رأيكم ايه في الملابس الفورمال للانترفيو ؟ و صور من دولابي

انا بصراحه رأيي هو البلوزه البيضه وبنطلوووون بلاك ====<<< رسمي >>>====

التايور رسمى اكتر مع بادى لونه اغمق بتانجى مثلا
وطرحه ربط عادى لفتين فى بعض درجه التايور ودرجه البادى مع ميكب روز هادى

حتبقى زى القمر وفى نفس الوقت رسمى

ودا راي
وناس اذواق

انا رائيى التايور احلى واشيك كمان مع
ربطة طرحة جميلة وميكب خفيف هتبقى ذى القمر
وتتقبلى ان شاء الله فى الشغل وتجبيلى الببسى:D

انا احس الاول احلى لكن بما انك محجبة يمكن الثاني استر

حرم العقيد;6511877:
انا بصراحه رأيي هو البلوزه البيضه وبنطلوووون بلاك ====<<< رسمي >>>====

بشكرك كتير علي اهتمامك
و بصراحة انا كمان حابة اكتر البلوزة و كمان حاسة ان التايور بلدى شوية لكن البلوزة مش قادرة اقتنع بيها فورمال لانترفيو
شكرا مرة تانية و جزاك الله كل خير

shiryqueen;6512105:
التايور رسمى اكتر مع بادى لونه اغمق بتانجى مثلا
وطرحه ربط عادى لفتين فى بعض درجه التايور ودرجه البادى مع ميكب روز هادى

حتبقى زى القمر وفى نفس الوقت رسمى

ودا راي
وناس اذواق

شيري كوين ميرسي اوى يا حبيبتى علي اهتمامك و ردك بجد الف ميرسي علي نصايحك
انا فعلا شايفة التايور اكتر رسمى بس مش حاسة انه بلدى شوية ؟؟؟؟؟؟؟؟؟؟؟؟:rolleyes:

bosy1;6512469:
انا رائيى التايور احلى واشيك كمان مع
ربطة طرحة جميلة وميكب خفيف هتبقى ذى القمر
وتتقبلى ان شاء الله فى الشغل وتجبيلى الببسى:D

ميرسي يا بوسي
و عنية ليكى مش بس هجيب لك بيبسي لا هجيبلك محل بيبسي بحاله بس انتى ادعيلي:D
بس انا شايفة التايور مش شيك مش عارفة ليه خايفة ان الناس تحسه بلدى , اصل بحس ان موضة التايورات دى انقرضت من قرن :D بس نعمل ايه بقا في ذوق ماما :D
علي كل حال ياريت لو ليكى اقتراحات تانية تقوليهالى

بدور الليل;6512503:
انا احس الاول احلى لكن بما انك محجبة يمكن الثاني استر

حبيبتى ميرسي جدا
بس للعلم البلوزة طبعا لو فكرت البسها هلبس تحتها بادى كارينا بكوم فمتقلقيش هى مستورة بردو:D
بس انا فعلا بحسها اشيك و محتارة :confused:

[SIZE="5"]يا جماعة بلييييييييييز يا ريت مش بس تقولو رايكم في الصور انا عاوزة لو حد عنده اقتراح مختلف يقوللى انا عندى استعداد اشترى طقم مختلف تماما[/SIZE] " انا مترددة جدا :confused:"

شوفى ياقمر الكلام ده منقول من مجلة حجاب وقلت اكتبهولك عشان تستفيدى بيه

1_ يجب ان نستعد للمقابلة بيوم على الاقل نراجع دولاب ملابسنا ونختار بدلة انيقة او تايير بلون داكن كالاسود والرصاصى او الكحلى ( تذكرى ان سيرتك الذاتية ومهاراتك حصلت لك على ميعاد المقابلة ولكن طريقة ملبسك ستعبر عن شخصيتك)

2_حاولى الاعتدال فى ماكياجك وابتعدى تماما عن الالوان الصارخه او الاقمشه اللامعه او الغير مناسبة مثل الساتان والدانتيل

3_ ارتدى حذاء مريح مقفول من الامام حتى لو كان الصيف حار او الموضة الصنادل المفتوحة ويفضل ان تكون الشنطة تتماشى مع لون الحذاء او على الاقل غير ملفتة للانظار وتعلق على الكتف حتى تجعل اليد حرة للسلام او لمسك نسخة من السيرة الذاتية


4_اذا كنت فى بداية حياتك المهنية يجب ان تراعى جيدا ان ما كنت ترتديه فى الجامعه او عند الخروج مع الصديقات قد لا يناسب تماما مقابلات العمل الرسمية كلما كان سنك صغيرا كلما كان من الافضل ان ترتدى ملابس رسمية لاضفاء سمة الوقار والالتزام على اسلوبك

5_ يمكن أستبدال البدلة الكاملة بجاكيت ويتم توفيقه على جيب او بنطلون مع مراعاة ارتداء قميص او بلوزة من اللون الفاتح تحت الجاكيت الغامق

6_ابتعدى تماما عن الجينز حتى لو كان فى شكل بدلة فالجينز يندرج تحت قائمة الملابس الكاجوال والاحذية الرياضية مرفوضة تماما فى اماكن العمل الاظافر الطويلة ايضا غير مستحبة على الاطلاق واذا قمت بطلاءها يفضل ان تكون الالوان فاتحة جدا او الاكتفاء باللون الابيض او الفرنش مانيكير

7_بالنسبة للاكسسورات لا ترتدى أكثر من حلق واحد ويكون صغير وانيق ولا ترتدى فى المعصم الشمال غير الساعة وفى المعصم اليمين قطعة واحدة من الاكسسوار على الا تكون ملفتة للنظر اكتفى بغويشة واحدة او اثنين على الاكثر على ان تتاكدى الايحدثوا صوت أثناء المقابلة واكتفى بخاتم واحد فى كل يد بالاضافة الى دبلة الزواج ان وجدت

8_ كذلك لا يصح دخول المقابلة أثناء مضغ اللبان أو وانتى تحملين زجاجة مياه غازية ولاتنسى اغلاق التليفون المحمول او جعله صامتا

9_ اهتمى بالتفاصيل الصغيرة مثلا لاتجعلى شعرك يسترسل على عينيك من الافضل تسريحه للخلف واذا كنت محجبة قومى بكى الايشارب وملابسك وتأكدى من تلميع الحذاء

10_ببساطة ارتدى ما سيكون مناسبا للوظيفة التى انتى متقدمة لها وابتعدى عن البهرجة سواء فى حجابك او شعرك او ماكياجك او حتى اسلوبك فى الكلام
واخيرا كونى ايجابية فى اسلوبك وتصرفاتك وحديثك وتحلى بالثقة بالنفس

بس خلاص معلش طولت عليكى بس قولت اكتبه ليكى عشان تستفيدى منه والسلام ختام
وان شاء الله الاقيكى كتبه موضوع تانى تقولى فيه باركولى انا استلمت الوظيفة

ronabella
ميرسى ياقمر وان شاء الله تتقبلى فى الشغل يااارب

بصى انا عندى كام صورة لبدل رسمية ممكن تنزلى وتشتري ذيهم او لو عندك وقت تفصلى على السريع كدة



التايور دة حلو جدا وشيك بس طبعا الجيب يكون اطول علشان الحجاب

الآول آحلى من وجهة نظري




دمتي بود