لو بتنقلون الموضوع إحذفوه قبل

السلام عليكم

سوري على البداية القوية بس لأنه ها الركن اللي حضن مشكلتي و نفس الركن اللي أريده يشاركني فرحتي

تعرفون إني حطيت موضوع من عشر شهور إني على وشك الطلاق وإنه ريلي كارهني وإني وحيدة

ومالي أحد في ها الدنيا حتى إني حاولت الإنتحار .......... السالفة طويلة

المهم ياية اليوم أبشركم إني برد لبيتي وإنه المياه عادت لمجاريها وإستوى لي بيتي المستقل

الحمدلله الحمدلله الحمدلله وإشترينا الأثاث أمس كله

والله سعادتي ما توصف ولا تقاس وها بمساعدتكم و جهد عيالي اللي ما أقدر انكر اللي سووا لينوا قلبي وقلب ريلي على الرغم من صغر سنهم البنت 4 والولد 2.5

وفي موضوعي هذا أحب أشكر كل من وقف بجنبي في مشكلتي ومنعني إن أطلب الطلاق وأخص ربيعتي أم رتيل اللي وقفت معاي خارج المنتدى على الرغم إني بالإمارات وهي بالسعودية بالتليفون والمسجات وربيعتي العمانية تسمحلي ما أعرف إسمها في المنتدى وجميع جميع الحريم والبنات اللي قرأوا مشكلتي وردوا علي أو حتى فكرو فيها أو دعوا لي