يخاف من احد ..

بس الغريزه ......................................................................؟؟

بجعة كلام مرموم عين العقل ..

بقولكم شي وبتضحكون علي.. عقب الولادة في اقل من ساعة .. اقول حق امي ..

(ياربي نسيت كأني ما سويت شي ..اذكر اني تعبت بس مب خايفة نفس اول ولادة من الحمل .. واقول لأمي يعني احس عمري عادي احمل الحين) خخخخخخخ

بس بيني وبين نفسي اقول لازم اعطي نفسي وقتي .. صحتي وراحتي .. يعني طلعات محدودة نوم قليل وتربية .. مابا اييب عيال وخلاص وماهتم بالتربية عدل .. كل ياهل اصعب عن الثاني ..

غير جي ريلج يحتاج اهتمام.. يعني من تحسين عيالج كبروا شوي بتبدين تهتمين في نفسج وفيه اكثر ..يعني دلعيه .. وبتحسين انج بروحكم وماحد يضايجكم من اليهال ..

انا اقولج اصبري شوي خلي مريومه تكبر اكثر .. حلو انه يكون فيه فترة بين الياهل والثاني على الاقل تحسين بشوق اكبر مب كلهم ورا بعض وتكرهين اليهال عقب ..

موضوع عجبني وايد .. أنا توني حامل بكر .. ودايماً أفكر بعدد العيال اللي بجيبهم .. وإن مابي تكون بينهم سنوات بعيدة .. عشان نربيهم يكبرون ويلعبون مع بعض .. وفي نفس الوقت أتفرغ لنفسي ولجسمي ولزوجي ..

وخوات زوجي دايماً ينصحوني بهالشي .. بس الله العالم شنو اللي راح يصير .. الظروف تتغير بعدين !! ..

كل شي على الله .. والله ما يسوي شي إلا فيه الصلاح لعبده ..

مرحباا

موضوع جداً جميل

انا هذا اول مولوود لي ولادتي صارت تقريبا من عشرين يووم ..

طبعا انا من قبل لا افكر بالحمل الاول كانت فكرتي اذا الله عطاني ورزقني بمولود بتاخر واايد واايد عشان افكر في الثاني ..

والحمدالله انا ولدت ويبت هل البيبي بالسلامه ..

اتمنى التزم واصبر الى خمس او ست سنوات بعدين اقرر احمل يعني اذا اولد في الثاني يكون الاول دخل المدرسه ..

لان الزمن تغير ضغوط واايد والتزامات صحيح كل بيبي يجي برزقه ورب العالمين ما ينسى حد بس هم مو حلو نيب عيال ونقصر عليهم لازم كل بيبي ياخذ حقه ع الاقل وهو صغير ويحصل اهتمام وهم الوحده ترتاح وما تضايق عمرها وتكون مقتدره تهتم بنفسها وبزوجها وبالولد هذاا ..

الغريزه ما يشبعها شيء ولو بكيفنا نسينا التعب وقلنا نبي ونبي اكثر بس هم القناعه حلوه انا قناعتي تقول الله رزقني من الغريزه هاي مولود الحمدالله والشكر واذا لي رزق بغيره الله يرزقني وقت ما اتمنى والله ولي التوفيق ..

وبنفس الوقت اقول الى خاطره بشيء يسسويه ولا يحرم نفسه ههههه


تنتظرين لها من جانب تشوفين الفتره بين مولود ومولود مهمه جدا وتساعد الاسره وكل شيء وبنفس الوقت مضرره جدا لان يترب الولد بروحه من غير اخواان ويكبر وتجيبون له اخوو ويمكن يتضايق منه لانه متعود ع الوحده والاهتمام كله له ومباشره يطلع شخص يشاركه ..

عشان جذي الواحد يحتار ...

تبون الصراحه انا يبت مريومه وحمود عمرة سنه و4 شهور وما كان مهتم ولا يعرف شو يعني غيره اما الحين من اشيل عيال الناس مريومه تشيل الدنيا على راسي ..

احيانا اقول خلي نبني بيتنا عقب بحمل احيانا اقول على ما البيت ينبني يبالنا 3 سنوات المدة وايد طويله ..

زوجي من فترة قالي الحمدلله الله عطانا ولد وبنت بنصبر 3 سنوات عقب نييب الثالث .. احيانا يقول بنييب الثالث والرابع قبل لا نكمل الثلاثين ونكتفي بيهم ونشوف حياتنا بعد ال30

ما تعرفين الدنيا شو كاتبتلج ... التفكير ماخذ كل وقتي وانا فكرت اني اخلي خدامتي بس تغسل وتكوي وتنظف وما تلمس اليهال عشان احس بالمسؤوليه اكثر وما افكر حاليا بالحمل .. (مع اني يايبتنها حق اليهال )

ووووومنكم نستفيد

bj3a


فكرتك حلوة انك تهتمين بعيالك وتتركين اي شيء ثاني للخدامة وبهالطريقة بتلاقين كل المسؤلية عليج فمابتجيبين عيال حاليا


لكن انصحج تستنين بيتكم الجديد عشان تستانسون بيت جديد وكبير وتتوسعون

لكن لو بتجيبيهم كلهم اللحين صعب عليج

متى بتاخذين نفس ومتى بتطلعين وبتجين العدد بيكثر والمسؤلية بتكبر

والحمد لله انك فطمتي بنتك اللحين بتحسين بالراحة

تصدقين انتي قبل قلتي انك بترضعينها سنتين وانا بنتي بعمر بنتك بالضبط نفس اليوم

فقلت لازم مااحرم بنتي وشجعتيني اني استمر برضاعتها واللحين توني فاطمتنها من يوم الخميس

وتوني حاسة بالحرية

فأنتي بعد بتحسين بالحرية اللحين فلا تتعبين صحتج

اليهال لاحقه عليهم


والله يوفقنا لما يحبه ويرضاه

ام جود القمر ..

اتصدقين من فطمت مريومه زادت طلعاتي بروحي .. يعني مشواويري من دون عيالي ومن دون اي احد برحي اسير

بس حرام احيانا اطول فالطلعه لو انهم في بيت امي بس في يدين الخدامة ..

وبالنسبة للبيت احنا شكلنا مطولين لانه بو الشباب حصل على ارض بس مو مقدم على قرض .. يعني انطري بعد 3 او 4 سنوات ..

تكلمنا فالموضوع واقترحت عليه ناجر بيت قالي انا ببني على حسابي بخرخش مخابيه وبطلع الي جدامي ووراي وبحطه للبيت يعني بيكمل المليون ونص .. والباقي على الله .. يا من البنك ولا من القرض اذا طلعلنا يعني بعد مطولين ..

الاحسن اني امشي على الطريقه الي قلتها .. بشوف شو بيصير ..