مشــكلتي الــشك, و ابى رايكن يا خواتي:(

ياعمري انتي انا اشوف انك تسألينه بس لاتحسيسينه بالشك ابدااااااا

صار لج هالموقف مرتين..
كنتي تقدررين تسألينه صوت شنو هذا..

بس نصيحة مني لج..
لا تفتحين له الموضوع الا لما تتأكدين من كلامج
وبعدها فاتحيه وتكلمي معاه بكل صراحة..

والله يسعدكم حبيبتي..

لاتفتحي الموضوع حتى تكوني متاكدة يعني استني اذا صارت مرة تالتة بس احب اقولك الخطأ منك كان لازم لما سمعتي هالصوت تساليه وشوفي اذا كان حيعطيكي رد مقنع او حيتلبك وان شاء الله يكون اللي ببالك مش صحيح

قولي له انج تسمعين اصوات واذا كان عنده بيقول لج ومن رده بتعرفين اذا هو صادق اولا ..
والله يريح بالج

انا مع البنااااااات

اذا سمعتي مره ثااانيه قولي له

وبتعرفين من رده فعله

حبيبتي مافهمت
من اللي طررررررررش لك مسج
عموما
اسمعي تعوذي من ابليس لايخرررب بيتك
ولا يدخل الشك بينكم ويبعدكم عن بعض خلي هاالشي اخررررر توقعاتك في خيانتك
والله يوفقك

وعليكم السلام ورحمة الله وبركاته

بصراحة ما فهمتك كثير

اذا تقصدي الذبذبات الي تصير للمسجل

كثير تحصل لنا في السيارة نسمع صوت الذبذبات ونشوف تلفوناتنا بس ولا واحد فينا رن جواله

اذا سمعتي مرة اساليه بس بدون عصبية

يبين من رده اذا مرتبك وكذا

ربي يريح بالك ويحفظ لك زوجك ياااااا رب

اعوذ بالله من الشيطان .. سبحان الله .. اكبر انتصار له هو انه يدخل بين زوجين ...

شوفي .. انا ماعرف زوجج عشان اقول لج شكي ولا لا تشكين ..

وارد انه يكون صدفه مرتين سمعتي الازعاج مال الارسال وما يكون في تليفون ثالث ..

ووراد انه يكون داس عنج شي ..

انا عن نفسي لو شكيت مستحيل ارقد الليل قبل ما اعرف .. بس ايلسي معاه يلسه حلوه .. وجابليه عينج في عينه و خلج حنونه وياه .. قوليله كيف انتي توثقين فيه وانه الشيطان قدر عليج للأسف و اسئليه .. مستحيل يقدر يجاوب بدون ما تحسين به اذا صادق او لا.. واضح انكم متعودين على بعض .. بتفهمينه يعني ..

بس انا اقول اتريي اذا تقدرين .. اصبري و شوفي .. وسبحان الله يمهل ولا يهمل .. اذا هو شي عنده بيبين مع الوقت مستحيل يقدر يدس هالشي لمده طويلة ..

وتحملي تفتشين اغراضه .. ابدا حتى لو انتي شاكه .. تحملي اختي.. ما تبين الموضوع ينجلب عليج ..


الله يعينج..

شوفي حبيبتي
انتي قولي له بكل براءه ابي موبايل ثاني اضافي اكيد بيقول لك ليش؟؟
قولي له ابي اصير مثلك انت عندك موبايلين وانا ابي بعد
وبعدها بينفتح الموضوع عن طريق انك تبين تشترين مو شاكه فيه يعني وشوفي شنو بيرد عليك واذا قالك من وين عرفتي او ليه قلت كذا قولي له كم مره اسمع موبايلك الثاني يرن وعلى بالي بتقولي ((طلعت حسود ما تحب الا نفسك جيبلي واحد حبيبي تكفى))خخخخخخ
بس مثل ما قلت لك استهبلي وكأن غرضك الغيره منه ان عنده موبايلين وتبين تصيرين مثله
ابد لا تحسسينه انك شاكه فيه انه يكلم غيرك ابدااااااا
تحياتي

