ولدت احلى لوجيــــــــــــــــــــــــ فى الدنياــــــــــن

السلام عليكم ورحمه الله وبركاته
والصلاه والسلام على رسول الله
الحمد لله ولدت يوم 26/6/2008 وجبت احلى لوجين فى الدنيا
موعد ولادتى كان 9/7/2008 بس فى يوم الولاده شعرت بتعب شديد جدا وكانت الساعه تقريبا السادسه صباحا
الالام كانت تمزق بطنى وخبط شديد فى اسفل الظهر وكانت حركه البيبى مؤلمه جدا بالنسبه لى
طبعا لان دى اول مره ليه اولد فيها معنديش اى خبره ....ومش عارفه اميز اذا كانت دى الالام ولاده ام لا.....المهم حاولت اتماسك حتى الساعه 11عشر
اتصلت بأمى وطلبت منها ان تذهب معى الى المستشفى للكشف
.....وفى المستشفى......وبعد الكشف .....اخبرتنى الطبيبه ان وضع الجنين مش سليم وضغطى كان مرتفع واخبرتنى الطبيبه ان من الافضل عدم الانتظار وأجراء ولاده قيصريه
توكلت على الله وتشاورت مع امى ووجتها تفضل الاخذ برأى الطبيبه
وفعلا دخلت غرفه العمليات فى تمام الساعه 3 الا ربع عصرا وقبل حقنه البنج دعوت الله بدعوه واحده وهى ان يجمع بينى وبين زوجى الذى يعمل فى السعوديه عن قريب واتمنى من الله ان يكون قد قبل دعواتى
خرجت من غرفه العمليات فى تمام الساعه 3 ونصف نظرت فى وجه لوجين وانا ابكى كنت فى حاجه شديده الى ان يكون زوجى بجانبى فى هذه اللحظه ولكن الحمد لله على كل شىء
اتصلت به لاخبره انى ولدت وفى نفس اللحظه قررت ان اسمى ابنتى بهذا الاسم اللى لم يخطر ببالى قبلها ولكن سبحان الله (قلت له انا بنتى هسميها لوجين)
سمعته يبكى بشده ويقول لى (انا عاوز اشوفك ....ادفع عمرى كله اشوفكم ) اغلقت الهاتف ولم اشعر بشىء بعدها حتى الساعه 11 عشر مساءا
عدت الى البيت ومن وقتها وانا مشغوله جدا بزوجى الذى لم بستطيع ان ينزل من عمله لكى يرانى ويرى ابنته التى انتظرناها سويا لمده 2 ونص من الزواج
انا مش مركزه خالص مع النونو ...فرحانه بيها فعلا ...بس احتاجى لزوجى مخلينى مش عارفه افرح
خصوصا انه مش هينزل مصر قبل سنه كامله
الحمد لله على كل شىء
الحمد لله .....الحمد لله .....الحمدلله