السلام عليكم بنات .. خبرتكم بليز ^^

مش فاهمة ياريت تفهميني انتو متزاعلين مع بعض ولا هو بس مابيتصل ؟؟

عزيزتي


ليه الخوف والقلق هذا كله..

هذا طبيعي جدا .. الرجال طبيعته كذا .. يحب الحرمة اهي اللي تدق عليه اهي اللي تطرش له مسجات واهو ها احيانا يدق إذا طنشتي يومين او ثلاثة

انا مخطوبة زيج .. مكالمة وحدة باليوم مره انا ادق واحيانا اهو

وبالاخير صرت ادق يوم ايه ويوم لاء .

يعني عادي يا عسل .. وسعي صدرك .. حنا البنات رومانسيات وحساسات بزيادة وودنا نملك الرجال من كل مكان لووول


بالتوفيق ان شاء الله..

بعد عمري اني مريت في هذي المرحله تخيلي انه زوجي بعد الخطبه بأسبوع بس بدأ يكلمني ،، يمكن بعد الخطبه بس يوم رحت بيت اهله يعني البيت العود تغدين هناك وحتى ما قعدت معاه وايد وبس بعدين شوي شوي في بعض الريايل يستحون وهذيله احسن نوع صدقيني وآنه الحين والحمد لله مستانسه مع ريلي ،، على الرغم من انه دلوع ويبي كل الإهتمام حقه لكن وله احسن من جذيه والحمد لله

بالتوفيق ولا تزعلين وخلج معاه وبيني لج اشقد انه عزيز لانه الريايل يحبون الإهتمام فيهم مثل اليهال

اختي امول ..

لا لا سمالله علينا ما مدانا تزاعل .. والله لا يجيب الزعل ..

بس يعني احسه ما يتصل .. يعني لازم انا اتصل فيه عشان يكلمني .. وهذا الي مضايقني ..

..

اختي دريم ويب ..
مشكوره فديتج ع هالكلام والله ريحتيني .. زين ان في احد جي .. انا عبالي اغلبهم هم الي يتصلون ..

^^

..

عنوني ..
خخ والله توني اعرف .. الله يوفقج ويا ريلج .. ويوفقني معااه .. والله اني خاايفه .. بس الله يستر ..

..

قلبي وردي ..
والله ما اعرف كيف افتح الموضوع معاه .. لان كلامناا كله عن الاهل والمواقف الي تصير .. وضحك وسوالف .. فاحس سوالف مثل جي ما تدخل في هالموقف ..

الله يعيينا جمييعا ان شاءالله ..

^^

صبري شوي عليه لين ياخذ علييج تلاقين هو اصلن مرتبك وخايف يوم يتكلم معاج يقول شي يضاايقج او انه نصحووه انه مايكلمج واايد عشان ماتصير بينكم تش او خلافه والله ييسر امورج حبيبتي ونسم اخبار حلوه

حبيبتى والله انا لما خطبت ما كان خطيبى يكلم فيا اول الايام مستحى ونحنا بالليبي نقولو متحشم وكنت انا مضايقة جدا وقلت هذا انسان معقد بعدها نصحتى صديقتى وقالت انت لما يكون واحشك اطلبيه ودقى عليه ما تستحى واحكيلا على يومك واخبارك حسسية انم مشاركتيه فى تفاصيل حياتك وانا نفذت النصيحة هو فى الاول كان مرتبك وما يعرف يتكلم بس الان والحمد لله مستحيل يمر يوم بلامكالمة يطمن على ويسمع صوتى انتى اهتمى بيه وهو حيشعر بحبك

دامكم توكم مخطوبين
يعني اكيد مستحي شوي .. واكيد شوي شوي راح يتعود عليج وبيتصل لج كل يوم..

بس انتي بدي تتصلين
ترى ما فيها شي.. انتي بدي معاه واتصلي لما يتعود وبعدين بصير ان شا ءالله كل شي اوكي..
:)

حبيبتي انتوا توكم في البدايه
بقولك طريقه تخليه ما يستغني عنك ابداااا انتي خلي الي بالقب بالقلب ولا تسألين ولا تبوحين بمشاعرك حاليا وبغض النظر عن الحب هالطريقه بتخليه يتعود عليك ويجن فيك.
انتي حاليا لازم تتعبين شوي معه يعني يوميا اتصلي عليه صبح ومساء وعصر ولو كلمتين
مسجات دوووم لا تقطعينها وعوديه عليك خليه يتعود انك يوميا تتصلين وتسألين عنه
وبعدين فجأه بعد اسبوعين لا تتصلي وشوفي كيف هو بيتصل
ويسأل عنك ويقول ليه ما دقيتي؟؟
انا بالنسبه لي يوميا تقريبا 5 او 6 مرات اتصل على خطيبي ويتصل فيني ويعطيني واعطيه تقرير يومي
واذا ما دقيت عليه او ما رفعت يزعل مني موت
اتمنى لك التوفيق
تحياتي

اذا تووك مخطوبه عاادي الوضع بس اعرفي كيييييييف تعلقينه فيك ويسير ما يقدر الا يسمع صوتك ...

ربي يوفقك ...

