كيف فطمتو اولادكم ادوني حل

اختي اول شي ماقلتي لنااا كم عمر ولدك

كــم عمــر ولـــدج؟؟؟

عمره سنه ونص

سلام ...

حبيبتي صابرة سنة و نص و ألحين يوم بقى لج كم شهر بس على السنتين بإذن الله تبين تفطمينه ؟؟؟ أنا رايي لو تكملين معاه السنتين أفضل لج و له ...

و عن كيف تفطمينه لازم بالتدريج أول شي تخففين عدد الرضاعت .. و على راحتج تبين توقفين رضعة الليل أو العصر أو الصبح .. إللي يناسبج أكثر... بس أهم شي تخففينها تديجياً على مدى الأشهر القادمة يعني كل مرة توقفين وحدة من الرضعات أتصور تحتاجين بعدها إلى إسبوع على الأقل و بعدها وقفين رضعة ثانية .. إلى أن تصلي إلى رضعة وحدة .. أنا إتبعت هذا الإسلوب مع أولادي و بالذات ولدي الصغير أذكر التفاصيل أكثر .. بدأت أخفف رضعات النهار و هذه تعتبر شوي سهلة لأن ممكن ينشغل باللعب أو أي شي مثير بالنسبة له .. و بعدها رضعة الظهر إللي أعطيه بعد ما أرجع من الدوام مباشرة .. و هذه تغلبت عليها بمساعدة والدتي الله يحفظها .. لأني أخليه عندها في النهار فكانت تنيمه قبل ما أرجع أنا للبيت ... الرضعات إللي خلال الليل كل ما يوتعي من نومته قمت أقول له شوف بره ظلام (ما في ليت (مصباح)) .. و هذه كانت صعبة عليه شوية و حاول يقاوم و كان يتعبني شوي عشان يرجع ينام بدون رضعة بس الحمد لله بعد كم يوم و بعد معاناة إستسلم .. بس كان أول ما يطلع الصبح أعطيه .. و بعدها بفترة وقفنا رضعة الصبح .. و بقينا على رضعة وحدة قبل النوم .. هذه كانت الأصعب لأن بالنسبة له هي شي مقدس ما ينام إلا بالرضعة .. و كنت أحاتي و خايفة شلون راح أقنعه .. المهم طلبت العون من رب العالمين و في يوم قلت له إنت صرت كبير و اليوم بنروح فوق ما بنشرب حليب بس بنشرب ماي و بنصك الليت و بنام قول ok قال ok .. آنه هني إنصدمت لأني حاولت مرة قبلها و ما رضى يتقبل كلامي رغم إني ما أعتقد إنه فهمه عدل .. المهم أنا ما صدقت و أخذته فوق و بدلته و عطيته ماي و أطفأنا الأنوار و حاولت أنيمه بهزه في حضني لكن بقى فاتح عينه طول الوقت و تعبني لين ما نام .. أول ثلاثة أيام كانت متعبة و حاول يتمرد و كان يقعد الصبح و مزاجه معفوس بس الأمر يحتاج إلى صرامة من الأم ... و الحمد لله إن رب العالمين سهل

آنه أحب التفاهم و عمر السنتين ممكن تفهمينه بكلمات و إسلوب بسيط فلو تبتدين تخففين من ألحين و تحاولين تواصلين هالأمر لعمر سنتين بيكون في وسيلة للتفاهم بإذن الله .. و الله يسهل أمورك يا رب

انا تعذبت وياه كل واحد يصيح من صوب

لأني فطمته فجأة عشان بروح الحج


وكان عمرة 1 وشهرين

بس السالفة لا تخلو من التعب

ومن حسنات الفطام اللي شفتها ان ولدي صار ياكل اكثر

وصار ينام الليل ساعات متواصلة اكثر

السلام عليكم

نصيحتي كملي عالعامين...انا اولادي عامين رضعتهم....والحمدلله...اما لما فطمتهم تعبت ليلة واحدة بس


اول شئ لا تحطين صبار ولا ملح ولا اي شئ كريه...لان الصدر بالنسبة للطفل مصدر للامان والحب والحنان ورضع


منه لفترة طويلة فكيف بتجي في يوم وبتكرهيه فيه هذا مش كويس لنفسيته...انا لما فطمتهم حطيت


الدواء الاحمر تبع الجروح اللي يسبغ في الجلد وكل مايروح احطه ...وفهمتهم ان صدري بيوجعني


وما اقدر ارضعهم منه وخليتهم يشوفوه وهو احمر فتفهموا الوضع وصاروا كل مايطلبونه اوريهم انه


بيووجعني...الى ان تعودوا....بيبكوا اكيد بس تحملي شوي...وبالليل احطلهم عصير بالمصاصة


كل مايعطشون اعطيه لهم....وبس...هذه تجربتي...


الله يعطيك سعة البال...ويصبرنا اجمعين...

[COLOR="blue"][COLOR="Purple"][COLOR="RoyalBlue"]عزيزتى ليندا انا فطمت بنتى و ابنى بنفس السن 1,3 و بنفس الطريقة حطيت نبات الصبار لكن ابنى حطيت كمان بن عشان فى الاول رضع عادى بالصبار و طبعا باليل لازم تشربيه عصير و ماء و اهم حاجة انك تحاولى تخرجيه و تفسحيه عشان يتلهى فى اللعب,جمدى قلبك و ربنا يوفقك[/COLOR][/COLOR][/COLOR].
لاتنسى عمل الاستخارة

الله يسعدكم افتوني كتير وانا مراا سعيده بردودكم وشكرن وانشاء الله راح اخفيف رضلعه علين مايسر سنتين فعلن اقنعتوني

عزيزتي


انا من رأيي كملي بعد 3 شهور أفضل مثلي يعني

انا بنتي عمرها الحين سنة و9 شهور ونصف طبعا اول شيء تقطعي رضاعة النهار انا قطعتها من اسبوع وشوي
ومن يوم الأربعاء قبل أمس أبتدأيت معاها فطام ونيمتها بلا رضاعة بس كانت رضعة صغيرة وبعدين خلاص حطيت لها كاتشب وهي ماتحبه ولا تحب ريحته وبس من الريحه اقولها يع وماتشتهيه وهالليلة مره جننتني كله صياح واحسها مي مرتاحة ومي قادرة تنام ولكن الحمد لله على كل حال

وطبعا قبل هذا كله انا عودتها من شهرين وشوي تقريبا 3 شهور على الحليب المزاز والحمد لله تعودت عليه فماني ندمانه على فطامها لانها أخذت حاجتها وفي نفس الوقت عودتها على البديل

وبالنسبة لقعدتها في الليل هي من زمان بطلتها ولله الحمد لكن هالليله جننتني لانها مارضعت فكله تصحى وصرت اعطيها ماء أحسن من اني اعودها على حليب في الليل أو عصير ويضر اسنانها وبعد بتكون مشكله ثانية اني اقطع هالعادة عنها ولهذا عطيتها ماء


والله يساعدني ويساعدك ويساعد كل الأمهات المرضعات واللي بيفطموا اطفالهم


والله يحفظه لك يارب