رجعت لكم مرة ... كلام خطيبي حيرني !!!
أميرة * A *
04-07-2008
39 رد
4,177 مشاهدة
السلام عليكم ورحمة الله وبركاته
بدخل في الموضوع على طول
دوم لما اكلمه عن الزواج
احسه مو متحمس وخايف ومهموم اليوم قال لي انا ما مستعد نفسيا لمسؤولية الزواج
ما مستوعب اني بتزوج
كلامه خوفني اخاف بكرة ما بيقدر يتأقلم مع الوضع بيتم على حاله سهرات وطلعات
قال لا تمنعيني من الطلعات والجلسة مع اصحابي
قلت له اطلع مع اصحابك بس لاتنسى عندك مسؤولية وحرمة في البيت
هذا شعور اغلب الشباب ولا هذا بجد مو مال مسؤولية :confused: ؟؟؟
الحمد لله اشوفه مهتم بشغله وتجارته ويتسوق للبيت
قلت في هذول حاس بالمسؤولية اكيد بكرة يتغير مع الوضع الجديد :ss:
ما اتحمل اجلس دوم نصائح ومحاضرات واذكره انه خلاص تزوج
الي مضايقني احيانا لما اكلمه احسه ندمان لانه اتخذ قرار الزواج وفعلا احيانا يقول هالجملة
مو لانه اختارني لانه مو جاهز لا نفسيا ولا ماديا واستعجل في قراره هذا :(
خبرته عندك وقت تقرر قال انا كلمتي وحدة ما اتراجع عن كلامي خلاص بمشي الحال :ss:
خبرته الزواج اكبر من سالفة تمشي الحال :mad:
الرجال الي حياتهم طلعات وسهرات وما يحبوا حد يتحكم في طلعاتهم يتموا كذا ولا يتغيروا ؟؟؟ :confused:
انا مااحب اخوفك بس انا اخاف من نوع هالرجال لانهم بيكونو متعودين على الطلعات والسهرات بيكون صعب عليهم تحمل المسؤولية وانهم يظلو بالبيت وكده واعطيكي متل اخوي كان متعود طلعات وسهرات وسفرات لما اتزوج السنة حس انه مكبوت وانه محبوس ومش على حريته فالاول ساير مع مراته يعني كانو بيسافرو هم الاتنين وكده بعدين خلاص مل ورجع للسهر والطلعات مع اصحابو الحين عندهم ولد هي يخليها مع الولد وهو يطلع مع اصحابو وهدا حال اللي طبعهم كده اذن انتي لازم تفكري كتير وتقوليلو اللي متخوفة منه انتي واعرفي ان طبع الانسان صعب يتغير يعني اذا بتحبيه لازم تصبري وترضي بهالشي
احبه بس هو بعد المفروض يتغير خلاص صار مسؤول عن بيت
مرة قال لي انت وشطارتك كيف تسعديني يا رب التضحيات بس على الحريم
فرحني مرة قال بيتغير بيرد من الدوام للبيت ما بيطلع كثير الا للضرورة شكله هالكلام بس للشهور الاولى
بعدها يمل
هو اذا جلس يوم كامل في بيت اهله يحس بضيق يطلع لو يمشي في الحارة
جزاك الله خير على مشاركتك :(
حبيبتي
الرجال كلهــــــــــــــــــم متعودين على السهر والطلعات
مايجلسو ببيت اهلهم الا وقت محددبعدها يطلعو مع اصحابهم
فيه رجال قليل مايطلعو هذولا انطؤايين مالهم ربع واصحاب
وكل الرجال والحريم برضو يخافو من المسؤليه
بس اللي زاد خوف زوجك انتي
ان فهمت من كلامك انك دااااااااااااااااااااااااااايم تحني عليه يجلس مايسهر ولايسوي وانت مسؤل
خفي عليه خلي هذي الايام عسل وبس لاتملليه من الان وياخذ السهر عناد
وبعد الزواج يحلها ربك
وانتي بطريقتك تحببيه فيك وبالبيت بس بعيييييييييد عن الشكوى والتملل
اسمعي وعن تجربه
قســــــــــــــــــــــم بالله تزوجت و4سنوات من زواجي زوجي تقريبا يوميا يطلع مع ربعه وايام الخميس والجمعهةمو لي
