بنتي و شعرها...

شوفــي أختي الماكينــة تخلي الشعر خشن
والأفضــل لو حلفقتوها بالمــوس...

أنا ولدي حلقته بموس وكنت خايفة يطلع شعره خشن
بس الحمد لله طلع نااااعم....

جربي زيت الحبه السوده


بس شو الشامبو اللي تستخدميه؟؟؟

ا ذاكبرت بيتغير للاحسن

خليها تكبر شوي او يطول شعرها ولو شي بسيط وقصيلها ياه مو حلاقة بالموس او الماكينة
قص الاطراف واكيد بيرجع لطبيعته ربي يخليها

:)
استخدمي زيوت طبيعية بس مو اتكثرين خبرج بيبي وحرام اتخلين لها زيوت اتأثر على فروة الرأس ..

استخدمي زيت هملايا وايد خفيف مو ثقيل مثل بقية الزيوت . في نوعين واحد بريحة مو حلوة والثاني بدو ريحة
زيت هملايا خفيف وتتشربه الشعرة ويصير ملمس الشعر مو ذهني عكس زيت الخروع ثقيل وله ريحة واحس يتفاعل في فروة الراس ويمكن ينشط لها الفروة وحرام ولا تنسين ان يدها الطفل احيانا اتروح على الشعر ويمكن يخليها في فمه وهذا خطير .. وربي يسلمها يارب .

نفس شعر بنتي خفيف والحين استعمل لها زيت السمسم ماشاء الله قام يغلض

ان شاء الله لين كبرت بيطلع لها حلووو

بس لو حلقتينه بالمووووس يكون افضل من الماكينة..

لانه المكينة تخشن الشعر...

بس عليش بالزيووت الخاصة بالاطفااال عشان تلين الشعر....

وبوسي البنوتة عني :)

انا بعد نفس حالتج بنتي شعرها خفييييييييييييييييف ...

اول مره حلقناها بمكينه وبعدين بموس ولين الحين شعرها خفيف وبعد في اماكن مب طالع شعر افكر احلقها مره اخيره يمكن يعتدل شعرها شوي ...


امهات شو احسن الزيوت حق شعر الاطفال فيدونا يا المجربات...

انا بنتي شعرها خفيف وايد وف اماكن ما فيها شعر ولا فكرت احلق لها لان كذا وحده حلقت لولدها او بنتها وصار شعرهم خشن بس لو كان ناعم وايد يمكن يرد لطبيعته لما يطول شوي لان بنت عمي حلقت لولدها بمكينة نفسج واول شي كان خربان فعلا بس لما طول رجع مش حرير مثل قبل بس احسن بوايد من اللي ف البداية وان شاء الله يرجع شعر بنتج حرير

اختي اللي اعرفه انه الموس و الماكينه نفس الشي

كل الأطفال لما يولدوا بالبدايه شعرهم يكون حرير

بس على السنه او قبل شوي يظهر الشعر الطبيعي

اختي إذا شعرك انتي او شعر ابوها خشن شوي ممكن يطلع على حد فيكم عادي و غذا حابه تجربي تقرعيها بالموس مره ثانيه عادي ما بتخسري شي توكلي على الله

هلا..

انا كان بودي اكتب موضوع عن شعر بنت اختي ...

بس زين اني لقيت الات كاتبته ،،

شعر بنت اختي غليظ نفس الشئ اما قبل كان ناعم بس بعدين امي حلقتهاا في البيت بالموس وكان نفس الشئ وبعدين ابوهاا رد حلقهاا مره ثانيه بالمكينه وطلع شعر مثل قبل يعني غليظ ..

واكثر عن مره امي اقترحت حق اختي انهم يودونهاا عن حلاق او صالون اطفال ،، بس زوج اختي مب طايع وهي الحين عمرهاا 8 شهر والاسبوع الياي بدش الـ 9 ومب عارفين شو نسوي ..

ابوهاا عنيد ومايسمع كلام حد ..

بليز ساعدوني // مع ان امهاا شعرهاا ناعم و ابوهاا بعد اختي اتقول شعره ناعم بس .. الله اعلم ..