احلى و اروع و افخم عطر جربته بحياتي + نصيحة

بنات شحالكن ,,

بصراحة انا اموت بشي اسمه عطور و فعلا هي الشي اللي لو الواحد يصرف عليها فلوووووس ما يندم لانها شغلة مهمة


انا جيكت عطور كثيييير و كنت بسرعة اتملل منهم .. و العطور رغم ان سعرها شوي غالي بس بسرعة تروح ريحتها و كل شوي ارش لي خصوصا وقت الدوام ..


المهم كانت وياي وحدة بالدوام ماشاء الله تقعد صوبي تقريباً كل يوم ساعة طالما هي قاعة ريحة عطرها ضاربة بمخي .. يعني الريحة هاااااادية و حلوة بنفس الوقت قوية .. الريحة فضيعة


سالتها عن العطر و قالت لي اسمه incilence


بنات ترى في عطر ثاني اسمه incidence ومو زود واجد


بنات جربوه و الله ماراح تندمون


سعره 100 مل بثلاثة واربعين دينار

و طبعا بأماكن العطور العادية يجي ارخص بواجد بس مو الاصلي و حتى لو جى اصلي ما يقل سعره عن ثلاثين دينار ...






و بعطيكم نصيحة .. في بنات كثييييير يحبون يشترون العطور اللي يقولون عنها العضوات فلا تحكمون ابدا على العطور من اول ما تشموها لان بعض العطور كنها فليت اول ما تنرش و بعدين تصير جنان و بعضها العكس ريحتها بالبداية حلووووووة بس عقب كم دقيقة تروح ..

فلا تشترون العطر دايركت حتى لو عجبكم .. امهلو عليه عقب ما ترشونه على يدكم او شي لين تعرفون مدى ثباته ..


و شخصيا عقب ما انخدعت بعطور كثيرة .. ما افضل اشتري اي عطر الا و اني عارفته يعني وحدة من معارفي تستخدمه و عارفة تركيزه ..



:) و ثنكس