حيرانه وماعرف كيف اتعامل معاه

::(مرحبا خواتي شلونكم ... ؟ ان شا الله الكل يكون بالف خير
بقولكم سالفتي من البدايه وان شاء الله القى الحل عندكم ...
انا طالبه جامعيه ادرس بالخارج وفي اول سنه رحت فيها للبلد اللي ادرس فيه سكنت في سكن تابع للجامعه وتعرفت هناك ع بنات وحده من بلدي والباقيات من دوله خليجيه ثانيه المهم قررنا ان السنه اللي تجي نطلع من سكن الجامعه ونستاجر شقه طبعا كل ثنتين بشقه ومن طلعنا بالشقه طبعا زادت طلعاتنا وروحاتنا وجياتنا من غير لاحد يحاسبنا عكس سكن الجامعه اللي كنا فيه

محاسبين على كل صغيره وكبيره ولما كنا نطلع كنا ناخذ ارقام الشباب ونتصل فيهم ونسولف بس الحمد الله انا الوحيده فيهم ماكنت اطلع مع الشباب كانت علاقتي فيهم بالتلفون وبس وفي اليوم اللي قررت اني اطلع فيه مع واحد عرفتهواسمه (ع) خذت معاي البنات مارحت بروحي وطلعنا واستانسنا ورجعنا وطلب مني الولد انه يقابلني في مطعم وبروحنا انا وافقت وطلعت ورحنا مطعم وقعدنا فيه وفيومها من كلام الولد عرفت ان نيته مو زينه وفنفس اليوم انهيت علاقتي فيه بس قبل لاطلع معاه بيومين كانوا صديقاتي بالشقه اللي يمنا يقولون لي ان في واحداسمه (س ) يتصل ويسال عني عندهم


لان اهو ماكان يعرف رقم شقتنا وكان يبي ياخذ رقم شقتي من عندهم بس اهم ماعطوه المهم الولد هذا طلب يكلمني ع التلفون من شقه صديقاتي انا كلمته وقام يقولي ان البنات اللي انا قاعده معاهم مو زينات ولازم اطلع من عندهم عشان مصلحتي واليوم اللي رجعت فيه من المطعم وقررت اني انهي علاقتي بالولد اتصل فيني (س) وقالي ان اهو كان عارف اني طلعت ولحقني وشافني ونا تميت اكلمه بعد ماقطعت علاقتي ب (ع)وتكلمنا 3 شهور واعترفلي ان اهو يحبني ويبي يتقدملي وقلتله هذا رقم اخوي وهذا رقم ابوي واتصل فيهم وانا ماعندي مانع اتصل (س) في اخوي وكلمه واخوي قاله يصير خير بعد ما اشاور الاهل بس (س) وعد اخوي انه يكلم اهله ويجون يخطبوني ع شهر 8 الصيف ونا كنت ع اتصال فيه وجا شهر 8 واهو ماجا ولا اتصل في اخوي ولا سوا اي شي ولما رجعت انا للدراسه في البلد اللي ادرس فيه قالي ان اهو ماكان مصدقني ولا كان متوقع ان هذا اخوي صج ع باله اني اكذب عليه ونا كملت علاقتي فيه طبعا اهو كان مفهمني ان اهو غني وعنده فلوس وحالتهم الماديه وايد زينه بس عقب مارجعت للدراسه قالي انه كان يكذب


علي وقالي انه غني عشان يجذبني بس بالاساس اهو فقير وحالتهم ع قدهم المهم انا متهمني هالمواضيع غني ولا فقير بس اهو كان ماخذ عني فكره غلط ان انا احب الاغنياء والفلوس وةالمظاهر وطبعا هالكلام جابه من البنات اللي بالشقه اللي يمنا وعقبها تميت انا اكلمه واهو مصر ان اهو يبي يتزوجني وطلب مني اني اطلع من عند البنات اللي انا ساكنه معاهم لان سمعتهم مو زينه بس انا رفضت وقعدت معاهم وفيوم مر علي وطلعنا تمشينا شوي ورجعنا وطول 8 شهور انا كنت فيهم ادرس ماطلعت معاه الا 5 مرات وكل طلعه مو اكثر من نص ساعه بطلب منه اهو ويرجعني البيت وقالي ان اهو قاعد يجمع فلوس للمهر لان اهو مايقدر يقول انه يبي يتزوج واهو قاعد يدرس على حساب اخوانه وقالي ان بيقدم اوراقه للبعثه وبالفعل قدم اوراقه لان انا اللي كلمت له وحده في سفارتهم واهي اللي دخلت اوراقه للملحق الثقافي بنفسه المهم قبل لا ارجع عند اهي بالصيف طلب مني اني البس عبايتي لما ارجع لان انا ماكنت البس عبايه وكنت اطلع شعري وماخذه راحتي وكل هذا بعلم من اهلي لاكن اهو اصر اني اغطي شعري والبس عبايه واطلع من عند البنات اللي انا ساكنه عندهم اهو من عايله متحفظه حيل ونا نفذت كل طلباته جيت السنه اللي عقبها مغطيه شعري ولابسه عباتي وطلعت في شقه بروحي وقعدت فيها وقالي طول هالسنه مابي اشوفج ولا ابي نطلع مع بعض ابدا عشان مايبي اي احد يتكلم علي وجاه القبول من البعثه وصار يستلم راتب شهري من البعثه من غير مصاريف الجامعه طبعا اهو ماقال حق اهله انه انقبل بالبعثه وقالي انه ماراح يقولهم عشان يجمع الفلوس للمهر وفعلا ماقالهم وكان كل شهر يصرف فلوس البعثه ويخلي فلوي اللي اخوانه يرسلونها بحسابه ونا كنت ادخل اجيك ع الحساب كل شهر . ورجعنا عند اهلنا وطلعا اهو من ديره ونا من ديره ثانيه وكلم الولد خواته ويقول ان خواته موافقين وماعندهم مانع وكلم واحد من اخوانه وهم اخوه هذا ماعنده مانع اخوانه الشباب الباقيين يدرون انه يبي يتزوج بس مايدرون انه بيتزوج من ديره ثانيه ونا الحين حايره مادري اذا اهو كان يحبني صح ولا قاعد يضحك علي مع العلم اني ماشفت منه اي شي غلط بالعكس اهو اللي خلاني ابتعد عن هالبنات واتقيد بالزي الاسلامي زاشد حيلي ف دراستي وهذي اول سنه انا انجح فيها بتقدير جيدجدا والفضل من بعد الله له اهو والولد ماشفت من الا كل خير .
ادري اني طولت عليكم بس والله اني حيرانه ومادري شسوي ولا كيف اتعامل معاه انا احبه واحس انه يحبني ويخاف علي بس مادري انتوا شرايكم بالموضوع ولو سمحتوا ابي رايكم بكل صراحه حتى لو انا غلطانه قولولي عشان اصلح غلطي (انا حاسه بغلطي بس بلييييييييييييز من غير تجريح )