بس كثرررررت الاستغفار ووفرت الاشياء اللي يحبها ودعيت ربي
والله صار له 3شهور مايطلع الاليله بالاسبوع
ومللللللللللللللللللليت منه
لان وقت طلعته اخلص شغلي اطبخ اغيري ملابسي اكشخ
بس وهو عندي مااهتم ابد
انتي لاتستعجلي
انتظري لحد ماتبدي حياتك ووقتها شوفي المشاكل والاخطاء اللي بحياتكم وحلوها بالتفاهم
والله يوفقك يارب
العفو حبيبتي بس شوفي انت ممكن تخليه مايمل يعني دايما حاولي تكوني متجددة واعملي نشاط وخليه مايحتاج يطلع من البيت وهو ان شاء الله لما يشوفك كده يتعود ويبطل يطلع كتير هو مافيها شي اذا طلع مع اصحابه بس مش كتير
دفاية زيت كأنك عايشة معي ما شاء الله عرفتي شخصيتي زين :ss:
نفس كلامك يقول لا تجلسي تحاسبيني على كل نقطة
اطلع مع اصحابي بس ما بجلس لليل ولكا اقول له عندك للساعة كذا يعاند يقول عيل بتاخر
في الرجعة :mad:
هو فعلا اذا تم في البيت راح نمل والشوق بيقل كذا واذا ابي اكشخ له ولا اسوي مفاجأت ما بقدر
بجد هذا طبعي احاسبه على كل حركة وكلمة عشان كذا اتوقع صار يخاف من الزواج متخيل حياته بتكون نكد وين رايح وليش تسوي وليش وليش ؟؟؟؟
يقولوا ايام الخطبة احلى الايام ونحن في محاسبات وتخوف :(
ربي يجزاك هير فعلا كلامك صحيح
امولة ما شاء الله موجودة في كل مكان تحلي مشاكلنا ربي يعطيك على قد نيتك
فعلا الزوجة هي الي تخلي زوجها يحب جلسة البيت ولا يطفش من تصرفاتها
فتحتوا عيوني على اشياء ما كنت منتبهة لها
عارفة عيوبي كم مرة حاولت اغير اتغير فترة وارد مرة :(
يجزاكم الله خير ويرزقكم السعادة في الداريين
أختى صدقينى
بعد الزواج إن شاء الله تقدرى تجذبيه وتحببيه فى القاعدة فى البيت
بشطارتك حتى هو قالهالك يعنى عنده استعداد وبعدين ما أغلب الرجالة بيخرجوا ويسهروا ويقضوا وقتهم بره البيت
وبعد ما يتزوجوا بتقل شوية بشوية
هو دلوقتى حياته ما فيهاش استقرار بعد ما يتزوجك هيشعر بالاستقرار والاختلاف وإنتقاله من مرحلة لمرحلة هو من نفسه هيتغير
بس انتى اكثرى من دعاء "اللهم بارك لى فى زوجى وسخره لى وارزقه الصلاح"
وحاولى بقدر الامكان انك تكونى مختلفة (بالمفاجآت _والهدايا _ واهتمامك بنفسك_ والتغيير _وأكلك الشهى _و.......)
وربنا يكتبلك الخير
dony
وعليكم السلام ورحمة الله وبركاته
ما شاء الله عليك كثير ارتاح لنصائحك احسك اختي الكبيرة :)
فعلا جلست افكر بكلامكم تصرفاتي هي الي خلته يخاف كيف بتكون حياته معي
ان شاء الله بحاول اقل من المحقق كونان الي فيني
ربي يجزاكم خير
&
ღღ دريـــم ويــب ღღ
عروس ركن النساء والحمل والولادة
04-07-2008 | 03:43 AM
يا حليلج
أجل خايفه ها ؟!!!
حبيبتي الرجاجيل حبهم وعشقهم اصحابهم وسهراتهم ... واكيد بيقول لج هالكلام لأنج بعيدة عنه
بس
صدقيني لمى يصير الامر واقع وتكونين بالبيت .. بتقل سهراته مع ربعه وبيحس في وحدة تنطره في البيت ومحتاجته..
واكيد كل زوجته بذكائها تقدر كيف تخلي زوجها ما يسهر برى البيت لساعات متأخرة وإن يشوف ربعه بس مره بالاسبوع مو كل يوم ..
