ساعدوني بافكاركم الرائعة للاحتفال بمناسبة خاصة بسسسسسسسسررررررررعه

مرحبا حبيبتي ،،
أول شيء سوي جدول للأشياء اللي إنتي تحتاجيها في هالحفلة:مثلا شموع بأشكال وأحجام مختلفة،، احجزي كيكة حلوة قبل ليلة الذكرى وإذا حابة اكتبي عليها عبارات تهنئة،زينة بسيطة لتزيين الجدار ومجموعة بالونات،،معجنات وحلى، خليها في ورقة وكل ماخلصتي من شيء حطي عندو علامة لين ماتخلص الأشياء وممكن إذا حابة فكرة حلوة إنك تعزميه على مطعم هوا يحبه أو إنتي تحبيه وعارفة إنو أكلو حلو ونظيف وخليه هوا يختار من القائمة وخلي الحساب عليكي والذكرى الثانية خلي العكس وبالنسبة لكشختك ممكن كمان فكرة جديدة من اختراعي مادري راح تعجبك ولا لأ وإنتي في البيت البسي لبس الملكة وحطي مكياج ناعم وخفيف اوإذحابة ممكن تروحي للكوفيرة تسوي لك تسريحة بسيطة مرة وناعمة يعني زي مثلا تستشوري شعرك وتعملي رفعة بسيطة وخلي زوجك في هاليوم يأخذ إجازة من دوامو حتى تاخذوا راحتكم وتكون ذكرى حلوة وأهم شيء إنو كل واحد منكم يظهر مشاعر الحب والرومنسية للثاني،،وبالنسبة للهدية اعطيه دهن عود أو عطر رجالي غالي أو ساعةيد شكلها حلو وفخم أو خاتم رجالي حلو وأنيق المهم حبيبتي في الهدية طريقة تقديمها مثلا قدميها لو وإنتي تقولي لو عبارات حلوة زي أحبك ،أموت فيك وإنتي أكيد عارفة الكلام هذا واللي على شاكلتو أو إنتي حاضنتو المهم حبيبتي حاولي تقدمي هديتك بطريقة رومنسية على الآخر وبدلع،، والله يخليكم لبعض ويهنيكم ببعض،،
محبتي،،
بائعة الورد،،

فديت قلبج كل عام وانتوا بخير يارب
وان شاء الله تقضون العمر كله بسعاده

انا بعطيج افكار متواضعه جدا بحكم اني ماقد مريت بهالمناسبه


الهدية .. من الحين فكري بها لا تخلينها لاخر شي
عشان يمديج تاخذينها وتغلفينها بطريقه حلوة

شنو الهديه عاد انتي وذوقج .. وانتي اكثر وحده تعرفين شنو ريلج يحب
يعني شوفي شنو بخاطره واخذيه
وممكن تسوين مثل اخت لنا هني وهذا رابط موضوعها

http://www.3roos.com/forums/showthread.php?t=356585


خذت له اكثر من شي
تقدرين تستغنين عن بعض الامثله اللي هي حاطتهم
او تستبدلينهم بشي غير




لو كنتي مميزه بيوم ملكتك او خل نقول اول ايام الملكه بعطر كنتي تحطيه
والحين ماتستخدمينه
حاولي تاخذينه وتحطين منه
الروايح لها اثر كبير باسترجاع الذكريات


تقدرين تحجزين سويت او حتى غرفه بفندق فيه منتجع اذا ودكم يكون يوم هادي
تقضونه بتدليل انفسكم


تقدرين تسوين فكرة انج تاخذين البوم صور فاضي
وتنسقين فيه صو منوعه من ايام الخطوبه .. او حتى صوره وهو صغير
وصورج انتي بعد ..
وتحطين كل صوره بصفحه وتحتها تعليق سواء مضحك او رومانسي
تقعدون انتوا الاثنين تشوفونه وتضحكون
تقدرون تشوفون بعد فيديو الملجه وتسترجعون ذكرياتكم



شوفي اللون اللي يحبه ويناسبج واخذي لج فستان مميز وبسيط
وخلي الميك اب والشعر مغيرينج شوي
يعني لو انج متعوده تربطين شعرج فكيه والعكس
لو انج متعوده تخلينه مفتوح حاولي ترفعينه



بالنسبه للاكل اتوقع راح تكونين منشغله بالاهتمام بنفسج
اذا تقدرين تسوين العشا وايد زين
تاخذين راحتج اكثر ببيتج
واذا ودج تروحين برا تغيرين جو
تقدرين تتفقين مع المطعم على انو بعد العشا مثلا
انهم اييبون كيكه صغيره من اختيارج
مكتوب عليها مثلا Happy anniversary
وفوقها شمعه وحده



حاولت افيدج على كثر ما اقدر حبيبتي
وان شاء الله عطيتج شي ينفعج :)
دعواتج بتيسير زواجي
ومبروك مره ثانيه