حبيبتي والله الثقل زين موضروري كل يوم انتي اللي تتصلين خليه يفقدج ويشتاق لج بعدين حلاته ما تطيح الميانة بهالفترة عشان تستانسون بعد الزواج

الله يوفقج
الريال يحب زوجته تتصل اذا كان من النوع الخجول

اول شي حبيبتي مبرووووووووك وربي يتمم بالخير و يجمع بينكم بالحلال ...
البنات بصراحة ما قصروا و تمنين اني افيدك بس ما عندي خبرة و ما انخطبت لسة بس اللي اقدر اقولك عليه ان احنا البنات عاطفيات و حساسات وايد في هدي الامور ترا الموضوع طبيعي لاتشغلي و تخلي الاوهام تتسلل لقلبك , انت اصبري و لا تستعجلي الامور و انشاء الله بيتم كل شي متل ما تبين و اكتر بعد.

الله يوفقج يااااااااااااااااااااااااارب

مشكوريين بناات ع رفع المعنويه .. بس والله اليوم صايدني شعور مب حلوو .. احسه بس يكلمني عشان يجاملني .. بس هو يمكني عادي ويضحك .. بس والله احس اني مب هامته .. يعني يكلمني اكثر شي نص ساعه .. وعقب خلاص .. يعني بس اذا اتصلت له مره ثانيه رد علي .. والحين ما ادري شفيه ما قام يرد على مسجاتي ..

والله ما اعرف شسوي ..

=(

انا وخطيبي كل يوم نتصل على بعض اكثر من 20 مره دايما اتصالات كل شوي كمان بيجي عندي اذا بيشتاق لي الله يخليه وكمان بنخرج مع بعض نشم الهوا ونعيش حياتنا اتمنى انك تجذبيه باي طريقه ...انا كنت بالبدايه مجننته كل يوم ابعثله راسئل اكحيلو شو بيصير معي لو مرت بسينه من قدامي احكيلو ...لو الدنيا مطرت ابعثله اقولو حبيبي الجنيا مطر ...يعني لازم على اتفه الاشياء تبعثي وكذا يتعلق بمسجاتك ويستناهم على نار ...ويا ويلوو اذا انقطعتي ما حيقدر يعيش راح يتصل يسأل وبعدها طبعا راح يقولك اشتقتلك وكل يوم الاشتياق يزيد بعد ما تخلصي مرحلة الاتصالات لازم تعوديه كل يوم تتصليلو بالليل لما تنامو ....وما ادراك حكي الليل وااااو لازم تستعملي هذا السلاح وتحاولي تدخلي قلبه تحكيلو عن حالك وشو صار معاك وكيف قضيتي اليوم...

باختصار هذي المسأله مسألة تعويد عوديه عليكي بعدها حيموت اذا ما سمع صوتك او شافك .....شوي شوي اسحبيه واجذبيه....


ربنا يوفقك مع خطيبك ويصير يبوس تراب رجليكي ...


اااااااااامين

مشكووره اختي نزهة الزمان ..

والله يهنييج مع خطيبج .. والله يوفقني معااه .. والله اني خايفه .. في بعضهم يقولونلي لا تصلين وخليه يحس .. وانتو تقولون اتصلي واعوده علي .. بجوف اذا قدرت اليوم اتصله فليل بتصله .. بس احس اني ما اقدر ..

والله يستر ..

^^

شوفي يمكن يستحي
انا اول ما ملجت كان يستحي اكثر مني ههههههههههههههه
حتى لما اجا يبي يقعد معاي قال لاخته خليج هاوشته قالت له يا اخي هذي زوجك ههههههههههههههه وطلعت... تم ربع ساعة وما كلمني هههههههههههههههه
واليوم الثاني ما دق علي لليل تخيلي، واخر شي دقت علي اخته تقول اخوي يبي يكلمج ، بيدق عليج بعد عشر دقايق ههههههههههههههه... لما دق علي قال لي كلمتين وانه يبي يجي علشان يعطيني المهر ونتفق على وقت حفلة الخطوبة وقلت له خلاص تعال يوم الخميس، وبسسسسسسسس صك عقبها التليفون، واليوم اللي بعدها طرش لي مسج وقال لي اذا فاضية كلميني ومادري ايش كان يبي بعد بس انا قمت اجر الحجي، وطبعا قمنا نسولف ووقفنا في نص السالفة وقلت له اكلمك بعدين، وصدقيني هذي احسن طريقة، لما تقولين نص سالفة وتسكتين هههههههههههه تخلينه غصب بعدين يكلمج،، والحمد لله بعد حفلة الخطوبة كل شي تغير وقمنا نسولف ويا بعد في اليوم مليون مرة، حتى مرة قال لي لو انج ما كنتي تسولفين وياي وتاخذين وتعطين وماخذة راحتج ما كان تجرأت اتصل واسولف، احس اني ثقيل دم لما اتصل وما تسولفين وياي...
دقي عليه عادي واسالي عنه او اعزميه على عشا في بيتكم، يعني سوي حركات ههههههه

شوووفي اذا خليك ثقيلة ولا تدقين عليه
بس اذا اتصل عليك
يعني بعد يومين ثلاثة
قولي له اشتقت لك وحشتني موووت
واذا كنتي تستحين قولي له عاش من سمع صووتك
وش دعوووة تتغلى علي
وبيني في صووتك انك زعلانة ليش ما سمعتي صوووته
وقبل لا يسكررر التلفون اذا قال لك تامرين على شي
قولي له بدلع متى بتكلمني مرة ثانية
واذا قال لك ماييدري قولي لا حدد لي موعد لاتطوول علي
وكذا راح يتشجع راح يشوووف انك تبغين اتصاله