الله يهديج بس اختي
وااااااااااايد تصير ويانا ولا جوالي ولا جواله يرن!! يعني عااااااااااااادي
مرة شافني كل ما طلع الصوت طليت على جواويلنا الا قال لي فجأة "مو شرط اذا سمعتي هالصوت يعني جوال بيصيح" وفعلا اكثر من مرة يطلع هالصوت وعادي... وزوجي ما خاش عني جوال ولا شي لاني وايد ارتب سيارته وارفع الاغراض وعادي... ويمكن جوال الشيخ اللي يقول المحاضرة حزتها رن، او اي واحد وياه في المسجد!! وخرب على التسجيل...
اختي لا تخلين مجال للشك في حياتكم بسبب اشيا صغيرة ومالها معنى!! ولا تخلين الشيطان يلعب في عقلج ويخليج تتوهمين اشيا!!
الله يهديج يهدينا جميع

مشــكورين خواتـي و ماقصرتن والله.. يعني احياناً الانسان اتيه فترة شك بس اهم شي انه يشاور الناس العاقلين و مب متسرعين في قراراتهم.
انا و الحمدلله مافتحت الموضوع معاه ولا شي لان الشيطان شاطر.

مشكورين على النصائح والله يفرج هم كل وحده و يرزقها الي في بالها ^_^

زين سويتي حبيبتي...
وفعلا لا تفتحين اي موضوع مع زوجج الا وانتي متاكدة من هالشي....
والزوجة ادرا وحدة بزوجها... ما تعرفين انه يحبج وان لا يمكن يخونج؟ لو انتي شاكة في حبه لج بتشكين في اخلاصه لج....
ذكرتيني بمرة كنت ابي اطلب من زوجي طلب بس مستحية وتميت اقول له بقول لك شي بس ما تزعل مني، ما تتضايق ومقدمة طويييييييييييييييلة ههههههه الين قال لي خلاص قولي اللي عندج وطبعا لما قلت له شاف ان الموضوع سخيف!! غير ان احنا كنا متزاعلين قبلها مو زعل بمعنى الكلمة لكنه كان متضايق ويحط حرته بكل شي حولة وانا كنت صابرة وساكتة لكن لما قلت له هالمقدمة الطويلة قال كنت احسبج بتقولين اشك انك تخونني!!! قلت له حتى لو اشك ما بقول الا لما اتاكد، لان لو تكلمت وقلت يا فلان انا اشك فيك ما بيعيش مرتاح ابدا في حياته الزوجية وبيكون في اعتقاده بعدين ان سبب اي مشكلة تصير او اي زعل منج سببه الشك لا اكثر، وراح تخسرين وقفته ومواساته لج في كل مرة، حتى يمكن ما يناقشج في اي موضوع لو زعلتي عليه بيقول (شك مثل المرة اللي طافت)... فتحملي تفتحين اي موضوع وياه بمجرد من باب الشك...
بذكر لج موقف صادني مرة وان شاء الله تستفيدين منه...
مرة سارت سالفة بيني وبين زوجي واهلهضايقتني وايد وفهمتها بطريقة غلططططط ظلمته وظلمت امه في هالموضوع بس كانت مجرد افكار، قلت بشيل هالافكار كلها من راسي وبساله علشان اتاكد هل تفكيري صح والا وساوس من الشيطان، طبعا ما قلت له ترى انا اشك ان كذا وكذا، ولا قلت له ليش سويت انت وامك كذا وكذا، وانا زعلت وانا تضايقت، لا... قلت له بطريقة عادية وبعد ضحك وسوالف صارت من بيننا، قلت له ليش امك سوت جذي؟ انت قلت لها؟ طبعا استغرب وقال لي ليش تسالين؟ قلت له ابي اتخيل الموقف بس، يعني ابي اعرف تفكيرك كان شلون، انا اعرف امك وحزات اعرف تصرفاتها بس شلون ردت على اتصالي وهي ما تعرف رقمي وعلى طول كلمتني وعرفت انها انا... المهم طلعت مسكينة ومو قاصدة شي وطبعا زوجي تم يزن فوق راسي الا اقول له شنو كان في بالي وما قلت له ان تفكيري كان وسخ هههههههه بس قلت له بس بغيت اعرف...
ومثل ما قالوا الخوات اذا سمعتي هالصوت مرة ثانية وانتي معاه في السيارة قولي له جوالك بيصيح، وبعد ما تشوفينه ما صاح سوي نفسج مستغربة وهو بيرد عليج وبتعرفين من رده اذا كان مرتبك والا لا....

