كتبت موضوع عن غرفة عيالي من مدة قصيرة ، وهذا الرابط:
http://www.3roos.com/forums/showthread.php?t=355641
هذي الغرفة بعد التعديل والترتيب وافكاري اللي قدرت ارتب.واتفنن (انا حريصة على راحة اولادي وخاصة انهم صغار(}):
بسم الله الرحمن الرحيم : نبدأ:
هذا شكل الغرفة من الداخل بس واضح الممر ما بين غرفتي وغرفتهم،الاشياء اليديدة اللي اضفتها:
الساعة من ايكيا، بعض اشكال لتزيين غرفة الاطفال من كارفور(العشب والشمس والبقرة)، شكل وررود وقلوب :1_3: مع لعبة صغير فيها زنبرك علقته على باب الغرفة تعطي شكل، اضفت زولية صغيرة على باب الغرفة، بالاضافة للي يقيس طولهم ماخذتنه من محل بمول الاماراتtuctuc...هالمحل رهيب جداااااا:up: لتأثيث غرفة الاطفال..
الصورة تبين الحمام الي داخل الغرفة مب برى او منفصل (الله يكرمكم) وهذا افضل شئ يكون خاص فيهم، وكله مقفل ،مبينة صورة دولابهم و..............:D_smil1:..الثلاجة
حبيت اضيف معلومة مهمة: الوان الدولاب انا اللي شكلتها وطلعت بالنهاية بهاي الطريقة،الدولاب سادة بني فاتح ما فيه اي شئ،انا قصصت الجلاد(ما اعرف شو تسمونه هههههههه) وشكلتها بالشكل اللي ابيه، كل حد يدش الغرفة والله على باله من ايكيا او من محل اطفال، بالذمة شو الفرق!! ااانا خليته بالوان رووووعة وعلى مزاجي :up:، والدولاب ما راح يطول اكيد بس يكبرون عيالي بغير الغرفة اكيييد، فليش اشتري غالي وبعقه على الفاضي،والحمد لله الخير موجود(r)
هذا شكل الثلاجة من قريب، الثلاجة لها قصة طويلة ههههههههههه، جلدتها بنفس لون الدولاب، لسبب بسيط ومهم طبعاااااااااااا: علشان ما يفكرون يفتحونها ويلعبون فيها، ويطلعون محتوياتها،لآني عانيت من هالموضوع، والحمد لله رب العالمين ما يفتحونها ولا يعرفون اصلا شو هذا الشئ الكبير على بالهم دولاب هههههههههه,,اشتريت لها قطعة صغيرة من البودي شوب علشان اقفلها والحمد لله مرتاحة, ولا كانها موجودة بغرفتهم:D ..
السرير على شكل سيارة ولعبة للأطفال ولدي يحبها وااااااااااااااايد، ولونها حلو بعد، الرف اللي فوق السرير ما يقدر ولدي يمسكه،الاغراض من ايكيا وتويز آر آس،فيه الشخصيات اللي يحبونها(بارني وفريج)وطبعا صورة الشيخ فزاع، يموتون عليه:)..وعلى اليولة
التلفزيون بالنسبة لي مهم علشان انااحيانا اذا ابي انام معاهم(لما زوجي يكون بالدوام) ما اقدر ارقد بدون tvوبنفس الوقت احط لهم فيديو يتعلمون الحروف والارقام، ويشوفون بارني ويموتون على سبيس تون وقناة ديزني .ما احس انه مضر لهم لآنهم صغار وما يعرفون غير اشياء تخص الاطفال بس يكبرون بشيل التلفزيون منهم
هذا الشكل النهائي للغرفة ..دورتها يمين وشمال هههههه علشان تبين..
البارح اشتريت الكراسي اللي بالشكل هذا وايد عجبتني وخذيتها، والزولية الحمرا بعد،الباقي موجود من قبل...
هذي خيمة صغيرونة للغرفة، يحطون فيها العابهم او يلعبو فيها والله وايد مفيدة بالغرفة لهم، اهم شئ انها لمت اغراضهم من الفوضى
يا ويلي على هذا البيت من جد روووووووعة ،:up::up::up: انصح كل ام عندها اطفال تشتريه، يحبونه الاطفال واااااااااايد ومسلي.عيالي يحبونه وايييي:groupwave:يييييد،انا بس صورت الواجهه، اهو شكل مثل البيت، جانب فيه الباب، وجانب ثاني يلعبون سلة، والثالث نافذة عن جد رهيب..هذا البيت يستاهل ثمنه ب2700 درهم من البيبي شوب(اكيد موجود بكل الفروع)
سرير ولدي الصغييييييير الله يحفظه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعطيكم فكرة اكثر عن الحمام تكرمون:
هذا الباب المنيوم ، واضفت عليه بورد من مذر كير وايد رقيق وحلو ينفع للبنات والاولاد، اضاف للباب شكل حلو
الاغراض متنوعة من اي محل اشوفه يعجبني شئ اشتريه لهم::cool2:
العطورات من لايف ستايل ، ايكيا، بيتي
الارضية من ايكيا
التعليقة وتحمل الالعاب من بيبي شوب
الكريمات الخاصة فيهم: من مذر كير، تويز ار اس، بيبي شوب ، من كندا..اخوي هناك يدرس مع زوجته..
المعقمات ضرورية طبعاااااااااااااااا موجودة باي مكان :)
لو تلاحظون شارية لهم آلة الفقاعات حللللللللللللوة لما يتحممون:21_112: ، يعني خليت لهم المكان متعة ما اضطر اني اخاف عليهم.بالعكس يستمتعون بالتحميم
هذا كل اللي يخص غرفة اطفالي::balloons:
وسامحوني اذا كانت الصور مب واضحة، عن جد تعبت بالموضوع وااااااااايد، لعيونكم:smile:
وانا شرحت كل شي.كل ماكانت الغرفة كبيييييييييرة كلما قدرتي تأثثين وتتفنين على راحتج، ضيق الغرفة مب حلو،ويخلي الاغراض مهما ترتبت فوق بعضها,ولون الطلاء بعد مهم للتوسيع الغرفة خاصة على حسب اولاد او بنات
واي وحدة عنها استفسار او تعليق انا بالخدمة وعندي رحابة صدر تتفضل:888345: ..احنا اخوات وكلنا نستفيد من بعض
وسامحوني اذا كانت الصور مب واضحة، عن جد تعبت بالموضوع وااااااااايد، لعيونكم:smile:
وانا شرحت كل شي.كل ماكانت الغرفة كبيييييييييرة كلما قدرتي تأثثين وتتفنين على راحتج، ضيق الغرفة مب حلو،ويخلي الاغراض مهما ترتبت فوق بعضها,ولون الطلاء بعد مهم للتوسيع الغرفة خاصة على حسب اولاد او بنات
واي وحدة عنها استفسار او تعليق انا بالخدمة وعندي رحابة صدر تتفضل:888345: ..احنا اخوات وكلنا نستفيد من بعض
ما وقعت على الصور، علشان تطلع الصور كويسة وواضحة ، عادي ينتقل الموضوع بس مع ذكر المصدر بامانة تاااااااااااااامة