نصائح لتسهيل امورك بمملكتك بدون الخادمه ..

بسم الله الرحمن الرحيم

السلام عليكم ورحمة الله وبركاته ..

كيف حالكم يا حلوات عساكم بخير ان شاء الله ...

موضوعي اليوم عن الحياه من غير الخادمه ..

من هنا بدأ الاستفسار

http://www.3roos.com/forums/showthread.php?t=355275


وبهذه الصفحه سأكتب بعض الطرق لتنظيم امورك

المنزليه أفكاري وتجاربي من 1 الى 11 إن شاء الله

فيه الافاده للبعض سوف انقل لكم الروابط في نهاية الموضوع ان شاء الله ..

لكن موضوعي اليوم

يختلف بتكلم عن بعض الطرق وبعض النصائح

إلي ممكن تساعد الربات لتكملت اعمالهم على اكمل وجه

بدون التقصير بحق الزوج او الابناء او نفسها ..

نبتدي بعون الله تعالى ..

فهو خير معين ..

/////////////////////

الحياه من غير الخادمه ..

ما راح اقنعكم ان الحياه حلوه من غير مساعده الخادمه

واقدم لكم الافكار والخبرات وكأن بأفكاري راح تنتهي معاناتك

ولا راح اقول لك ان الاجهزه تغني عن الخادمه

ولا راح اقول ان الخادمه مهي مهمه وانتي بنفسك تقدرين وتقدرين

لأن كلامي بالنهايه ما راح يقنعك الا لأيام معدوده ..

تبين الكلام الحقيقي ..

الحياه متعبه بجد

واعمال المنزل شي مجهد لربة البيت

والروتين يذبح النشاط والحيويه

حتى اهتمامك بنفسك راح يقل تدريجيا

تبون اكثر من كذا سلبيه :cool:

طيب وش الحل بنظركم ؟؟؟

خلونا على ارض الواقع انتي ببيتك وبمملكتك

تتوقعين لما احد يدخل عليك ويشوف بيتك بالمنظر الغريب الي هادته

راح يلوم اطفالك او زوجك لاااااااااااا انسي يا قلبي

انتي عنوان البيت وانتي الواجهه وانتي المسئوله الوحيده عن بيتك

ونظافته ونظامه وترتيبه وريحته وتربية اطفالك والاعتناء بزوجك

وهم نفس الوقت ما راح تقدرين انك تسوين كل هذا وتفتحين الباب

لزوجك او اي احد يزورك وانتي مهمله لشكلك وثيابك وريحتك واناقتك و حتى نظارة بشرتك ..

تقولين الجدول ما نفعني وما اقدر استمر عليه الا ايام وبعدين امل واكسل

تقولين والله العيال وطلباته ويا دوب انام وانا بس امسويه الاهم والباقي على الله اليوم الثاني بكمله ..

والاعذار تتراكم على بعض مثل اعمالك الي مثل الجبال يوم بعد يوم ..

الخادمه هل هي الحل ..

لمدة سنتين !!!

أربع خمس !!

الى متى وانتي محتضنه شريكه ببيتك ؟؟

والى متى بتحسسين نفسك انك ما تقدرين انك ترتبين امورك بنفسك ؟؟

الخادمه لدواعي العمل ممكن تجيبينها ..

الخادمه لدواعي المرض لا سمح الله ..

الخادمه لدواعي كبر المنزل وعدد الافراد ممكن تجيبينها ..

................

لكن المصيبه لما نشوف الخادمه ببيت وحده ساكنه بشقه ثلاث او اربع غرف والمصيبه انها ما تشتغل بعد

ما اهاجم يا حبيباتي بس بالله عليك وش الي يخليك تستعينين بالخادمه وانتي بشقه او انتي ربة منزل ما تشتغلين ؟؟

..........

تراني ما خلصت الموضوع هذي البدايه والمقدمه

والحين راح اتكلم عن كيفية تعزيز ثقتك بنفسك انك

تسوين الي عليك بدون مبالغه وبدون تقصير ..

........

بما ان بنتكلم عن الحياه بدون الخادمه راح اتكلم عن الربات الي ساكنين بالشقق

وشلون نقدر نخلي امورنا مرتبه من غير تعب وكرف بشكل متكرر باليوم ..

عشان نقدر نريح باقي اليوم ونشوف نفسنا واطفالنا بدون ما يشغلنا الاعمال اليوميه

اوعدكم ان ما فيها جداول بس فيها تنظيم لأمورك راح تقدرين بعدها انك تنتبهين للامور الصغيره

الي يخلي بيتك مثل الجحيم

اكيد في منكم يحس انه بيختنق كل ما يشوف ان اعماله متراكمه لكن بنفس الوقت ما يقدر يقوم يسويها ويفك عمره ..


.........

ملاحظه للبعض عشان محد يفهم كلامي بشكل خاطئ

دخلت القسم واول موضوع لي مساعده ان حياتي انقلبت بعد

سفر الخادمه ...

من اول سنه من زواجي كانت الخادمه مهمه بالنسبه لي
ولكن بعد تفرغي التام للبيت وترك العمل

سفرت الخادمه رغم كبر البيت وبدأت المعاناه لأن عمري ما كنت

مجربه الأمور المنزليه بشكل مباشر من غير مساعده ..

لكن توكلي على الله وثقتي بالله

جعلني ابتكر امور تسهل علي اعمالي

وخبراتي كانت وليدة اللحظه لي وقت عملي اليومي

لتسهيل اموري ومنها كتبتها ونقلتها من معاناتي الى افكار للإفاده

حتى الجميع من كان يعاني مثلي يستفيد وتتسهل اموره ..

وصدقوني كل شي ممكن يسهل عليك

لمجرد ثقتك بنفسك انك تقدرين ان اهل بيتك ما يحتاجون الا لك

ودورك ووجودك بالبيت هو الاهم بالنسبه لهم من الخادمه ..

.............

ملاحظه ثانيه :

يمنع منعا باتا من نقل اي موضوع لي لأي منتدى آخر

بدون ذكر المصدر منتديات عروس وايضا ذكر اسمي تــــرانيم

وايضا الدعاء لي بالخير بنهاية النقل ..

بصراحه كثير حزنت من بعض الاخوات الي نقلوا جميع مواضيعي

بدون ذكري ابدا ..

وبدون حتى الدعاء لي بالخير

وكل واحد وضميره , والله ما يضيع حق أحد إن شاء الله ..




@@@@@@

لي رجعه لتكملة الموضوع ...

الى اللقاء في الغد ان شاء الله ..