محتارة جدا ..ساعدوني

مرحبا بنات ,,

جاية اخذ رايكم بموضوع ويا ريت تفيدوني ..

موضوعي هو ,,

انا مخطوبة صار لي كم شهر ومن بداية الخطوبة من اول شهر وانه كله بدوامة مشاكل مع خطيبي مرات يكون الخلاف بينا بس احنا ومرات يكون بسبب اهله ,,

المهم انه من بداية الخطوبة انه ماحست نفسي مرتاحة معاه ,, حاسة نفسي انه مجبورة او اجامل نفسي مع العلم اني وافقت عليه برضاي ومحدي ضغط علي واهلي اصلا نصهم ما كانو راضين مو موافقين عليه لعدة اسباب ..بس انا كنت ابيه مادري من غير تفكير وافقت عليه من غير مادرس الموضوع زين ..

المهم بعد هالكم شهر واحنا يوم نتصالح ويوم نتهاوش وانا كارهة العيشة معاه ..

لعدة اسباب ,, اولها انه مافي توافق بينا ابدا لا من ناحية التفكير ولا من ناحية التعليم والشهادة ولا حتى من ناحية العادات والتقاليد ..

يعني هم عاداتهم وتقاليدهم غير عنا وعن البيئة الي تربيت فيها ,, وحاسة نفسي مو قادرة اتأقلم مع بيئتهم ..

الادهى من هذا كله انه قبل الخطوبة يعني قبل لا نملك كنا نكلم بعض لمدة 4 شهور وبعدين ملكنا يعني هي فترة كانت كفيلة اني افكر زين ,, بس ان مافكرت هو كان دايما يقول لي قصص وكلام عن حياته وحياة اهله واشيا وايد ولما ملكنا وصرت اروح واجي على بيتهم اكتشفت انه معظم الي قاله لي كان كذب في كذب وهالشي خلاني ابعد عنه وما ارتاح له ..

والحين صاير كل ما نتهاوش يهددني بالطلاق ومادري شنو انا والله حاسة نفسي ضايعة ساعات افكر بالانفصال اقول هو الحل اريح لي من هالعيشة الي عايشتها ..

ساعات اهدي نفسي واخزي ابليس وترد المشاكل تتكرر ..

وفوق كل هذا ماني حاسة انه لي خصوصية في بيتهم او مع اهله ولا حاسة نفسي صج زوجة وعندي زوج ,, يعني اولا هو رافض نطلع بروحنا نسكن يبيني اسكن مع اهله واهله ظروفهم اصلا جدا صعبة يعني انا ماعندي مكان ولا حتى غرفة وحمام اسكن فيها مع اهله ,,

غير هذا من ناحية الدين اكتشتف انهم مو ملتزممين بصلاتهم وصيامهم وفروضهم ويمكن هالشي خلاني ما ارتاح شوي معاهم ولا اني اسكن وياهم بعد الزواج وهذا الشي عرفته في خطيبي من بداية الخطوبة وحاولت اني اغيره واخليه يلتزم ويصلي والحمدلله شوي قدرت يعني قام الحين يصلي ..

انا ما انكر انه هو يحبني واهله يحبوني بس مادري احس قاعدة اجامل نفسي على حساب راحتي النفسية في المقابل لو فكرت فيها مافيه ولا شي يخلني اتمسك فيه واستمر معاه ..

انا واااااااااااااااااايد محتارة احس خلاص وصلت لدرب مسدود ماقدر افكر فيه ..

قررت اني اصلي واستخير ربي انا ماسويت هالشي في قبل الخطوبة بس اعتقد لازم اسويه الحين يمكن الله ينورني ويدلني على الطريق الصحيح ..

شورو علي بليز انا محتارة وايد ..