ولا تحاتين حبيبتي كل الرجاجيل يقولون نفس كلامه وزود بعد ..
بس طنشـــــــــــــــــي ولا كأنج تسمعين ولا تضغطين عليه وكل مره تذكرينه ترى الرجاجيل مايحبون كثرة الحنة والزن والنصايح تطفشهم
موفقة يا عسل
لا تخافين حبيبتي انا زوجي اكثر واحد يحب الطلعات والروحات والجيات وايام الخطوبة والملكة دووووووووم برع مع ربعه وقال لي اكثر من مرة حياتي كذا وكذا وما اقدر اغير هالشي بسهولة لان هذي حياااااااااااااتي وصعب اتركها،، قلت له ماشي عادي عندي، روح وتعال واسهر واطلع على كيفك،، وفعلا اول الزواج لازم كل اسبوع برع ليومين او 3 اما بحر او بر، وغير جذي لازم يروح عند ربعه في المجلس او يطلع يدور وياهم ولااااااااااااا منعته ابدا بس بشاطرتها الوحدة تخليه يقعد عندها وتطلع لها سوالف تخليه يلتزم فيها... وبعد ما جبت البنت الحمد لله خفت طلعاته وتغير كثير بس للحين ما ترك حياته القديمة بس قلل طلعات كثثثثثثثثثثثثثثثثثثثثييييييييييير وانا اشجعه يرجع مثل قبل ويطلع بس ويانا مرة ويا ربعه مرة...
المرة لما تتم تلح على زوجها يغير شي يتغير شي في نفسيته يرفض التغيير، يعني مو عناد بس نفسيا يكره فكرة التغيير فيكون صعب عليج تغيرينه، بس بيني له انج تبينه يكون معاج اكثر من ربعه،، ولا تخافين مع الوقت بيتغير وبيحس بالمسؤولية بعد الزواج،، انا زوجي الكل يقول ما توقعنا انه بيقدر يشيل مسؤولية بيت، كل همه الطلعات الشبابية، لكن الحمد لله قايم فينا وقايم بالواجب...
فلا تخافين حبيبتي ولا تشيلين هم، وعطي زوجج التصريح علشان يروح يسهر ويطلع على راحته قبل لا يرتبط فيج وغثا الزواج :)
انا السبب وبعدين اجي اشتكي :o
قلت له عندك الخميس تسهر مع اصحابك :mad:
بس كذا الرجال ما يحبوا الي تتشرط عليهم
ان شاء الله اسمع بنصائحكم ممكن بطريقتي اكسبه واخليه ما يطيق البعد عني :D
يا رب يهنيك ويفرح قلبك باحبابك
اختي اميرة
كانك تتكلمي عني وعن خطيبي
بس الفرق انه ماعنده ربع يطلع ويسهر معاهم بس عنده كمبيوتر واجهزة يسهر عليها
انا بعد احسه ندمان انع قرر يتزوج لانه مو مستعد نفسيا ولاماديا ويقول انه ماتوقع هالقد المسؤلية
واذا ذكرت سالفة الزواج ينهم ويتوتر ووووووووو
ويقول الزواج تمشية حال اهيء
بس وش اقدر اسوي تعبت معه في الكلام والفلسفة
بس ان شاء الله مايكون ظرفك زي ظرفي وتنفرج عليكي يارب
والصبر مفتاح الفرج
مرحباااااا
لاتحاتين هالموضوع
ولا تستخدمين الطريقة الاجبارية الي اهيه مسؤوولية مسؤولية مسؤولية كأنها عقاب
حببيه بقعدت البيت بطريقتج ولاتنمنعينه من اي شي لين مايتأقلم على الزوج ويحب يقعد معاج اكثر من الطلعة
لان اسلوبج الحالي اهوة الي يمكن مخوفة من المسؤولية وتذكيرج المستمر خليها على الله وحببيه فييج وفي القعجة في البيت بذكاء وصبري حتى لو السالفة طولت
البنات ما قصرو معاك وربي يوفقك ان شاء الله
درب الحياة;6522866:
اختي اميرة
كانك تتكلمي عني وعن خطيبي
بس الفرق انه ماعنده ربع يطلع ويسهر معاهم بس عنده كمبيوتر واجهزة يسهر عليها