والله يخلي لج زوجج ويخليج له ولا يحرمكم من بعض ولا يفرق بينكم شك

مشكوره يا أم عبدالله...يعني هب انا الوحيده الي اتيها افكار سوداويه:eek2:
هو بالصراحه لو بس دش الشك في الحياه الزوجيه ولا الحرمه حسست زوجها بهالشي الريال بيتضايق واااايد خصوصا لو هو يحاول يسعدها. و زوجي لما اتزوجني ايعرف اني مسكينه وعانيت في دنيتي عشان جذيه هو مايحب يزعلني وايد فاضريت اني اشل هالافكار الشيطانيه من راسي عشان ماخرب بيتي.
كلكم خواتي ماقصرتوا والله يسعد كل بنت ويستر عليها دنيا و اخره ^_^

ما عندك دليل حسي يا اختي لكن الصراحه والمواجهة بهدوؤ ولين راح تساعدك على فهم الموضوع..والله يوفقكم

اختي العزيزة لاتعيشين نفسك في شك وتفكير وتعب
مافي اي دليل
ويمكن هالصوت اللي تسمعينه صوت ذبذبات عن طريق الراديو والله وايد تصير
واذا تكرر هالشي معاج تأكدي بالاول شوفي بسيارته بس لاتفاتحينه بالموضوع الا وانتي متأكده
وتعالي له بطريقه سؤال مثلا
طبيعة عملك تتطلب منك وضع موبايل خاص بالعمل الله يعطيك العافيه ارهاق عليك وعلى اذنك

بس لاتتكلمين الا وانتي في يدك الدليل وتكونون وقتها قويه ولكن اذا مجرد شكوك اسكتي وتعوذي من الشيطان

وان شاءالله ماكو الا كل الخير


دمتم سالمين
اختكم شريفة

الله يبعد عنك وساوس الشيطان حبيبتي
و يخليلك زوجك و تعيشين حياة سعيدة معاه

تعوذي من الشيطان عزيزتي

وترى هالأمور تصير عاااادي،، ياما أكون بروحي بسيارتي ويصير هذا الصوت مثل الذبذبات وموبايلي معاي بس مايجني لا أتصال ولا مسج..

ترى عزيزتي هذا طبيعي الشبكة جذيه،،

تعوذي من الشيطان وأقرأي كل يوم سورة الأنشراح وسبحان الله تحسين برااااحة..

وأتمنى لج التوفيق مع زوجج عزيزتي

حبوبه
صدقيني حتى لوقلتي له سمعت صوت موبايل
بيقول لك لا مافي يتهياء لك
والرجال مستحيل يعترف باخطائه مهما كان
وفوق هذا كله يعاندك

يعني سوي نفسك ماسمعتي شي وانسي
وحاولي انك تسحبيه لك بطريقتك
هو بيمل ويترك خرابيطه
لاكن لوعرف انك عرفتي بينكر ويزيد العناد
اهم شي هو مريحك ومسعدك هذا الاهم
واذا هو يسوي غلط مصيره بيندم من نفسه
ترى الشك هو اللي يذبح الوحده وتقعد توسوس
دايم

وعسى ايامك كلها سعاده يارب
والله يرده عن طريق الغلط يارب
انا ترى اول كذا وتعبت معه وتركت كل الشك
والحمد لله الحيين عايشه حياتي

[BACKGROUND="70 #000000"]
حبيبتي انا حاسه شكك مو في محله

عادي صوت الذبذباات مو شرط في جوال ثاني

اتعوذي من الشيطاان ...

الشيطان ما يحب بني ادم سعيد في حيااته
ودايم يوسوس له ... يا بانه مريض يا بزوج يخون يا انك بتموت يا ان ربي بيهتك سترك

باي شي

فلا تعطي فرصه للشيطان يدخل بينكم

واله يهنيكم ويسعدكمF:
[/BACKGROUND]