قال تعالي (وشاورهم في الأمر فإذا عزمت فتوكل على الله)

السلام عليكم ورحمة الله وبركاته يا بنات .

لي صديقة مطلعة على منتدي عروس بس مومشاركة فيه شفتها امس وعطتني ورقة وقالت لي كتبيها بالحرف الواحد في المنتدي .تقول ...................................................................................................................؟

أنا فتاة مقيمة في دولة الكويت لكني لا أحمل جنسيتها و لا جنسية أي دولة اخري , بشكل أوضح (أنا من فئة غير محددى الجنسية = البدون) عمري 23 سنة ولم يسبق لي الزواج و لم يسبق أيضا أن تقدملي أحد طلبا للزواج .؟؟ (على الرغم من) الجمال الفوق متوسط إاللي اتمتع فيه وسمعتي وسمعة أهلي الطيبة والشهادة العلمية (دبلوم) .
وعلى الرغم أيضا من كبر عدد عائلتنا ووجود 4 اعمام كويتيين لي , لكل منهم لايقل عن 10 أولاد أغلبهم أكبر سننا مني و لكن سبحان الله ماكان لي نصيب مع أي أحد فيهم .
أولا للحزازيات اللي بين أمي وبين زوجات أعمامي . ثانيا للحزازيات إاللي بين أبي وبين اعمامي (خلافات على الجنسية) ثالثا لإنقطاعي عن التواصل التام مع أعمامي وبأي شكل من الأشكال منذ مايزيد عن 10 سنوات .
وإنقطاعي أيضا عن العالم الخارجي منذ نفس المدة (10 سنوات) ,.. لا تواجد لي في أعراس أو عزائم او تجمعات نهائيا لدرجة إن أي وحدة من معارفنا تشوفني بالغلط في مكان ما >> تشهق من الفرحه وتسلم على بحرااااااااااااااااااااااااااااااارة .
أمس زارتنا إمراة من معارفنا وهم أيضا من فئة البدون وطلبتني لولدها البكر المطوووووووووووووع , 27 سنة .
أنا طول عمري أدعي الله سبحانه وتعالي أن يرزقني بالزوج الصالح !!
بتقولون الحمدالله الله إستجاب دعائج ............................؟
بقووول لكم ايه الحمدالله بس في مشكلة
إن الولد معاشه ضعيف وبيسكني في غرفة في بيت أهله (موشقة) ورافض فكرة اني اتوضف او اسوق سيارة.
بتسئلون (شنو وضعج في بيت أهلج؟؟)
وضعي في بيت اهلي مواحسن من الوضع اللي بعيشه في بيت زوجي .
أنا الوحيدة في بيت أهلي (ماعندي خوات لكن عندي اخوان ذكور)
تربيت في بيت العلاقة بين أفراده متوترة ومنقطعه !!
إيه منقطعه لاتستغربون؟؟؟
احنا في البيت مانكلم بعض الا اذا بنسوي مشاكل
مانقعد ناكل مع بعض
ولانسلم على بعض في الأعياد والمناسبات
و امي وأبوي من وعيت على الدنيا في صراع دائم >> خلافات ومعارك مابقي احد من العائلة ماعرف او تدخل فيها .
الله على الايام اللي كنه نفزع فيها من عز نومنا الفجر على أصوات الصراخ . لنتفاجأ بوجود كبار رجال العائلة في بيتنا ليحلوا نزاع بين امي وابوي وهم الحين بحكم المطلقيين من أكثر من 15 سنة لكنهم في بيت واحد أمام الناس فقط . يعني كل واحد ينام بغرفه بروحه ومابينهم كلام او سلام نهائيا .
أبووي عصبي ومايعترف بشي إسمه حقوق مرأة أو بمعني أصح يحتقر المرأة .
تدرون لدرجة شنوو؟؟
لدرجة ان من اكثر 15 سنة ماعطي أمي دينار واحد .
وإخواني تشربوا تحقير المرأة من ابوي
انا عندي دبلوم من 3 سنين >>> ابوي رافض اني اشتغل
ويعطيني مصروف 20 دينار بالشهر >> 200 ريال سعودي او اقل ؟ ومرات مايعطني !!
ومالي حق إني اروح جمعية أو صالون
ولا اطلع أتمشي مع رفيجاتي او بنات معارفنا
حتي اذا مرضت واحتجت اروح الطبيب ماالقي احد يوديني
أمي تعاملني كأنها مرت أبوي
وبعطيكم مثال 1 >> سويت عملية مرارة من 3 سنين .. دشيت المستشفي بروحي وكنت خايفه من البنج كنت ابجي ومو لايقه احد يمي . دشيت غرفة العمليات بروحي . ماجااااني احد لا امي و لا ابوووي يخفف على او يطمني قبل لا ادش غرفة العمليات وطلعت من غرفة العمليات بروحي وقعدت بعد العملية يومين في الجناح بروحي محد زارني .. حتي الحريم المرضي بالاجنحه اللي حواليي مستغربين يقووولن مانشوووف احد يزووووورج انتي مقطوعه من شجره؟
وانا عايلتي ماكو اكبر منها في الكويت بس دشيت المستشفي بشكل طارئ محد يدري من عايلتي واهلي (امي وابوي واخواني) مازارووووني ..
وامي على ادني شي تدعي على بالمرض والموت و و و و و .... الخ
هي امية وقاسية وعصبية وحقودة (ماتحب الناس)
اقسم بالله العظيم ان اللي قلت لكم عنه 1% من وضعي الحقيقي
وطولت عليكم بالكلام بس عشان أحطكم بالصورة .. أنا ماعندي خوات وعلاقتي ببنات معارفنا مقطوعه وماادري شنو أسوي؟؟
أقبل بالمطوع والا ارفضه؟
اذا رفضته أخاف مايتقدملي غيره لانه محد تقدملي من قبل؟؟ وانا موصغيره عمري 23 سنه ووضعي في البيت لايطاق .
أنا ابي زوج صالح بس هم مايمنع يكون مرتاح ماديا . هم مايمنع وضعي في بيته يتحسن عن وضعي في بيت اهلي . أنا بنت و ودي اطلع واروح وارد والبس واستانس في حياتي (موعيب ولا غلط) ,,
بالنسبة حق صلاة الاستخارة ؟؟
بعد ماطلعت أم الولد من بيتنا . دشيت داري وصليت استخارة ومن حزتها وقلبي مغبوووض وحزينه ومتضايقة؟؟
مع اني اقول سبحان الله الرجال مطوع والكل يشهدله بالاخلاق الحميدة شنوو ممكن يكون فيه ضرر على عشان قلبي ينغمت جذي من بعد صلاة الاستخارة ؟؟؟
سبحان الله يعلم ولا نعلم و هو علام الغيوب .
شنوي اسوي شووووروا على .................................................؟
إنتهي كلام البنت .. وهي بتدش تقرا ردودكم وأراأكم . لاتقصرون معاها .