انا بعد احسه ندمان انع قرر يتزوج لانه مو مستعد نفسيا ولاماديا ويقول انه ماتوقع هالقد المسؤلية
واذا ذكرت سالفة الزواج ينهم ويتوتر ووووووووو
ويقول الزواج تمشية حال اهيء
بس وش اقدر اسوي تعبت معه في الكلام والفلسفة
بس ان شاء الله مايكون ظرفك زي ظرفي وتنفرج عليكي يارب
والصبر مفتاح الفرج
اشوف انه يطلع مع الشباب ولااااا يجلس على النت وبلاويه
عالاقل اعرف اصحابه والاماكن الي يروح لها
يا رب يفرج همك ويهدي خطيبك
دلوعته;6522987:
مرحباااااا
لاتحاتين هالموضوع
ولا تستخدمين الطريقة الاجبارية الي اهيه مسؤوولية مسؤولية مسؤولية كأنها عقاب
حببيه بقعدت البيت بطريقتج ولاتنمنعينه من اي شي لين مايتأقلم على الزوج ويحب يقعد معاج اكثر من الطلعة
لان اسلوبج الحالي اهوة الي يمكن مخوفة من المسؤولية وتذكيرج المستمر خليها على الله وحببيه فييج وفي القعجة في البيت بذكاء وصبري حتى لو السالفة طولت
فعلا احس اسلوبي هو الي مخوفه
مسكين طفشته بالملاحظات والشروط :ss:
ان شاء الله يغير طريقة كلامي بخليه يتحمس يقول متى يجي هاليوم :wink:
ربي يسعدك وان شاء الله مشكلتك انحلت :D
s4everk;6523015:
البنات ما قصرو معاك وربي يوفقك ان شاء الله
آمين يا رب
جزاك الله خير ويريح بالك
يا اميرة يا حبيبتي انتبهي انت شن قاعدة تسوين ؟؟ انت ما تعرفين ان الرجال ان حريتهم تتقيد سبحان الله الرجل طبعه غريب جدا الرجل يحب العناد انتي الحظي ان الدكر مند طفولته وهو يسوي اي شي يمنع عنه ومايدور الا في اي شي خشينه عنه و بعدين في مراهقته ما يكون عشقه الا انه يعاند اهله و اللي يقوله عنه لا هو اللي يسويه سواء بالبيت او بالمدرسة و اخيرا في شبابه دايما يحب يفرض رايه و يمشي كلمته انت بكده بتبينيله كأنه انت القيادية في العلاقة و الرجال بطبعه يحب يكون قيادي, و بنفس الوقت الرجل متل الطفل اي كلمة ترضيه و تطيب خاطره
حبيبتي الرجال دايما يحس ان الزواج قفص و انه حيقيد حريته و حياته الحالية اللي اهي في نضره كلها حرية و اندفاع و اتارة و سعادة """"انت حسسيه بالعكس حسسيه انك جنته على الارض و خليه متلهف انك تكوني ببيته وبقولك على نصيحتين رح تنسيه الرهبة من الزواج و صدقيني رح ينفعوك انتي بس جربيهم و شوفي
1. اياك تم اياك ان تسألي الرجل وين رايح و الا مين كان والا مع مين هدا كتر شي يكرها الرجل ادا كلمك و قالك انا طالع لا تسأليه وين رايح قوليله اوكي دير بالك على حالك و ادا رجعت البيت او فضيت اتصل فيني انا بستنى اتصالك و اكيد بكون مشتاقتلك ,,, انا ااكدلك انه رح يقولك وين رح يروح من نفسه و هو مستانس بع و ادا ما قلك لا تسألينه استني الين يرجع و يتصل فيك اول ما تردي عالاتصال قوليله اشتقتلك و ابتسمي ترا و الله الانسان اللي يكون مبتسم و اهو يتكلم في التلفون ينحس و لا تسالينه وين كان واهو رح يقولك وبعد واهو مستانس.
2.اياك تم اياك انك تقوليله لا تروح و الا لا تتأخر و الا لاتنسى انك متزوج و بكدا تأكديله ان الزواج سجن بالعكس ادا قاللك بمشي البحر متلا او البر او القهوة... قوليله اوكي حبيبي استانس غير جو و بس.
