كان السبب في وفاة والدته...فماذا قـــاال؟؟!!<<<قصيده رووعه لاتفوتكم

قصيدة كتبها شاب عمل حادث سيارة و والدته كانت معاه .. الوالدة توفت وهو أصيب بإصابات خفيفة .. و هذه الأبيات قالها للي يواسونه



يواسيني وأنا الميت وحالي يجبر الدمعات
تسيل من الذي فيني ويبكي وهو يواسيني

وأنا أبكي وأتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وأنا ابكيها وتبكيني

وكنه حلم قدامي يقيدني من الصرخات
أبي اصحى ولكني عجزت ألقى اللي يصحيني

فداك القلب يا يمه ومهما قلت من كلمات
صغيره في كبر حقك بس أتمنى تعذريني

نهبت الفرح من بيتي صحيح إني خسيس الذات
صحيح إني ولد طايش وكل ما اسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم أكبر وهو أصحاب المأساة
وأنا أتحدى إذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي أباكيه ويبكيني

عطيتيني بدون حساب ولا سمعتك تقولي هات
وأنا أشرب حيل من دمك ودمك ما يكفيني

يا يمه أرجعي كافي ابجلس معك لو لحظات
وأقبل يدك ورجلك وأفرش لكي رمش عيني

يا يمه ما تحملتهم يقولوا فات ما قد مات
تعالي غيري هالقول وأعطيك باقي سنيني

واترك عادة التدخين وأنفذ ما تبي بسكات
واصلي الفجر في المسجد قبل منتي تصحيني

يا يمه ارجعي تكفين وطفي شمعة الآهات
أبيك أنتي ولا غيرك على موتك تعزيني