اقولك لا تكلمينه كتير و اهو برا عشان ما يتضايق من اتصالاتك و ادا كلمتيه لا تطولين دقيقة و الا دقيقتين و بعدين قوليله اوكي حبيبي انا بستادن انت اكيد مشغول اخليك و لما تشتاقلي اتصل فيني
اوكي حبيبتي اتمنى ان افدتك و لو بالقليل و لي عودة...
حبيبتي امولة و الله ضحكتيني كاتبه العنوان كلام خطيبي حيرني
كان الاصح تكتبي كلامي حير خطيبي هههههههههههه
وعليكم السلام
أختي الحبيبة توكلي على الله ولا تخافي من شي
هذه طبيعة في اغلب الشباب وحتى فينا إحنا البنات
كلنا نحب الطلعات والسهر و و و .. ولكن يمكن احنا اقل بشويه
عموما الاخوات ماقصروا بالنصايح
وماعندي غير اقولك لا تحسسيه انه بيتزوج علشان ينحبس
ولا تحسسيه انك متضايقه من طلعاته (لازم تفهمي انه اصحابه مش منافس لك ,وانما جزء من حياته لازم تحترميه)
حاولي يكون لك انتي شخصيا شى يشغلك .. مشروع انساني مثلا
كوني متميز في مجتمعك ودائما كوني قائده لنشاطات أسريه (مثلا تولي ترتيب جدول رحلات للعائلة كل شهر رحله لمكان برفقه أهله او اهلك , وشجعي نساء العائلة لدعمك ... تولي تشجيع نساء الأسرة على عمل صندوق خيري تجمعوا فيه مبلغ وكل شهر تعطوه لأسره فقيرة .. او أي أفكار إنسانيه في حدود المعقول )
ثقفي نفسك واشغلي وقتك ( بقراءة كتب او بسماع محاضرات , او بالإطلاع على البرامج المفيدة )
يعني عيشي حياتك حتى بعد الزواج
لا تكوني زوجه فقط مهمتها تحسب على زوجها أنفاسه
كوني إنسانه وحاولي تتركي اثر بكل إلى حولك
وصدقيني زوجك لمن يحس انك متميزة وانك لك كيانك الخاص
وتعرفي تستغلي وقتك ولك ثقافة وأسعه
ولمن يشوف إعجاب المقربين بك كل يوم يزيد ...
هو بيميل لك وهو لي بيحاول يكون جزء من حياتك مش العكس
ما أقولك أهمليه بالعكس وقت وجوده كوني ملكه فقط ولكن استغلي غيابه لنشاطاتك الخاصة
وصدقيني هذا مع الوقت بيثير فضوله وبيحس انه مو متزوج وحده عاديه
بالعكس بيحس انه متزوج انسانه واعيه مميزه ومبدعه وبيتمنى يقضى معك وقت اكثر
لأنه الرجال بشكل عام تجذبهم المرآة الناجحة والمتميزة
في حين المنكسرة الى مالها الا شغل البيت وقال فلان وقالت فلانه هذه يملوها نوعا ما
لأنهم يحتاجوا للتجدد ويحتاجوا يحسوا دائما انه زوجاتهم فيهم أشياء كثير لسه ما اكتشفوها
خليه كل يوم يتعلق بك أكثر بدون ما تحتاجي تطلبي منه هذا
ودائما قبل ما تحكمي على كلامه وتصرفاته حطي نفسك مكانه ... وجربي تفكري انك أنتي الزوج إلى عليه يتحمل مسؤولية بيت وزوجه بظروف ماديه صعبه وصدقيني بتعذريه لمن تفكري كذه
(( يعني حرام مسؤولية وكمان في حد جالس يعد عليه انفاسه ويحقق معه والله حرام اكيد بيحس انه مخنوق ))
فحاولي تكوني عون له مش حمل عليه
حاولي تخففي عنه ودائما كوني حيوية ولا تكوني نكديه ولا تكوني محقق
غالبا يهرب الأزواج من البيت لإحساسهم او لحاجتهم للهروب من نقد او تحقيق او طلبات زوجاتهم
ولكن لو كنتي له الصديقة ولحبيبه .... صدقيني ما بيحتاج يتركك أبدا